Arxeometriya (jurnal)
"Arxeometriya" jurnalı - arxeologiya elmini, xüsusilə mütləq tarixləndirmə (yaşlandırma) üsullarını, artefakt tədqiqatlarını, kəmiyyət arxeologiyasını, məsafədən zondlama, arxeologiyada konservasiya və ətraf mühit arxeologiyası ilə əlaqəli məqalələri özündə əks etdirən resenziyalı akademik jurnaldır.[1][2]
Jurnal haqqında qısa məlumat
redaktəO, Oksford Universitetinin Arxeologiya və İncəsənət Tarixi üzrə Tədqiqat Laboratoriyası adından Viley-Blakvell tərəfindən iki ayda bir nüsxə olaraq nəşr olunur.[2] Onun hazırkı redaktorları A. Mark Pollard, Ina Reyşe, Brandi Makdonald, Gilberto Artioli və Katrin Battdır.[3]
Jurnal 1958-ci ildə Arxeologiya və İncəsənət Tarixi Tədqiqat Laboratoriyasının Bülleteni olaraq təsis edilmişdir. O, 2001-ci ildən etibarən Viley-Blakvell tərəfindən nəşr olunur.[2]“Arxeometriya”da nəşr olunan məqalələr əsasən arxeologiyada tarix və materialların müəyyən edilməsi üçün tətbiq olunan fiziki və kimyəvi üsullara həsr olunur.[4] Oksfordda yerləşən Radiokarbon laboratoriyası və eləcə də, digər radiokarbon laboratoriyaları tərəfindən həyata keçirilən radiokarbon tarixləndirmə analizləri haqqında məlumatların burada nəşr olunması xüsusi diqqət cəlb edir.[5][6]
Abstraktlaşdırma və indeksləşdirmə
redaktəJurnal İncəsənət və Humanitar Elmlər İstinad İndeksi (Arts and Humanities Citation Index), Elm İstinad İndeksi (Science Citation Index), Scopus, Akademik Axtarış (Academic Search), FRANCIS, Dövri Ədəbiyyatın Beynəlxalq Biblioqrafiyası (International Bibliography of Periodical Literature), Sosial Elmlərin Beynəlxalq Biblioqrafiyası (International Bibliography of the Social Sciences), Periodicals Index Online, İncəsənət Mənbəsi (Art Source), Antropoloji Ədəbiyyat (Anthropological Literature) və GEOBASE-də indeksləşmiş jurnallar siyahısındadır.[7] Journal Citation Reports-a (Jurnal İstinad Hesabatları) görə, jurnalın 2019-cu ildə impakt faktoru 1,519 olmuşdur. Adı çəkilən jurnal "Kimya, Analitika" kateqoriyasındakı 86 jurnal arasında 64-cü,[8] "Kimya, Qeyri-üzvi və Nüvə" kateqoriyasında isə 45 jurnal arasında 28-ci yeri tutmuşdur.[9] Bundan başqa "Yer elmləri, multidisiplinar" kateqoriyasında 200 jurnal arasında 142-ci sırada yer almışdır.[10]
Həmçinin bax
redaktəİstinadlar
redaktə- ↑ "Archaeometry" John Wiley & Sons". Wiley Online Library. 2020-11-24. 2024-05-02 tarixində arxivləşdirilib. İstifadə tarixi: 26.05.2024.
- ↑ 1 2 3 "Overview - Archaeometry" John Wiley & Sons". Wiley Online Library. 2020-11-24. 2023-11-09 tarixində arxivləşdirilib. İstifadə tarixi: 26.05.2024.
- ↑ "Editorial Board - Archaeometry" John Wiley & Sons". Wiley Online Library. 2020-11-24. 2023-11-09 tarixində arxivləşdirilib. İstifadə tarixi: 26.05.2024.
- ↑ "Archaeometry: prospecting, provenance, dating". Archaeology as Human Ecology: Method and Theory for a Contextual Approach (ingilis). Cambridge: Cambridge University Press. 1982. p.157. ISBN 978-0-521-28877-4.. (#first_missing_last)
- ↑ "Oxford AMS Radiocarbon Datelists - Archaeometry". John Wiley & Sons". Wiley Online Library. 2020-11-24. 2023-11-09 tarixində arxivləşdirilib. İstifadə tarixi: 26.05.2024.
- ↑ Bronk Ramsey, Christopher; Blaauw, Maarten; Kearney, Rebecca; Staff, Richard A. "The Importance of Open Access to Chronological Information: The IntChron Initiative". Radiocarbon. 61 (5): 1121–1131 (ingilis). 2019 October. doi:doi:10.1017/RDC.2019.21. (#bad_doi).
- ↑ "Archaeometry". University of Barcelona". MIAR: Information Matrix for the Analysis of Journals. 2020-11-24. 2024-05-27 tarixində arxivləşdirilib. İstifadə tarixi: 26.05.2024.
- ↑ Journals Ranked by Impact: CHEMISTRY, ANALYTICAL". 2019 Journal Citation Reports. Web of Science (Science ed.). Thomson Reuters. 2020.
- ↑ Journals Ranked by Impact: CHEMISTRY, INORGANIC & NUCLEAR". 2019 Journal Citation Reports. Web of Science (Science ed.). Thomson Reuters. 2020.
- ↑ "Journals Ranked by Impact: GEOSCIENCES, MULTIDISCIPLINARY". 2019 Journal Citation Reports. Web of Science (Science ed.). Thomson Reuters. 2020.