Avtoseqreqasiya

Avtoseqreqasiya və ya öz-özünə seqreqasiya — dini, etnik və ya irqi qrupun bir ölkədəki digər qruplardan təbii olaraq qrupun özü tərəfindən ayrılması. Bu, adətən müxtəlif etnik, irqi və ya dini qruplar arasında sosial qarşılıqlı əlaqənin azalması ilə nəticələnir, sosial təcrid forması kimi təsnif edilir.

Avtoseqreqasiya yolu ilə ayrı-ayrı qrupun üzvləri öz xidmətlərini yarada, öz adət və ənənələrini qoruya bilərlər. Məsələn, dünyanın təmasda olmayan bəzi xalqları qlobal miqyasda inteqrasiya olunmuş insan əhalisinin qalan hissəsi ilə əlaqə saxlamamağa üstünlük vermişlər. Ehtiyatda və təcriddə qalmaqla onlar öz mədəniyyətlərini seçdikləri və ətraf dövlətlər onları qoruduğu müddətcə toxunulmaz şəkildə qoruya bilər.

Etnik kommunalizm

Avtoseqreqasiya və ümumiyyətlə seqreqasiya adətən müxtəlif etnik, irqi və ya dini qruplar arasında millətlərarası zorakılığa səbəb olur. Bunun misalları bütün dünyada etnik və ya dini müxtəliflik dərəcəsi olan yerlərdə müşahidə olunur. Bunun məşhur nümunələri İraqda sünnilər və şiələr arasında məzhəb qarşıdurması, Şimali İrlandiya konflikti,Cənubi Asiya və Afrikada, xüsusən də Hindistan və Nigeriyadadini motivli iğtişaşlardır.

Həmçinin bax

• Endoqamiya

Əlavə ədəbiyyat

• The Shame of the Nation: The Restoration of Apartheid Schooling in America