Ayla (film, 2017)

Ayla (türk. Ayla) — rejissoru Can Ulkay, ssenaristi Yiğit Güralpın 2017-ci il TürkiyəCənubi Koreyanın birgə istehsalı olan film. 1950-ci ildə başlamış Koreya müharibəsi gedişində yaşanmış real hadisə əsasında 2016-cı ildə filmin çəkilişlərinə başlanılmışdır. Filmin çəkilişləri Türkiyədə və Cənubi Koreyada aparılmışdır. Filmin musiqiləri Fahir Atakoğlu tərəfindən bəstələnmişdir. 4 mart 2018-ci il tarixində keçiriləcək 90-cı Oskar mükafatının "Əcnəbi dildə olan ən yaxşı film" nominasiyasına filmin namizədliyi irəli sürülsə də, lakin sonda qısa siyahıya düşə bilməmişdir.[1][2]

Ayla
türk. Ayla
Ayla Film Afişi.jpg
Janr dram
Rejissor Can Ulkay
Ssenari müəllifi Yiğit Güralp
Baş rollarda Çetin Tekindor
İsmail Hacıoğlu
Kim Seolu
Murad Yıldırım
Əli Atay
Bəstəkar Fahir Atakoğlu
İstehsalçı Warner Bros.
Distribüter Warner Bros.
İlk baxış tarixi 27 oktyabr 2017
Müddət 124 dəq.
Ölkələr Türkiyə Türkiyə
Cənubi Koreya Cənubi Koreya
Dillər türk dili, koreya dili, ingilis dili
İl 2017
IMDb ID 6316138

MəzmunRedaktə

1950-ci ildə Şimali Koreya silahlı qüvvələrinin qəflətən hücumu artıq üç gündən sonra Cənubi Koreyanın paytaxtı Seulun işğalı ilə nəticələnmişdi. Cənubi Koreya olduqca ağır bir duruma gəlmişdi. Birləşmiş Millətlər Təşkilatının yardım məqsədilə çağırışına Türkiyə Cənubi Koreyaya bir briqadasını göndərmişdir. Filmdə hadisələr Türk Briqadasının baş giziri Süleymanın gecə vaxtı baş vermiş döyüşlərindən birində ata və anası öldürülmüş kiçik bir qızı tapması ilə başlayır. Əsgərlər 5 yaşlı qıza ad vermək qərarına gəldikdə, baş gizir Süleymanın "ay gibi yüzü var zaten ay ışığında bulduk" (ay kimi üzü var, zatən ay işığında tapdıq) deyərək Ayla adını verir. 15 ay ərzində Aylaya baxan Süleymanın artıq Türkiyəyə geri dönməsi barədə əmri gəlir. Bu zaman məsələyə yuxarı rəhbərliyin qarışması ilə Ayla Koreya müharibəsi illərində türk əsgərləri tərəfindən yaradılmış "Ankara Okulu"nda təhsil almağa başlayır.[3][4] Aylanı tək qoyub getmək istəməyən Süleyman onu Türkiyəyə aparmaq üçün hər cür cəhd etsə də, lakin Cənubi Koreyadan Aylanı çıxarmağa nail ola bilmir. Film müharibənin bitməsindən 60 il sonra Cənubi Koreyadakı Ankara parkında Ayla və Süleyman Dilbirliğinin yenidən bir-birinə qovuşması ilə başa çatır.

AktyorlarRedaktə

  • İsmayıl Hacıoğlu — Kiçik zabit Süleyman / Süleyman Bilbirliyi (1950)
  • Çətin Təkindor — Kiçik zabit Süleyman / Süleyman Dilbirliyi (2010)
  • Kim Seol — Ayla (1950)
  • Li Kunq-Jin — Ayla (2010)
  • Əli Atay — Kiçik zabit Əli
  • Taner Birsel — Minbaşı Fuad
  • Murad Yıldırım — sahə zabiti MəsuD
  • Ərqan Pətəkqaya — Minbaşı İsgəndərun
  • Eric Roberts — Minbaşı General Koulter

Filmin istehsalıRedaktə

Film, 2010-cu ildə Munhwa Broadcasting Corporation tərəfindən yayımlanmış Kim Eun-ja və Süleyman Dilbirliğin real hekayəsi əsasında Hvanq Byungun rejissorluğu ilə çəkilən "Ayla, mənim koreyalı qızım" (Ayla, My Korean Daughter) sənədli film əsasında yaradılmışdır.[1][5] 2016-cı ildə Cənubi Koreyada başlanılmış aktrisa seçimlərində ölkənin "1988-ci ildə mənə cavab verin" populyar televiziya serialındakı Jin-ju rolunu oynayan uşaq aktrisa Kim Seol Ayla rolu üçün seçilmişdir. Ko Eun-min isə Aylanın anası rolu üçün çəkilişlərə qatılmışdır.[6] Filmin çəkilməsinə Türk Hava Yolları, Türkiye Respublikası Mədəniyyət və Turizm NazirliyiZiraət Bank kimi qurumlar sponsorluq etmişdir. Türkiyə və Cənubi Koreyanın birgə istehsalı olan filmin çəkilişləri Türkiyədə həyata keçirilmişdir. Filmin çəkilişləri 2016-cı ilin noyabrında Türkiyədə başlamış[1][3] və 2017-ci il iyun aylarında Cənubi Koreyada tamamlanmışdır.[6]

İstinadlarRedaktə

  1. 1 2 3 "Türkiye'nin Oscar adayı belli oldu". Hürriyet. 24 August 2017. 24 August 2017 tarixində arxivləşdirilib. İstifadə tarixi: 24 August 2017.
  2. Holdsworth, Nick. "Oscars: Turkey Selects 'Ayla: The Daughter of War' for Foreign-Language Category". The Hollywood Reporter. 25 August 2017. 25 August 2017 tarixində arxivləşdirilib. İstifadə tarixi: 25 August 2017.
  3. 1 2 Betul, Sinem. "'Ayla,' a movie based on a heart-breaking 65-year-old real-life story". korea.net. 2 May 2017. 27 August 2017 tarixində arxivləşdirilib. İstifadə tarixi: 27 August 2017.
  4. Mitchell, Robert. "Turkey Selects True-Life Drama 'Ayla' as Foreign-Language Oscar Entry". Variety. 25 August 2017. 6 July 2022 tarixində arxivləşdirilib. İstifadə tarixi: 27 August 2017.
  5. '응팔' 진주 김설, 한국-터키 합작영화 ‘아일라’ 주연 발탁 [Kim Seol, who played Jin-ju in 'Reply 1988', chosen for role in South Korea–Turkey joint production 'Ayla']. Newsen. 23 November 2016. 30 August 2017 tarixində arxivləşdirilib. İstifadə tarixi: 27 August 2017.
  6. 1 2 고은민, 한국*터키 합작영화 '아일라'출연…터키 현지촬영 완료 [Ko Eun-min appears in Turkish joint production 'Ayla'; local filming in Turkey complete]. Korea Economic Daily Television. 4 July 2017. 30 August 2017 tarixində arxivləşdirilib. İstifadə tarixi: 27 August 2017.

Həmçinin baxRedaktə