Vikipediya

Dmitri Yeroxin

səyahətçi, ictimai xadim, idman mütəxəssisi, marafonçu

Dmitri Yeroxin (rus. Дми́трий Ю́рьевич Еро́хин; d. 1 noyabr 1979, Novokuznetsk, Kemerovo vilayəti) — rusiyalı ultramarafonçu və treylranner, həvəskar idman funksioneri, ictimai xadim. Qaçış idman növlərini və sağlam həyat tərzini tanıtdırması ilə məşhurdur. Rusiya Coğrafiya Cəmiyyətinin üzvü, həmçinin uzun məsafə qət edən ictimai fəal. O, dünya üzrə bir neçə qeyri-rəsmi ultramarafon rekordlarının təyin edilməsində yaxşı tanınır. Kalmıkiya,[1] Saxalin[2] və iki dəfə Rusiyanın "Qızıl halqası"nı dəf edib.[3]

Dmitri Yeroxin
Дми́трий Ю́рьевич Еро́хин
Şəxsi məlumatlar
Tam adı Dmitri Yuryeviç Yeroxin
Doğum adı Дмитрий Юрьевич Ерохин
Vətəndaşlığı  Rusiya
Doğum tarixi (44 yaş)
Doğum yeri Novokuznetsk, Kemerovo vilayəti, RSFSR, SSRİ
Boyu 193 sm
Çəkisi 88 kq
İdman növü yüngül atletika, Alpinizm, Səmti müəyyənetmə
Karyera illəri 2006–h. h.

Həyatı redaktə

Dmitri Yeroxin 1979-cu ildə Kemerovo vilayətinin Novokuznetsk şəhərində anadan olub. Hal-hazırda Moskvanın Qolyanovo rayonunda yaşayır. Məhkəmə hüquqşünasıdır[4].

İdman karyerası redaktə

2006-cı ilin yayında, 26 yaşında, Dmitri qaçış idmanı ilə maraqlanmağa başladı. Öz sözlərinə görə, onu idmana Andrey Çirkovun "Qaçış yardımçınız olsun" ("Бег в помощь") kitabı həvəsləndirib. Kitabda müəllif özünün ilk marafonuna 100 gün ərzində hazırlaşmasından bəhs edir[5]:

Mən idmanı sevmirdim, amma bu hekayədən ilhamlandım və dərhal məşq proqramı tərtib etdim, 100 günlük hazırlıq dövrünə uyğun gələn ən yaxın qaçış tarixini — Nijni Novqorodda keçirilən yarışı seçdim və planımı 96 gündə yerinə yetirdim.

Həmin kitabın sayəsində Dmitri ultramarafon qaçışlarına qatıldı və ilk dəfə 2009-cu ilin aprelində Moskva vilayətinin Puşşino şəhərində keçirilən Rusiya çempionatında 100 km məsafəni qət etdi[6]. Dmitri səkkizinci oldu və elə həmin vaxt çempionatın qalibi olan Vsevolod Xudyakovla tanış oldu. Bundan sonra Dmitri Xudyakovun yanında məşqlərə başladı.

Ekstrimə olan meylini reallaşdıran Dmitri Yeroxin tezliklə dərə-təpəlik ərazilərdə qaçışla — treylranninqlə məşğul olmağa başladı. Şossedən "dərə-təpəliyə" ilk keçid 2008-ci ilin iyulunda Şimali Uralda keçirilən "Konjak-XIII" dağ marafonu zamanı baş verdi[7].

Dmitri üçün treylranninq formatında ilk ultramarafon distansiyası 2012-ci ildə Ukraynanın İvano-Frankovsk vilayətində keçirilən "Salomon Race Karpatia" yarışı oldu. O vaxt Rusiyada bu tip yarışlar hələ keçirilmirdi.

Saxara 2013 redaktə

Dmitri Yeroxinin öz etirafına görə, onun idmançı karyerasında qoyulan məqsədin çətinliyi və ambisiyalılığı, idmançı kimi özünütəsdiq baxımından ən böyük sınaq 2013-cü ilin aprelində Saxara səhrasında keçirilən Marathon des Sables marafonu olmuşdur. Yarışa hazırlığı Dmitri Rusiyada qış aylarında, −10–15 °C temperaturda başlasa da, altıgünlük, 230 km uzunluğundakı[8] qaçışın özü +30–50 °С[9] temperaturda keçməli idi. Təşkilatçılar yarış iştirakçılarını yarış boyu su ilə təmin edirdilər. Qalan bütün hər şeyi — yemək, geyim, ləvazimat, o cümlədən səhrada gecələmək üçün lazım olan və hər hansı digər yardımçı avadanlığı — idmançılar öz çantalarında özləri ilə daşımalı idilər.

