Azərbaycan Texnologiya Universiteti
Azərbaycan Texnologiya Universiteti — Azərbaycan Respublikası Təhsil Nazirliyinin tabeliyində olan ali təhsil müəssisəsi.
| Azərbaycan Texnologiya Universiteti University of Technology of Azerbaijan | |
|---|---|
 | |
| 40°41′19″ şm. e. 46°23′13″ ş. u. | |
| Əsası qoyulub | 10 iyul 1980 |
| Rektor | Akif Süleymanov[1] |
| Şəhər | Gəncə |
| Ölkə | |
TarixiRedaktə
Azərbaycan Texnologiya İnstitutu Azərbaycan SSR Nazirlər Sovetinin 10 iyul 1980-ci il tarixli qərarı ilə Ç.İldırım adına Azərbaycan Politexnik İnstitutunun Kirovabad (indiki Gəncə) filialının bazasında, Krasnodar Politexnik İnstitutunun Bakı filialını, həmçinin S.Ağamalıoğlu adına Azərbaycan Kənd Təsərrüfatı İnstitutunun "Şərabçılığın texnologiyası" ixtisasını birləşdirməklə yaradılmışdır.
Respublika ali məktəbləri arasında 1982-ci ildə keçirilən yarışda Azərbaycan Texnologiya İnstitutu ikinci yer, 1983 və 1984-cü illərdə isə birinci yer tutaraq Azərbaycan SSR Ali və Orta İxtisas Təhsili Nazirliyinin və sahə Həmkarlar İttifaqı Respublika Komitəsinin Fəxri Fərmanı ilə təltif edilmişdir. Həmçinin 1984-cü ildə Azərbaycan KP MK-nın, Azərbaycan SSR Nazirlər Sovetinin və Azərbaycan LKGİ MK-nın Keçici Qırmızı Bayrağı ilə təltif olunmuşdur.
Maddi-texniki bazasıRedaktə
Universitetdə hazırda 4 fakültə, 17 kafedra, aspirantura və magistratura şöbəsi, elmi-tədqiqat bölməsi, hazırlıq kursu, iki elmi-tədqiqat laboratoriyası, ingilis dili resurs mərkəzi, kitabxana, İnformasiya Hesablama Mərkəzi, tibb məntəqəsi, 3 iaşə, 4 istehsalat-təcrübə obyekti, idman zalı (sahəsi 1000 kv.m.) və tələbə şəhərciyi fəaliyyət göstərir.
Universitetdə 1983-cü ildən çoxtirajlı "Texnoloq" qəzeti və 2004-cü ildən isə "Elmi xəbərlər" məcmuəsi nəşr olunur.
RektorlarRedaktə
- İsmayıl Sadıxov(1980-1981)
- Rəhim Rəhimob(1981-1986)
- Tofiq Qocayev(1986-1992)
- Şəmsəddin Mütəllimov(1992-1993)
- Namiq Əsgərov(1993-1994)
- Vidadi Məmmədov (1994-2000)
MəzunlarRedaktə
- Elmar Vəliyev – Gəncə şəhər İcra hakimiyyətinin sabiq başçısı
- Vilyam Hacıyev – İmişli rayon İcra hakimiyyətinin başçısı
- Mübariz Ağayev – Göyçay Rayon İcra hakimiyyətinin sabiq başçısı
- Qəzənfər Ağayev – Astara Rayon İcra Hakimiyyətinin başçısı
- Qoca Səmədov– Yevlax rayonu sabiq İcra Hakimiyyətinin başçısı
- Rasim Bəşirov – Bakı Dəniz Akademiyasının rektoru, texnika elmləri doktoru
- Rauf Qurbanov – sabiq millət vəkili