Badamlı

BadamlıAzərbaycan Respublikasının Şahbuz rayonunun Badamlı kəndi ərazisində mineral bulaq.

Bakı şəhərində, Gənclik metrostansiyası yaxınlığındakı hündürmərtəbəli binanın üzərindəki Badamlı reklamı

Ümumi məlumatRedaktə

Bu mineral bulaqlar Naxçıvan şəhərinin 30 kilometirliyində, Şahbuz rayonunun Badamlı kəndinin cənub-qərbində, 1262–1274 metr hündürlükdə yerləşir. Bulağın suyu çoxdibetli 5, azdibetli 20 bulaqdan ibarətdir. Bulaqlar XIX əsrin sonlarında yer qatının çatlaması nəticəsində üzə çıxmışdır. Suyu həzmi asanlaşdırır, iştahı artırır. Qiymətli süfrə suyu kimi sənaye miqyasında istehsal edilir. Adını ərazidəki kəndin adından almışdır.

Badamlıda beş mənbədən su çıxır və bunların gündəlik məhsuldarlığı 2,5 milyon l-dir. Badamlı suyu hidrokarbonatlı, maqnezimu-kalsium-natriumlu su olub ümumi minerallaşması ayrı-ayrı mənbələrdə 0,7–7,4 q/l-dir. Suyun tərkibində xlor və sulfat anionu, yod, brom, mis, borat turşusu vardır.

Badamlı mineral sular zavoduRedaktə

 
Badamlı mineral sular zavodu

"Badamlı" zavodu 1947-ci ildən Şahbuz rayonunda fəaliyyət göstərir. 1970-cı və 1980-ci illər arasında həmin müəssisə yenidən qurulduqdan sonra məhsulun 90%-i Azərbaycandan kənara göndərilirdi. 1990-cı ildə "Badamlı" zavodunun fəaliyyəti yenidən bərpa edilmişdir. Zavod 1999-cu ildə Naxçıvan Mineral Sular İstehsalat Birliyi-nin tərkibindən çıxaraq müstəqil zavod kimi fəaliyyət göstərir. 2004-cü ildə özəlləşdirilmişdir.

Naxçıvan şəhərində 2008-ci ilin avqust ayında tikintisinə başlanmış zavod 2,1 hektar ərazidə yerləşir. Binanın ümumi sahəsi 9 min 590, istehsal sahəsi isə 3 min 600 kvadrat metrdir. Müəssisəyə iki boru xətti çəkilmişdir. Qazlı mineral süfrə suyunu Badamlı yatağından nəql edən xəttin uzunluğu 25 kilometr, qazsız süfrə suyu istehsalı üçün Batabat-Salvartı yaylağından çəkilən boru xəttinin uzunluğu isə 35 kilometrdir.

Badamlı mineral su yatağıRedaktə

Azərbaycan Respublikası Şahbuz rayonu ərazisində Badamlı kəndindən 3 km cənub-qərbində, dəniz səviyyəsindən 1274 metr hündürlükdədir. Bir neçə bulaqdan ibarət qrup təşkil edir.

Badamlı suyunun minerallaşma dərəcəsi 0,9–6,1 q/l, temperaturu 17–22 °C, kimyəvi tərkibi karbon qazlı, hidrokarbonatlı-xlorlu-natriumlu-kalsiumludur. Yatağın istismar ehtiyatı 1070 m3/gün hesablanmışdır (1972). Yatağın 5 №-li quyusunun suyu Rusiya Federasiyasının "Arşan" bulağının suyuna yaxındır, "Narzan" (Kislovodsk) tiplidir, 4 №-li quyusunun suyu isə Rusiya Federasiyasının "Las toçkin" bulağının suyuna yaxındır, "Saqveri" tiplidir. "Badamlı" suyunu mədə-bağırsaq, sidik yolları və qara ciyərin bəzi xəstəlikləri zamanı içmək faydalıdır. Qazıma quyularının bəzilərində suyun minerallaşma dərəcəsi nisbətən az olduğundan süfrə suyu sayılır.

MədəniyyətdəRedaktə

Badamlı suyuna Rəşid Behbudovun ifasında bir popular mahnı həsr olunub

MənbəRedaktə

  • Azərbaycan toponimlərinin ensklopedik lüğəti, II cilddə. Bakı-2007. I cild, səh.73.

İstinadlarRedaktə