Cahana Noboru
Cahana Noboru (謝花 昇?, 16 noyabr 1865, Okinava adası, Okinava prefekturası – 26 oktyabr 1908) – əslən okinavalı olan Yaponiya aktivisti. Okinavada insan hüquqlarının müdafiəsi hərəkatının qabaqcılı olmuşdur.
| Cahana Noboru | |
|---|---|
| yap. 謝花昇 | |
 | |
| Doğum tarixi | 16 noyabr 1865 |
| Doğum yeri | |
| Vəfat tarixi | 26 oktyabr 1908 (42 yaşında) |
| Təhsili |
|
| Fəaliyyəti | siyasətçi |
 Vikianbarda əlaqəli mediafayllar | |
İlk illəri
redaktə1865-ci ildə orta sinifdən olan əkinçi ailəsində doğulmuşdur.[1] 1882-ci ildə prefektura təqaüdü ilə Tokioda təhsil almaq hüququ əldə etmiş ilk 5 nəfərlik qrupun üzvü olmuşdur.[2] Tokio Dendrologiya Kollecində, daha sonra Tokio Kənd Təsərrüfatı və Dendrologiya Kollecində təhsil almışdır.[3] 1891-ci ildə Tokio Universitetinin kənd təsərrüfatı kollecindən məzun olmuşdur. 1891-ci ildə kənd təsərrüfatı mütəxəssisi kimi Okinavaya qayıtmış və prefektura hökuməti üçün mühəndis kimi işləməyə başlamışdır. 1893-cü ildə Yaponiyada ali dövlət qulluğuna daxil olan ilk okinavalı olmuşdur.[1]
Aktivizm
redaktəNoboru yerli fermerlər tərəfindən ortaq istifadə olunan meşə ərazilərinin satılması barədə qərara etiraz edərək Okinava prefekturasının qubernatoru Narahara Şiqeru ilə münaqişə yaşamışdır.[1] 1898-ci ildə vəzifəsindən uzaqlaşdırıldıqdan sonra Kənd Təsərrüfatı və Sənaye Bankının icraçı direktoru olmuşdur. Həmin il Tokioda "Okinava Klubu"nu qurmuş və prefekturanın yeritdiyi siyasəti tənqid etməyə başlamışdır. Bu məqsədlə "Okinawa Jiron" qəzetini nəşr etdirməyə başlamışdır.[3] Okinavanın milli hökumətdə təmsil olunması üçün başladılan hərəkatın aktiv üzvü olsa da, Naraharanın kəskin müxalifəti hərəkatın çökməsinə səbəb olmuşdur. 1901-ci ildə Yamaquçi prefekturasındakı yeni vəzifəsinə təyin olunmaq üçün gedərkən yolda ağlını itirmiş və hərəkət qabiliyyətini itirmişdir.[1]
İstinadlar
redaktə- ↑ 1 2 3 4 Kodansha Encyclopedia of Japan. səh. 1
- ↑ Kerr, George. Okinawa: The History of an Island People (ingiliscə). Tuttle Publishing. 2000. səh. 414. ISBN 9780804820875. İstifadə tarixi: 18 noyabr 2024.
- ↑ 1 2 "Jahana Noboru". Portraits of Modern Japanese Historical Figures (ingiliscə). Milli Diet Kitabxanası. İstifadə tarixi: 18 noyabr 2024.
Ədəbiyyat
redaktə- Kodansha Encyclopedia of Japan (ingiliscə). IV cild (J–Libe). Tokio: Kodansha. 1983. səh. 1. ISBN 0-87011-624-7. İstifadə tarixi: 18 noyabr 2024.