Deodoru da Fonseka

Deodoru da Fonseka (5 avqust 1827, Alaqoas, Braziliya İmperiyası — 23 avqust 1892, Rio-de-Janeyro, Braziliya) — Braziliya generalə və dövlət adamı; İmperator II Pedronu devirən inqilabın lideri və Braziliya Respublikasının ilk prezidenti.

Deodoru da Fonseka
port. Manuel Deodoro da Fonseca
Braziliyanın 1-ci prezidenti
26 fevral 1891 – 23 noyabr 1891
Əvvəlki	II Pedro
Sonrakı	Florianu Peyşotu
Şəxsi məlumatlar
Doğum tarixi	5 avqust 1827
Doğum yeri	Alaqoas, Braziliya İmperiyası
Vəfat tarixi	29 iyul 1895 (67 yaşında)
Vəfat yeri	Rio-de-Janeyro, Braziliya
Partiya	bitərəf
Fəaliyyəti	siyasətçi, hərbi qulluqçu
Həyat yoldaşı	Mariana da Fonseca
Hərbi xidmət
Qoşun növü	Braziliya ordusu[d]
Döyüşlər	Paraqvay müharibəsi
Rütbəsi	marşal
Vikianbarda əlaqəli mediafayllar

Həyatı

Hərbçi ailəsində dünyaya gələn Fonseka Paraqvay müharibəsində (1864–1870) göstərdiyi xidmətlərə görə mayor rütbəsinə yüksəldi. Siyasi cəhətdən mühafizəkar olan Fonseka imperatora bağlı bir əsgər idi. Ancaq imperator hökumətinin apardığı siyasətlə heç cürə barışmırdı. Rio-Qrande-du-Sul ştatına icra başçısı ikən zabitlərə siyasi söz azadlığının verilməsi barədə yazılan bir ərizəyə qol çəkdi. Bu səbəbdən II Pedro tərəfindən vətən xaini elan olundu və 15 noyabr 1889-cu ildəki inqilaba öndərlik etməyə başladı.

İnqilabın sonunda imperator II Pedro taxtdan endirildi və 1891-ci ilin fevral ayına qədər ölkəni idarə edən müvəqqəti hökumətin başına Deodoru da Fonseka gətirildi. 1891-ci ilin fevral ayında isə bir çox generalın dəstəyi ilə hakimiyyətə gəldi. Ancaq güclü bir ölkə başçısı ola bilmədi. Bir tərəfdən hökumətdəki müxalifətin güclənməsi, digər tərəfdən keçmiş imperatorun qızı Kontez İzabellanın xalq arasında hökumətə qarşı çıxışlar etməsi ölkəyə yeni bir vətəndaş müharibəsinin toxumlarını səpdi. Bütün bu səbəbləri göz önünə gətirərək 23 noyabr 1891-ci ildə vəzifəsindən istefa verdi.

Mənbə

• http://www.biyografi.info/kisi/manuel-deodoro-da-fonseca