Bəxtiyar Hacıyev

siyasətçi

Bəxtiyar İlyas oğlu Hacıyev (28 mart 1982; Zod, Basarkeçər, Ermənistan SSR) — azərbaycanlı siyasətçi, ictimai fəal, keçmiş siyasi məhbus. [1]

Bəxtiyar Hacıyev
Bakhtiyar Hajiyev via VOA in 2020 cropped.png
Şəxsi məlumatlar
Doğum tarixi 28 mart 1982(1982-03-28) (40 yaş)
Doğum yeri
Təhsili
Vikianbarın loqosu Vikianbarda əlaqəli mediafayllar

HəyatıRedaktə

Bəxtiyar Hacıyev 1982-ci il martın 28-də Basarkeçər rayonunun Zod kəndində anadan olub. 1989-2000-ci illərdə Ağdaş Özəl Türk Liseyində tam orta təhsil alaraq oranı qızıl medalla bitirib.

1998-2000-ci illərdə Respublika Fənn Olimpiadası çərçivəsində "Fizika" fənni üzrə 2 və 3-cü yerləri tutmuş, 2000-ci ildə isə İngiltərədə keçirilən Beynəlxalq Fizika Olimpiadasında (IPhO) həvəsləndirici mükafat qazanmışdır.

2000-2004-cü illərdə Bakı Dövlət Universitetinin Tətbiqi riyaziyyat və kibernetika fakültəsində bakalavr səviyyəsi üzrə ali təhsil almışdır. Daha sonra ali təhsilini davam etdirmək məqsədilə 2004-2006-cı illərdə Xəzər Universitetində magistr səviyyəsi üzrə təhsil alıb. Magistr səviyyəsi üzrə təhsil alan zaman Beynəlxalq Elm Olimpiadası (IJSO) Beynəlxalq İdarə Heyətinin üzvü və Azərbaycan komandasının rəhbəri olmuşdur. Həmçinin ABŞ-da yerləşən Təhsil İnkişaf Mərkəzinin (EDC) dəstəyilə Şəffaf Təhsil Şəbəkəsinin (TEN) regional koordinatoru vəzifəsində çalışmışdır.

2005-ci ildə BMT Baş Assambleyasının 60-cı sessiyası zamanı Azərbaycanın gənc nümayəndəsi olmuş və Baş Assambleyanın plenar iclasında çıxış etmişdir. Həmçinin 2005–2007-ci illərdə "AIESEC" təşkilatı Azərbaycan nümayəndəliyinin qurucusu və rəhbəri olmuşdur.

2007–2009-cu illərdə Harvard Universitetinin Con Fiscerald Kennedi adına İdarəetmə Məktəbində "İctimai siyasət" ixtisası üzrə magistr təhsili alaraq ictimai idarəetmə elmləri üzrə magistr dərəcəsi almışdır.

Siyasi fəaliyyətiRedaktə

 
Bəxtiyar Hacıyev ABŞ Dövlət Katibi Hillari Klintonla (2012)

2010-cu il parlament seçkilərində namizəd olsa da seçilə bilməyib.

Həbs edilməsiRedaktə

27 yanvar 2011-ci ildə Azərbaycan Respublikasının Baş Prokurorluğu Gəncə şəhər prokurorluğunda Bəxtiyar Hacıyev barəsində Azərbaycan Respublikası Cinayət Məcəlləsinin 321.1-ci (hərbi xidmət keçməkdən boyun qaçırma) maddəsi ilə cinayət işi başlanıldığını bəyan edib. Bəyənatda bildirilmişdir ki, 30 iyun 2006-cı ildə Bəxtiyar Hacıyevin həqiqi hərbi xidmətə çağırışa dair möhlət hüququ bitmiş, lakin o, Gəncə şəhəri Nizami rayon hərbi komissarlığına gəlməmişdir. Bu səbəbdən Bəxtiyar Hacıyev 24 yanvar 2011-ci il tarixdə Azərbaycan-Gürcüstan sərhədində saxlanılaraq Gəncə şəhəri Nizami rayon hərbi komissarlığına aparılsa da, hərbi xidmətdən imtina etmişdir.[2]

İstinadlarRedaktə

  1. Bəxtiyar Hacıyev: "Mən Ermənistanda, Vardenisdə doğulmuşam" (ing. I was born in Armenia, in Vardenis Arxivləşdirilib 2022-08-23 at the Wayback Machine)
  2. "Hərbi xidmətdən boyun qaçırmaq qanunvericiliklə nəzərdə tutulmuş qaydada məsuliyyətə səbəb olur". genprosecutor.gov.az (az.). Azərbaycan Respublikası Baş Prokurorluğu. 27 yanvar 2011. 2022-02-14 tarixində arxivləşdirilib. İstifadə tarixi: 14 fev 2022.

Xarici keçidlərRedaktə