Dmitri özünə minimum məqsədi müəyyən etdi. İlk yüzlükdə finişə çatmaq, ən yaxşı halda isə ilk əlliliyə düşmək. Çantasındakıların sayını 6 mərhələyə uyğun seçən Dmitrinin əsas kalori mənbəyi kimi götürdüyü salo artıq ikinci gün əriyərək xarab oldu[7] və yarışın qalan hissəsini yarıac qaçmağa məcbur oldu. Dmitrinin köməyinə, öz enerji gelinin bir hissəsini və 2 baton müslini Dmitri ilə bölüşən, digər rusiyalı ekstremal Vladimir Voloşin çatdı[7]. Nəticədə Dmitri öz qarşısına qoyduğu bütün məqsədlərə nail olaraq finişə 43-cü, Rusiyadan olan 7 idmançı arasında isə birinci yerdə çatdı.[7].

Moskva-Soçi 2014 redaktə

2014-cü il Qış Olimpiya Oyunlarının açılışı ərəfəsində Dmitrinin Moskvadan Soçiyə xeyriyyə qaçışı mediada böyük rezonansa səbəb oldu. Bu aksiya insultla mübarizəyə həsr edilmiş və "ORBİ" fondu üçün sosial reklamın çəkilməsinə 100 min rubl toplamaq məqsədilə keçirilmişdi. Fondun prezidenti Darya Lisiçenko da, Dmitri kimi, marafon qaçışları ilə məşğul olur[10].

Qaçış barədə aparıcı informasiya agentlikləri məlumat yaydılar və Planeta.ru kraudfandinq şəbəkəsində pul vəsaitinin yığılması təşkil edildi[11].

Dmitri 7 yanvar 2014-cü ildə Moskva vaxtı ilə səhər saat 10:00-da Qırmızı meydandakı "sıfır kilometr" nişanının yanından start götürdü. Bütün arzu edənlər Dmitrini dəstəkləmək imkanına malik idilər və yolun başlanğıcında bir neçə qaçışçı Dmitriyə qoşuldu. Həmçinin, bütün yolboyu dostu Aleksey Merkulov avtomobillə Dmitrini müşayiət edirdi[12]. Qaçış müddətində müxtəlif şəhərlərdə Dmitriyə başqa idmançılar da qoşularaq onlarla kilometr birlikdə qaçırdılar[13].

Qrafikə əsasən nəzərdə tutulurdu ki, Dmitri gündə 55–60 km qaçaraq 30 gün sonra, fevralın 7-də Olimpiadanın açılış günü Soçiyə çatacaq. Marşrutun əsas hissəsi M4 ("Don") avtoyolu boyunca davam edirdi. 23 günə o 1376 kilometr yol qət edərək və yolüstü Lipetsk, Voronej və Rostov kimi böyük şəhərləri ziyarət edib otellərdə qalmaqla, yolboyu çəkilmiş şəkilləri Instagramda yayımlamaqla və daim jurnalistlərə müsahibə verməklə[14][15] yanvarın 29-da Krasnodara çatdı. Qaçışın son məntəqəsi olan Soçiyə çatmaq üçün Dmitriyə daha bir neçə gün lazım oldu. Gündəlik qaçış qrafikindən irəli gedən və bəzən gündə 80–90 km qaçan[16] Dmitri ultramarafonu nəzərdə tutulandan bir neçə gün tez tamamladı və artıq fevralın 2-də Soçinin sərhədlərinə[17], Maqri mikrorayonuna çatdı. Dmitri ümumilikdə 1700 km-ə yaxın yol qət etdi. Fevralın 8-də pul toplanması başa çatdı və 130 min rubl toplamaq mümkün oldu.

İssık-Kul 2014 redaktə

2014-cü ilin oktyabrında Dmitri Yeroxin Qırğızıstanın uşaq xərçəngi ilə mübarizə fonduna dəstək üçün İssık-Kul gölünün sahili boyu 350 km məsafəni qaçdı[18].

