Azər Cırttan

Azər Cırttan (azərb. Azər Məmmədov‎; 15 dekabr 1979, Bakı) — müasir Azərbaycanlı musiqiçi, rəssam, şair.

Azər Cırttan
azərb. Azər Məmmədov‎
Ümumi məlumatlar
Doğum tarixi	15 dekabr 1979
Doğum yeri	Bakı, Azərbaycan SSR
Vətəndaşlığı	Azərbaycan
Milliyyəti	azərbaycanlı
Musiqiçi məlumatları
Fəaliyyəti	musiqiçi
Fəaliyyət illəri	1997 - günümüz
Janrlar	Jazz və Folk
Musiqi aləti	Gitara
Səs tembri	Lirik tenor
Əlaqələri	Miri Yusif, Teymur Nadir

Həyatı

Azər Məmmədov 1979-cu ilin 15 dekabr tarixində Bakı şəhərində anadan olmuşdur. İbtidai və orta təhsili Bakı şəhərində almışdır. 1996-cı ildə Azərbaycan Respublikasının dövlət təqaüdünə haqq qazanaraq təhsilini Türkiyədə davam etmişdir. Anadolu Üniversiteti, İqtisat Elmləri fakültəsindən 2002-ci ildə məzun olmuşdur. 2004-cü ildə hərbi xidmətini başa vurmuşdur. 2005-ci ildən Türkiyə, Rusiya və Ukraynada müxtəlif şirkətlərdə çalışmışdır. Evlidir. 2 qız atasıdır.

Fəaliyyəti

Musiqi fəaliyyətinə 1997-ci ildə başlamışdır. 2010-cu il Sankt Peterburq şəhərində keçirilən North Jazz Festivalının əsas iştirakçılarındandır. Türkiyə və Rusiyada müxtəlif musiqi qrupları ilə əməkdaşlıqdan sonra 2011-ci ildən etibarən musiqi fəaliyyətini tək davam etməkdədir.

Azər Cırttan, Azərbaycan, Rus, Türk və İngilis dillərində 80-dən çox mahnının müəllifidir. Müxtəlif müasir musiqiçilərlə əməkdaşlıq etmişdir. Onlar arasında Teymur Nadir, Rüstəm Məmmədov, Miri Yusif, Kamil Hajiyev (No- Land Türkiyə), SoyuzApollo vardır. Bir çox Avropa ölkəsində, Türkiyədə, Rusiyada konsertlər vermişdir. 2011-ci ildən etibarən Hollandiyada yaşamaqdadır.

Musiqilər

• Ana
• Yağmur
• Murakami, Pasternak və hamıya oxşamaq istəyən adam
• Yat quzu balam
• Balama
• Oyunlar
• Niyə uzundur bu yollar
• Ayın üstündə ayaq izlərimiz
• Həyata arxaya dönüb baxmıram
• Qabonlunun hekayəsi
• Ləpirçi
• Uzağın bir adı var
• Divar
• Analoqu Olmayan