Badam taxtabitisi

Badam taxtabitisi (lat. Apodiphus amygdali Germ. ) - Buğumayaqlılar tipinin Yarımsərtqanadlılar və ya Taxtabitilər dəstəsinə aid olan növ.

Badam taxtabitisi
Elmi təsnifat
Domen: Eukariotlar Ranqsız: Amorphea Ranqsız: Obazoa Ranqsız: Opisthokonta Ranqsız: Holozoa Ranqsız: Filozoa Aləm: Heyvanlar Yarımaləm: Eumetazoylar Klad: ParaHoxozoa Klad: İkitərəflisimmetriyalılar Klad: Nephrozoa Ranqsız: İlkağızlılar Tipüstü: Tüləyənlər Ranqsız: Panarthropoda Ranqsız: Tactopoda Tip: Buğumayaqlılar ???: Badam taxtabitisi
Beynəlxalq elmi adı
Apodiphus amygdali Germar, 1817
Şəkil axtarışı NCBI   2721216

Biologiyası

Bədəninin rəngi qırmızımtıl olub, üzəri qara, batıq nöqtələrlə doludur. Başı düzbucaqlı şəkildə olub, qabağa çıxmışdır. Skul lövhələri qabağa çıxıb, dilçəyi onlardan onlardan qısa və aşağı basıq şəkildədir. Ona görə qabaqdan başın qurtaracağı üçbucaq şəklində görünür. Gözləri iri olub, başın qurtaracağında yerləşmişdir. Qalxancığı üçbucaq şəklindədir. Taxtabitilər içərisində bədəncə iri növlərdən biridir. Bədəninin uzunluğu 18–22 mm- dir. Bu növ yetkin formada meşələrdə tökülmüş xəzəllər altında qışlayır. Erkən yazda çıxıb palıd, söyüd və s. ağaclar üzərində qidalanır və yumurta qoyur., sürfələr 5 dəfə qabıq dəyişdikdən sonra yetkin formaya keçir. Aparılan tədqiqat işləri nəticəsində məlum olmuşdur ki, bu taxtabiti palıd ağaclarından başqa, Talışda düzən və dağətəyi ərazidə becərilən Tunqa bitkisinə də zərər verir. Tunqa bitkisi texniki məqsəd üçün əkilir və onun meyvəsindən alınan yağ kənd təsərrüfatının müxtəlif sahələrində istifadə olunur.

Yayılması

Badam taxtabitisi Azərbaycanın əsas meşəlik rayonları olan Talışda, Böyük Qafqazın cənub yamaclarında və Kiçik Qafqazda yayılmışdır. Əsasən palıd növləri üzərində yaşayır.

Həmçinin bax

• Armud taxtabitisi

Ədəbiyyat

• Azərbaycanda Kənd təsərrüfatı bitkilərinə zərər verən Yarımsərtqanadlılar (Taxtabitilər) C.A.Hidayətov, 42