Boynuəyri Seyid Abdullah Paşa
Boynuəyri Seyid Abdullah Paşa (v. mart 1761, Hələb əyaləti, Osmanlı imperiyası) — I Mahmud dönəmində 2 il 4 ay 10 gün Osmanlı imperiyasının sədrəzəmi olmuş dövlət adamıdır.
| Seyid Abdullah Paşa | |
|---|---|
| 24 avqust 1747 – 3 yanvar 1750 (ləqəbi: Boynuəyri) | |
| Əvvəlki | Tiryaki Mehmed Paşa |
| Sonrakı | Katib Mehmed Əmin Paşa |
| Şəxsi məlumatlar | |
| Vəfat tarixi | mart 1761 |
| Vəfat yeri | |
| Fəaliyyəti | siyasətçi |
| Atası | Kərküklü Seyid Həsən Paşa |
Həyatı
redaktəƏslən ərəb olub, Kərküklü Seyid Həsən Paşanın oğludur. İlk təhsilini tamamladıqdan sonra Əndəruna alındı və sırasıyla silahdar, qapıçıbaşı, qapıçılar kəndxudası və 1738-ci ildə baş miraxur təyin edildi.[1] 1745-ci ildə vəzir rütbəsi alaraq Kipr valisi təyin edildi və saraydan ayrıldı. Daha sonra 1747-ci ildə Aydın valiliyinə gətirildi.[2]
Bu vəzifədə ikən Darüssəadə ağası Bəşir ağanın tələbiylə gizlicə İstanbula çağırıldı və 24 avqust 1747-ci ildə sədrəzəm təyin edildi.[3] Onun sədarəti dövründə bəzi əyalətlərdən şikayətlər gəlmiş, sərhəd boyunca yerləşən qala və istehkamların bərpası ləngimişdir. Digər yandan paytaxtdakı bahalıq səbəbilə dükan sahiblərinin kiçik miqyaslı ayaqlanmaları olsa da, bu iğtişaşlar çox böyümədən yatırıldı. Bütün bunlar səbəb göstərilərək Seyid Abdullah Paşa 3 yanvar 1750-ci ildə vəzifədən alındı.
Bir neçə gün sarayda həbs tutulan Seyid Abdullah Paşa 11 yanvarda Rodos adasına sürgün edildi. Ancaq çox keçmədən həmin ilin mayında bağışlandı və Qaraman valisi təyin edildi. Vəzifə yerinə gedərkən təyinatının dəyişməsi xəbərini aldı və Misir valisi olaraq Qahirəyə yollandı. 1753-cü ildə Hələb, 1756-cı ildə Rəqqə, 1757-ci ildə Diyarbəkir valisi təyin olundu.[4] Ardından Hələb bəylərbəyi təyin edilən Seyid Abdullah Paşa bu vəzifədə ikən 1761-ci ilin martında burada vəfat etdi.[5] Cənazəsi Əbubəkr təkyəsinə dəfn olundu.
İstinadlar
redaktə- ↑ Buz. Ayhan. (2009). Sokullu’dan Damat Ferit’e Osmanlı Sadrazamları. Neden Kitap. İstanbul
- ↑ Mehmet Süreyya, Sicil-i Osmani, (haz. Nuri Akbayar), C. 1, İstanbul, 1996, s. 80
- ↑ Tektaş. Nazım. (2009). Osmanlı’da İkinci Adam Saltanatı. Çatı Kitapları
- ↑ Müjdat Uluçam, “Abdullah Paşa (Boynueğri, Seyyid)”, Yaşamları ve Yapıtlarıyla Osmanlılar Ansiklopedisi, c. 1, Yapı Kredi Yayınları, İstanbul, 2008, s. 18
- ↑ Abdülkadir Özcan, “Abdullah Paşa, Seyyid”, TDVİA , c. EK – 1, 2. Bs., İstanbul, 2016, s. 11
Mənbə
redaktə- Bir Grup Biyografisi Denemesi: Osmanlı Sadrazamları (1718-1917). Yüksek Lisans Tezi. Semi Özgen Cesur. Kırıkkale 2023