"Üç bacı" redaktə

2015-ci ildə Dmitri "Üç bacı" adlı ultramarafon ideyasını verərək onu təşkil etdi və özü də iştirakçı oldu. Marafonun ideyası ondan ibarət idi ki, Rusiya, Ukrayna və Belarusdan olan atletlər müxtəlif vaxtlarda öz ölkələrinin paytaxtlarından yola çıxaraq bu üç ölkənin sərhədində yerləşən "Üç bacı" abidəsinə eyni vaxtda çatırlar[19]. "Üç bacı" qaçışı 2016-cı ildə də keçirildi, lakin bu dəfə Dmitrinin başqa bir ambisioz layihəyə — Baykal gölü ətrafında 50 günə 1400–2000 km məsafəlik qaçışa hazırlaşması səbəbindən o özü bu yarışda iştirak edə bilmədi[20].

Baykal 2016 redaktə

"Baykal" ultratreyli də Dmitri tərəfindən medianın diqqətini Baykal gölünün, onun sahillərinin problemlərinə, ilk növbədə regionun ekoloji vəziyyətinə və bölgənin perspektivdə aktiv istirahət və turizm zonasına çevrilmək potensialına diqqət çəkmək məqsədilə keçirilirdi. Bundan əlavə, Dmitri bu qaçışı viki-ekspedisiya kimi təqdim edirdi və qaçış müddətində ensiklopedik əhəmiyyətə malik materialları toplamağı, ilk növbədə, qarşılaşdığı obyektlərin fotoşəkillərini çəkərək Vikianbara yükləməyi və Baykal mövzusundakı məqalələrə yerləşdirməyi nəzərdə tuturdu[21].

1 iyul 2016-cı ildə Dmitri Yeroxin Listvyanka qəsəbəsindən bərə ilə Baykal limanına gəldi və buradan qaçışa başladı[22]. Bu qaçışda Dmitrinin məsləhətçiləri, maliyyə dəstəyi, avtomobil və katamarandan ibarət müşayiət qrupu var idi. Bundan əlavə, Dmitri ilə eyni vaxtda başqa bir ektremal idmançı Aleksandr Soldatov baydarka ilə Baykalın sahili boyu üzürdü. Bunlara baxmayaraq, qaçışın çox hissəsini Dmitri tək qaçırdı və özü ilə təkcə kompas və peyk telefonu götürmüşdü və qrupla yalnız günün sonunda görüşərək gündə bir dəfə yemək yeyirdi. Dmitri imkan daxilində əsasən turbazalarda və kempinqlərdə gecələməyə üstünlük verirdi. Dmitrinin hərəkət marşrutunu internetdə İridium360 portalında izləmək mümkün idi.

Marşrutun əsas çətinliyi bütün yol boyu şəraitin kəskin dəyişməsində: temperatur fərqlərində, landşaftın dəyişkənliyində, bəzi hissələrdə məskunlaşma olsa da, sahil xəttinin şərq hissələrində tamamilə yabanı təbiətə malik olmasında idi.

Dmitri 28 iyulda Kotelnikovski burnundan 24 km uzaqlaşaraq qışlaqda gecələdi. Növbəti günün səhəri o 40 °C temperaturla oyandı, daha bir gün sonra isə onun vəziyyəti ağırlaşdı və qarabasmalar başladı. Gənə ensefaliti şübhəsi ilə Dmitri təcili olaraq Severobaykalsk dəmiryol xəstəxanasının infeksion xəstəliklər şöbəsinə yerləşdirildi və immunoqlobulin müalicəsinə başlandı. Bir neçə gün sonra o Ulan-Ude xəstəxanasına köçürüldü, avqustun 12-də isə müalicəni davam etdirmək üçün Moskvaya göndərildi. 28 gün qaçış müddətində Dmitri 1200 km yol qət etmişdi, amma finişə daha 500 km qalırdı[23].

2017–2018-ci illər redaktə

 
"Losinıy ostrov" milli parkında məşq, fevral 2017

2016-cı ilin sonuna Dmitri Yeroxinin aktivində 46 marafon və bir neçə ultramarafon var idi. 1 yanvar 2017-ci ildə Dmitri III Moskva yeni il marafonunda iştirak etdi.

Dmitrinin 2017-ci il üçün əsas hədəfləri — Everestə qaçış (29 mayda) və Rusiyanın qızıl halqası boyunca, 8 şəhərdən keçən ultramarafondur.

