Demokrat Partiya (Türkiyə, 2007)

(Demokrat Partiyası (Türkiyə, 2007) səhifəsindən istiqamətləndirilmişdir)

Demokrat Partiya (türk. Demokrat Parti) - 27 may 2007-ci ildə Doğru Yol Partiyasının adını və loqosunu dəyişməsi nəticəsində qurulan türk siyasi partiyası.

Demokrat Partiyası

türk. Demokrat Parti
Qurucu Mehmed Ağar
Sədri Güktəkin Uysal
Quruluş tarixi 27 may 2007
Baş qərargah
İdeologiya mərkəz-sağ, liberal mühafizəkarlıq
Üzv sayı 437.214[1]
Parlamentdə
2 / 600
Bələdiyyədə
  • 0 / 30
    (Böyükşəhər)
  • 0 / 51
    (İl)
  • 2 / 922
    (İlçə)
  • 3 / 386
    (Bəldə)
  • 1 / 1.251
    (İl Ümumi Məclisləri)
  • 134 / 20.498
    (Bələdiyə (İlçə və Bəldə) Məclisləri)
Saytı dp.org.tr
Vikianbarın loqosu Vikianbarda əlaqəli mediafayllar

TarixiRedaktə

SələfiRedaktə

Partiyanın kökləri 1946-cı ildə Cəlal Bayarın öndərliyi ilə yaradılan eyni adlı siyasi təşkilata dayanır. Bu partiaya 1950-ci il parlament seçkilərində qələbə qazanaraq Cümhuriyyət Xalq Partiyasından sonra Türkiyədə iqtidara gələn ilk partiya oldu. Demokrat Partiyadan Adnan Menderes baş nazir, Cəlal Bayar isə prezident seçildi. Demokrat Partiya iqtidarının hakimiyyətinə 1960-cı il 27 may çevrilişi ilə son qoyuldu.

Partiya ləğv olunsa da idealogiyası sonrakı illərdə başqa partiyalarda yaşadı. Bunlardan ən əsasları Ədalət Partiyası, Ana Vətən Partiyası və Doğru Yol Partiyası idi. Bu siyasi qurumlar 2000-ci illərə kimi Türkiyə siyasi həyatında böyük rol oynamış və bir neçə dəfə iqtidara gəlmişlər.

Müasir dövrRedaktə

27 may 2007-ci ildə Mehmed Ağarın rəhbərlik etdiyi Doğru Yol Partiyası adını və emblemini dəyişdirərək Demokrat Partiyaya çevrildi. Bu vaxt digər mərkəz sağ partiyası Ana Vətən Partiyasının (ANAP) da DP-yə birləşəcəyi gözlənsədə, yaranan mübahisələrə görə bu baş vermədi[2]. DP qurulduğu il keçirilən parlament seçkilərində cəmi 5,4% səs topladı. Bundan sonra Mehmed Ağar istefa verdi.

2009-cu ilin oktyabrında ANAP-da demokratlarla birləşdi. Bu ildən Hüsaməddin Cindoruk partiyanın sədri seçildi.

DP 2010-cu ildə konstitusiyaya edilən dəyişiklikləri dəstəkləmədi.

2012-ci ildə Gültəkin Uysal partiya sədri seçildi və hazırda da bu vəzifəni icra edir.

2018-ci il parlament seçkilərində Afyonqarahisar seçki dairəsində qələbə qazanan DP məclisdə təmsil olunma hüququ qazandı.

2020-ci il 16 dekabr tarixində MHP-dən istefa edən Ordu millət vəkili Camal Enginyurt partiya sıralarına qatılmışdır.

SeçkilərdəRedaktə

2014-cü il prezident seçkilərində bitərəf Əkmələddin Ehsanoğlunu dəstəklədi. Ehsanoğlu seçkilərdə 38,44% səs toplayaraq ikinci oldu.

2018-ci il parlament seçkilərində CXP, İYİ və Səadət Partiyasının yaratdığı Millət İttifaqı koalisiyasına daxil oldu[3]. Afyonqarahisar seçki dairəsində qələbə qazanan DP məclisdə 1 deputatla təmsil olunma hüququ qazandı.

İstinadlarRedaktə

  1. Demokrat Parti
  2. DYP-ANAP Ayrıldı
  3. Genel Başkanımız, Bursa’da düzenlenen basın toplantısında gündemi değerlendirdi