Denden məbədi
Denden məbədi (電電宮, Denden-qu?) – Yaponiyanın Kioto şəhərinin Nişikyo rayonunda yerləşən şintoist məbədi. Elektrik və radio dalğaları kamisi Denden-Myocinə həsr olunmuşdur.
| Şintoizm | |
| Denden məbədi (電電宮?) | |
|---|---|
 | |
| Din | |
| Həsr olunub | Denden-Myocin |
| Festivalları | 23 may |
| Yerləşməsi | |
| Ölkə |
 Yaponiya |
| Prefektura |
 Kioto prefekturası |
| Şəhər |
 Kioto |
| Rayon | Nişikyo |
|
|
|
| Saytı | |
| kokuzohourinji.com/dende… | |
 Şintoizm terminologiyası | |
Tarixi redaktə
Denden-Myocin orta əsrlərdə Kiotonun kiçik bölgələrində sitayiş edilən ildırım kamisi olmuşdur.[1] Bu tanrı kənd təsərrüfatı və çəltik yığımı ilə də assosiasiya edilmişdir.[1] Yaponiyada Denden-Myocinə həsr olunmuş yeganə məbəd Horin məbəd kompleksinin içində tikilmişdir.[1] Məbəd yerli sakinlər arasında populyar olsa da, 1864-cü ildə Hamaquri darvazası üsyanı zamanı baş verən yanğın nəticəsində məhv olmuş və bərpa olunmamışdır.[1]
1956-cı ildə Kinki Radio Tənzimləmə Şurasının direktorunun təklifi ilə Denden-Myocinə həsr olunmuş yeni məbəd tikilmişdir.[1] Bu zamandan etibarən Denden-Myocin elektrik və radio dalğalarının kamisi hesab olunmağa başlamışdır.[1] Osaka prefekturasında baş tutan Ekspo 70 tədbiri münasibətilə 1969-cu ildə məbəd yenilənmişdir.[2]
Xüsusiyyətlər redaktə
Məbəddə Henrix Hers və Tomas Edisona həsr olunmuş abidə tikilmişdir.[1] Məbəd kompüter mühəndisləri, proqramçılar, telefon xidməti provayderləri arasında populyardır.[1] Elektrikli nəqliyyat vasitələrinə sahib şəxslər təhlükəsiz səyahət üçün bu məbəddə dua edirlər.[1]
Məbəddə satılan omamorilər 16 qiqabaytlıq SD yaddaş kartı formasındadır.[1] Məbədin illik festivalı 23 may tarixində baş tutur.[2]
Qalereya redaktə
-
-
-
Məbədə giriş.
İstinadlar redaktə
- ↑ 1 2 3 4 5 6 7 8 9 10 "Denden-gu". Atlas Obscura (ingiliscə). 2 avqust 2022. 2022-09-03 tarixində arxivləşdirilib. İstifadə tarixi: 3 sentyabr 2022.
- ↑ 1 2 "Denden-gu Shrine". Kokuzo Hourinji (ingiliscə). 2022-09-09 tarixində arxivləşdirilib. İstifadə tarixi: 3 sentyabr 2022.