2017-ci ilin iyul-avqust aylarında Dmitri Yeroxin Saxalin adasının şimalından cənubuna 15 günə 850 km uzunluğunda məsafəni qaçmışdır.

2018-ci ilin aprel ayında Dmitri Yeroxin Kalmıkiya Respublikasını 7 gün 10 saat 48 dəqiqə ərzində şimaldan cənuba (574 kilometr) dəf edib. Yarış saiga mühafizəçilərinə dəstək olaraq keçirilmişdir.[24]

31 may 2018-ci il tarixində o, marafon icmalarının biri tərəfindən təsis edilmiş xüsusi medala layiq görülüb.

2021-ci il redaktə

2021-ci il yanvarın 14-dən yanvarın 18-dək Yeroxin Rusiyanın "Qızıl halqa"sının 50 illiyi münasibətilə yarım marafonlar seriyasında iştirak etmişdir.[25]

Vikimedia hərəkatında iştirakı redaktə

 
Dmitri Yeroxin (ortada əyləşən) Cimmi Ueylsin Moskvaya səfəri zamanı

Dmitri Yeroxin — 2009-cu ildən Erokhin niki ilə rusdilli Vikipediyanın aktiv istifadəçisi və 5000-dən artıq məqalənin müəllifidir.

2012-ci ilin nəticələrinə əsasən, Dmitri yazdığı 4294 məqaləyə görə ilin ən məhsuldar müəllifi kimi "Vikimükafat"a layiq görülüb.

2015-ci ildən Dmitri Yeroxin Vikipediyanın populyarizatoru kimi də fəallıq göstərir, mətbuatda azad ensiklopediyanın fəaliyyət prinsipləri, özünün iştirakı barədə məlumatlar paylaşır[26].

Dmitri 2016-cı ildə Baykal ətrafında keçirdiyi ultramarafon yarışını viki-ekspedisiya kimi təqdim edərək, onun nəticələri əsasında Vikianbara çox sayda fotoşəkil yükləmiş və onları məqalələrdə istifadə etmiş, həmçinin Baykal mövzusunda bəzi məqalələri təkmilləşdirmiş və ya yenilərini yaratmışdır.

2016-cı ilin sentyabrında Vikipediyanın qurucusu Cimmi Ueyls Moskva səfəri zamanı Dmitrinin Baykal viki-ekspedisiyası barədə çıxış etmiş və onu tədbir təşkilatçılarının "dəyirmi masası" ətrafına dəvət etmişdir.

