Beynimdə qəribəlik (roman)
Beynimdə Qəribəlik — Orxan Pamukun 2014-cü ildə nəşr edilən romanı bu cümlə ilə başlayır: "Boza satıcısı Mövlud Qaradaşın həyatı, macəraları, xəyalları və dostlarının hekayəsidir və 1969–2012-ci illər arasında İstanbul həyatının bir çox insanların gözündən izah edilən bir rəsmidir".[1]
| Beynimdə Qəribəlik | |
|---|---|
| türk. Kafamda Bir Tuhaflık | |
 | |
| Müəllif | Orxan Pamuk |
| Janr | roman |
| Orijinalın dili | Türkcə |
| Ölkələr |
 Türkiyə |
| Orijinalın nəşr ili | 2014 |
| Tərcüməçi | Nəriman Əbdülrəhmanlı |
| Nəşriyyat | Qanun Nəşriyyatı |
| Cild | Yumşaq |
| Səhifə | 564 |
| Növ | Roman |
| ISBN | 978-9952-36-107-0 |
Məzmunu redaktə
"Beynimdə qəribəlik vardı, içimdə də nə o zamana, nə o məkana aidlik duyğusu". — William Wordsworth, Prelüd-dən sitat.
"Beynimdə qəribəlik" həm sevgi hekayəti, həm də modern dastandır. Orxan Pamukun üzərində altı il işlədiyi roman bozasatan Mövludla üç il sevgi məktubları yazdığı (yalnız bir dəfə toy mərasimində ötəri gördüyü) sevgilisinin İstanbuldakı həyatlarından danışır. İyirmi beş yaşında kəndindən bir qız qaçırdı (yanlış qızı qaçırır); Qəribə bir şey oldu, onun bütün həyatını təyin etdi. İstanbula qayıtdı, evləndi, iki qızı oldu. [1] Mövlud 1969–2012-ci illər arasında, qırx ildən artıq bir müddətdə İstanbul küçələrində qatıq, plov satmaq, avtodayanacaq gözətçisi olmaq kimi, bir çox işlərlə məşğul olur. Bir tərəfdən küçələrin cürbəcür adamlarla dolmasını, şəhərin böyük bir hissəsinin uçurulub yenidən tikilməsini, Anadoludan gəlib varlananları izləyir, digər tərəfdən ölkənin keçirdiyi dəyişikliklərin, siyasi çarpışmaların, çevrilişlərin şahidi olur. Onu başqalarından fərqləndirən cəhətdən, beynində qəribə fikirlər qaynaşdığından həmişə narahatlıq hissi keçirir. Amma qış axşamları İstanbul küçələrində boza satmaqdan, qəribə xəyallar qurmaqdan və sevgilisinin, əslində, kim olduğu barədə fikirləşməkdən heç vaxt əl çəkmədi. Sevgidə insanın niyyəti, yoxsa qisməti vacibdi? Xoşbəxtliyimiz, və ya bədbəxtliyimiz seçimlərimizlə bağlıdır, yoxsa başımıza bizdən ixtiyarsız gəlirlər? "Beynimdə qəribəlik" romanı bu suallara cavab axtara-axtara ailə həyatıyla şəhər həyatının mübarizəsini, qadınların evlərdəki hiddət və əlacsızlıqlarını təsvir edir.[2]
İstinadlar redaktə
- ↑ 1,0 1,1 Orhan Pamuk. Kafamda Bir Tuhaflık. Yapı Kredi Kültür Sanat Yayıncılık Ticaret ve Sanayi A.Ş. 2014. səh. 564. ISBN 978-975-08-3088-4.
- ↑ "Beynimdə qəribəlik". www.qanun.az. 2022-06-18 tarixində arxivləşdirilib.