Daydoci Yuzan
Daydoci Yuzan (大道寺 友山?, 1639 – 11 dekabr 1730, Edo[d]) və ya Daydoci Şiqesuke – Edo dövründə yaşamış Yaponiya samurayı və hərbi strategiyaçısı.
| Daydoci Yuzan | |
|---|---|
| yap. 大道寺友山 | |
| Doğum tarixi | 1639[1][2][…] |
| Vəfat tarixi | 11 dekabr 1730 |
| Vəfat yeri | |
| Fəaliyyəti | Samuray |
Həyatı
redaktəDaydoci Yuzan 1639-cu ildə Yaponiyanın Yamaşiro əyalətində[a] doğulmuşdur.[3] Hoco Ucinaqanın başçılığı altında hərb elmini öyrənmək məqsədilə Edo şəhərinə getmişdir.[3] Ayzu hanı üçün xidmət verməyə başlamış, lakin daha sonra xidmətdən çıxıb Edonun şimalına köçmüşdür.[3] O, yazıları ilə tanınmış, növbəti illərdə müxtəlif daymyoların dəvətlərini qəbul edərək səyahətlər etmişdir.[3]
Daydoci ən çox yazdığı "Budo Şoşin-şu" (武道初心集?, azərb. "Döyüşçünün yoluna giriş") əsərinə görə tanınır.[3] Bu əsər onun sağlığında nəşr olunmasa da, konfusiçilik təsirindən uzaq qaldığı üçün buşidonun əhəmiyyətli tədqiqi hesab olunur.[3] Əsər Edo dövrünün sonlarında çox oxunmağa başlamışdır.[3] Daydocinin nəşr olunmamış digər əsərləri – "Oçiboşu" və "İvabuçi yava" Tokuqava İeyasu haqqında anekdotlar kolleksiyasıdır.[3]
Qeydlər
redaktə- ↑ Müasir Kioto prefekturası.
İstinadlar
redaktə- ↑ Swartz A. Shigesuke Daidōji // Open Library (ing.). 2007.
- ↑ Swartz A. Yūzan Daidōji // Open Library (ing.). 2007.
- ↑ 1 2 3 4 5 6 7 8 Kodansha Encyclopedia of Japan
Ədəbiyyat
redaktə- Kodansha Encyclopedia of Japan (ingiliscə). II cild (Const–F). Tokio: Kodansha. 1983. səh. 56. ISBN 0-87011-622-3. İstifadə tarixi: 8 dekabr 2022.