İstinadlar redaktə

  1. ↑ "Rus ultramarafonçu Kalmıkiyanı 7 günə keçdi və yeni dünya rekordu təyin etdi". 2022-08-26 tarixində arxivləşdirilib. İstifadə tarixi: 2022-02-11.
  2. ↑ "Qeyri-rəsmi dünya üzrə marafonda "Saxalin"ə ultramarafonçu Dmitri Yeroxin aparıcılıq edir". 2022-02-11 tarixində arxivləşdirilib. İstifadə tarixi: 2022-02-11.
  3. ↑ Rusiyalı ultramarafonçu yeni dünya rekordu vurdu, 11 günə Rusiyanın "Qızıl halqası"nı dəf etdi Arxivləşdirilib 2022-03-08 at the Wayback Machine.
  4. ↑ Роман Мун. ""На награждение его выносят на носилках — стоять сам он не может". Человек, который пробежал от Москвы до Сочи". sports.ru. 2016-02-27. 2018-09-09 tarixində arxivləşdirilib. İstifadə tarixi: 2016-12-27.
  5. ↑ Юлия Гусарова. "О чем они говорят, когда говорят о беге. Шесть марафонских историй". snob.ru. 2014-09-20. 2018-09-09 tarixində arxivləşdirilib. İstifadə tarixi: 2016-12-27.
  6. ↑ "Дмитрий Ерохин". Российский клуб 100 марафонов. 2017-02-02 tarixində orijinalından arxivləşdirilib. İstifadə tarixi: 2016-12-27.
  7. ↑ 1 2 3 4 Чирков, 2014
  8. ↑ Денис Жилин. "Fifty guys - Sultan Marathon des Sables 2013". x-race.info. 2013-04-25. 2017-02-02 tarixində orijinalından arxivləşdirilib. İstifadə tarixi: 2016-12-28.
  9. ↑ Роман Бабак. "Бегущий человек". redbull.com. 2016-12-23. 2017-05-04 tarixində arxivləşdirilib. İstifadə tarixi: 2016-12-27.
  10. ↑ "Дмитрий Ерохин: бегом от Москвы до Сочи против инсульта". РИА Новости. 2014-01-29. 2018-09-09 tarixində arxivləşdirilib. İstifadə tarixi: 2016-12-27.
  11. ↑ "Известный спортсмен посвятит свой марафонский забег борьбе с инсультом". РИА Новости. 2013-12-22. 2017-02-03 tarixində arxivləşdirilib. İstifadə tarixi: 2016-12-27.
  12. ↑ Лика Кремер. "Что общего между восстановлением здоровья после инсульта и марафоном Москва-Сочи?". Дождь. 2014-02-01. 2018-09-10 tarixində arxivləşdirilib. İstifadə tarixi: 2016-12-27.
  13. ↑ Майкл Кравченко. "55 км в день: россиянин бежит на Олимпиаду в Сочи". Russia Today. 2014-01-15. 2017-02-27 tarixində arxivləşdirilib. İstifadə tarixi: 2016-12-27.
  14. ↑ Святослав Гордин. "Российский спортсмен устроил ультрамарафон до Сочи в помощь больным инсультом". НТВ. 2018-09-09 tarixində arxivləşdirilib. İstifadə tarixi: 2016-12-27.
  15. ↑ "Марафонец в честь Игр-2014 пробежал 1700 км от Москвы до Сочи". Спорт-Экспресс. 2014-02-06. 2018-09-10 tarixində arxivləşdirilib. İstifadə tarixi: 2016-12-27.
  16. ↑ "Как сойти с ума этим летом по примеру русских экстремалов". furfur.me. 2015-07-06. 2018-09-09 tarixində arxivləşdirilib. İstifadə tarixi: 2016-12-27.
  17. ↑ Вадим Кантор. "Ультрамарафонец пробежал от Москвы до Сочи". Московские новости. 2014-02-06. 2018-09-09 tarixində arxivləşdirilib. İstifadə tarixi: 2016-12-27.
  18. ↑ "Российский Форрест Гамп намерен обежать озеро Иссык-Куль в Кыргызстане за 4 дня". Мир 24. 2014-10-23. 2017-02-03 tarixində orijinalından arxivləşdirilib. İstifadə tarixi: 2017-01-06.
  19. ↑ Владимир Болотин. "Забег "Три сестры" вновь соберет бегунов из РФ, Украины и Белоруссии". Российская газета. 2016-07-15. 2020-07-09 tarixində arxivləşdirilib. İstifadə tarixi: 2016-12-27.
  20. ↑ "Ультарамарафонец Дмитрий Ерохин - бегом вокруг Байкала". Байкал24. 2016-07-03. 2020-10-23 tarixində arxivləşdirilib. İstifadə tarixi: 2016-12-30.
  21. ↑ Екатерина Дементьева. "Марафонец отправился в 50-дневный пробег вокруг Байкала". Российская газета. 2016-07-04. 2017-01-02 tarixində orijinalından arxivləşdirilib. İstifadə tarixi: 2016-12-27.
  22. ↑ "Ультрамарафонец Дмитрий Ерохин стартовал из посёлка Порт Байкал". Вести-Иркутск. 2016-07-01. 2017-05-25 tarixində arxivləşdirilib. İstifadə tarixi: 2016-12-30.
  23. ↑ "Марафонец Дмитрий Ерохин госпитализирован с подозрением на энцефалит". Вести-Иркутск. 2016-08-03. 2017-02-27 tarixində arxivləşdirilib. İstifadə tarixi: 2016-12-27.
  24. ↑ Ultramarafonist Dmitri 7 gün ərzində Kalmıkiyadan keçərək dünya rekordunu təzələdi Arxivləşdirilib 2022-02-14 at the Wayback Machine.
  25. ↑ Ultramarafonist Dmitri Yeroxin marafonu dəf etdi Arxivləşdirilib 2022-08-27 at the Wayback Machine.
  26. ↑ ""Википедию" ждёт запрет в России?". Pravda.ru. 2015-01-22. 2019-05-08 tarixində arxivləşdirilib. İstifadə tarixi: 2016-12-27.

Ədəbiyyat redaktə

Xarici keçidlər redaktə

Mənbə — "https://az.wikipedia.org/w/index.php?title=Dmitri_Yeroxin&oldid=6703403"