Artur Vanetsyan
Artur Qaqikoviç Vanetsyan (erm. Արթուր Գագիկի Վանեցյան, 8 dekabr 1979, İrəvan) — Ermənistan dövlət siyasi xadimi, general-mayor, 10 may 2018-ci il tarixindən 16 sentyabr 2019-cu il tarixinədək Ermənistan Milli Təhlükəsizlik Xidmətinin direktoru, 22 sentyabr 2018-ci ildən Ermənistan Futbol Federasiyasının prezidenti.
| Artur Vanetsyan | |
|---|---|
| erm. Արթուր Գագիկի Վանեցյան | |
 | |
Vəzifədədir | |
| 2 avqust 2021-ci ildən | |
| Fraksiya | Şərəf Duyuram İttifaqı |
| 10 may 2018 – 19 sentyabr 2019 | |
| Prezident | Armen Sarkisyan |
| Baş nazir | Nikol Paşinyan |
| Əvvəlki | Georgi Kutoyan |
| Sonrakı | Eduard Martirosyan (müvəqqəti) |
| 22 sentyabr 2018 – 21 noyabr 2019 | |
| Əvvəlki | Ruben Ayrapetyan |
| Sonrakı | Armen Məlikbekyan |
Ayrenik Partiyasının sədri | |
| 10 may 2018 – 16 sentyabr 2019 | |
| Şəxsi məlumatlar | |
| Doğum tarixi | 8 dekabr 1979 (45 yaş) |
| Doğum yeri | |
| Fəaliyyəti | siyasətçi |
| Uşağı | 2 |
| Rütbəsi | polkovnik |
Həyatı
redaktə8 dekabr 1979-cu ildə İrəvanda anadan olmuşdur. 1995-ci ildə Yerevanda 2 nömrəli orta məktəbi bitirib. 1997–1999-cu illərdə Ermənistan Silahlı Qüvvələrində xidmət edib. 1999-cu ildə Ermənistan Kənd Təsərrüfatı Akademiyasını, 2003-cü ildə Sankt-Peterburq Xarici İqtisadi Əlaqələr, İqtisadiyyat və Hüquq İnstitutunu (qiyabi) bitirmişdir. Rusiya Federal Təhlükəsizlik Xidmətinin Akademiyasını fərqlənmə diplomu ilə bitirmişdir.
2000-ci ilin dekabr ayında Ermənistanın milli təhlükəsizlik orqanlarında vəzifə səlahiyyətinə daxil olmuşdur. 2002-da Rusiya FTX Akademiyasında yenidən hazırlıq keçdi. 2015-ci ildə Ermənistan prezidentinin fərmanı ilə "Hərbi xidmətlərə görə" medalı ilə təltif edilmiş, həmçinin Milli Təhlükəsizlik Şurasının və Müdafiə Nazirliyinin rəhbərliyi tərəfindən dəfələrlə mükafatlandırılmışdır. 2016–2018-ci illərdə İrəvan üzrə Milli Təhlükəsizlik Xidməti İdarəsinin rəis müavini vəzifəsində çalışıb. 10 may 2018 – 16 sentyabr 2019-cu il tarixində Ermənistan MTX rəhbəri olaraq çalışıb. Bu vəzifədən istefa verdikdən sonra Vətən (Ayrenak) partiyasını qurub və həmin partiyasının sədri seçilib və baş nazir Nikol Paşinyana qarşı siyasi fəaliyyətə başlayıb.[1]
Hərbi rütbələri
redaktəArtur Vanetsyan aşağıdakı illərdə müvafiq hərbi rütbələrə yüksəlib:
- 2000-ci il, leytenant
- 2001-ci il, baş leytenant
- 2003-cü il, kapitan
- 2006-cı il, mayor
- 2009-cu il, Polkovnik-leytenant
- 2017-ci il, polkovnik
- 2019-cu il, general-mayor
MTX direktoru vəzifəsində
redaktə10 may 2018-ci il tarixdə Ermənistan prezidentinin fərmanı ilə Milli Təhlükəsizlik Xidmətinin direktoru təyin edilib. İşlədiyi dövrdə, xüsusən də Ermənistanın keçmiş hakimiyyət orqanlarına qarşı cinayət işi, daha fəal və açıq işlə əlaqədar olaraq, Vanetsyan xeyli reytinq qazandı və Paşinyanın zəif komandasının ən güclü kadrlarından biri hesab edildi. Bu müddətdə baş nazir Nikol Paşinyan tərəfindən ona general-mayor rütbəsi verildi.[2] Vəzifədə olan zaman onun gizli səs yazısının üstü açıldı. Orada Vanetsyan KTMT Baş katibi, Ermənistan Silahlı Qüvvələrinin keçmiş qərərgah rəhbəri Yuri Xaçaturovun həbsinin Rusiya ilə ciddi problemlərə səbəb olacağını xəbərdar edirdi.[3]
2019-cu il sentyabrın 16-da Vanetsyan MTX rəhbəri vəzifəsindən istefa verib.[4] İddialara görə Ermənistan Vanetsyan və baş nazir Paşinyan bundan bir neçə gün öncə olduqca vacib söhbət edib. Paşinyan Vanetsyana deyib ki, MTX Robert Köçəryan, Serj Sarkisyan, Ermənistan Konstitusiya Məhkəməsinin sədri və hakimlərə qarşı materiallar toplamalıdır, lakin Vanetsyan bundan imtina edib.[5] Onun yerinə bu vəzifəyə müvəqqəti olaraq Eduard Martirosyan təyin edilib.[6]
Şəxsi həyatı
redaktəEvlidir, 2 oğlu var. Böyük oğlu Artyom İrəvan Dövlət Universitetinin Hüquq fakültəsində təhsil alır.[7]
İstinadlar
redaktə- ↑ "Ermənistanın keçmiş MTX direktoru: "Paşinyan siyasi marağını vətəndaşlarımızın həyatından üstün tutur"". 2020-06-22 tarixində orijinalından arxivləşdirilib. İstifadə tarixi: 2020-06-21.
- ↑ Paşinyan güc strukturlarında özünə dayaq formalaşdırır – Bir sıra şəxslərə general rütbəsi verildi [ölü keçid]
- ↑ Ermənistan MTX-nin sabiq direktoru yeni hakimiyyətə qarşı kompromislərə malikdir – O, siyasətə daxil olacaq? [ölü keçid]
- ↑ Ermənistan MTX direktoru istefa verdi [ölü keçid]
- ↑ Ermənistan MTX rəisi nə üçün istefa verib və onu kim əvəz edəcək? [ölü keçid]
- ↑ Ermənistan MTX-nin müvəqqəti direktoru nüfuzdan salınmış kadrları geri qaytarır [ölü keçid]
- ↑ Ermənistan MTX-nin sabiq direktorunun oğlu tezliklə ordu sıralarına çağırılacaq [ölü keçid]