Azadlıq abidəsi (İstanbul)

Azadlıq abidəsi (türk. Hürriyet Anıtı) — 1909-cu il 31 mart hadisəsində əks çevriliş əsnasında Osmanlı İmperiyası parlamentini monarxist qüvvələrdən qoruyaraq şəhid olan əsgərlərin şərəfinə inşa edilən abidə. İstanbulun Şişli bələdiyyəsi ərazisində yerləşir.

Azadlıq abidəsi
türk. Hürriyet Anıt
Mithat Pasa mezari.jpg
Ölkə Türkiyə
Yerləşir İstanbul
Vikianbarın loqosu Vikianbarda əlaqəli mediafayllar

Abidə 1911-ci ildə, 31 mart hadisəsinin ikinci ildönümündə açılmışdır. Kompleksdə qalıqları sonradan buraya köçürülmüş dörd görkəmli Osmanlı yüksək rütbəli məmurunun qəbirləri də var. Bu gün Türkiyədə müasirlik, demokratiya və dünyəviliyin[1] rəmzi kimi qəbul edilən abidə bəzən rəsmi mərasimlər və kütləvi toplantılar üçün bir yer kimi xidmət edir.

TəsviriRedaktə

Abidə İstanbulun Şişli bələdiyyəsində Əbədi Azadlıq Təpəsi olaraq bilinən ən yüksək təpədə (dəniz səviyyəsindən 130 m yüksəklikdə) yerləşir[2]. Bu gün Şişli və Çağlayanı birləşdirən üç əsas magistral yolla həmsərhəd olan üçbucaqlı bir ərazidədir.

Abidənin dizaynı, müvafiq memarlıq yarışmasında qalib gələn məşhur Osmanlı memarı Müzəffər bəy tərəfindən hazırlanmışdır. 1909-1911-ci illərdə ucaldılmış abidə, göyə atılan top lüləsi şəklində düzəldilmiş və bərabər tərəfli üçbucaqlı bazaya quraşdırılmışdır. Burada dəfn olunan əsgərlərin adları mərmər əsasın hər iki tərəfində həkk olunmuşdur. Abidə V Mehmed Rəşadın tuğrasını əhatə edir. Abidə bir parkın mərkəzində, Osmanlı bayrağındakı ulduz və ayparalı rəmzi olan dairə ilə əhatə olunmuş beşbucaqlı bir ulduz formasında inşa edilmişdir.

Cazibə nöqtəsiRedaktə

Bu yer İstanbulda demokratiya və vətəndaş hüquqları üçün nümayişlərin keçirildiyi bir məkan olaraq xidmət edir. Həmkarlar ittifaqları tərəfindən təşkil edilən Əmək bayramı nümayişləri, 1977-ci il Taksim Meydanında baş verən qətliam hadisəsindən sonra illərdir abidənin ətrafında baş verir.

Şişli bələdiyyəsi loqosuRedaktə

Abidənin təsviri səlahiyyətlilərinin istifadə etdiyi Şişli bələdiyyəsinin loqosunda göstərilir [1].

İstinadlarRedaktə

  1. Denizce Arxivləşdirilib 2007-04-06 at the Wayback Machine  (türk.)
  2. "Wikimapia". İstifadə tarixi: 2019-05-26.