Elman Xudam oğlu Nəsirov (23 may 1968, Təzəkənd, Cəlilabad rayonu) — Azərbaycan politoloqu, siyasi şərhçi, tarixçi, Azərbaycan Milli Məclisinin V, VI və VII çağırış deputatı, YAP Təftiş Komissiyasının üzvü[2], siyasi elmlər doktoru, professor.[3]
| Elman Nəsirov | |
|---|---|
 | |
Azərbaycan Respublikası Milli Məclisinin deputatı[d] | |
| Seçki dairəsi | 72 saylı Cəlilabad kənd seçki dairəsi[d] |
| Şəxsi məlumatlar | |
| Doğum tarixi | 23 may 1968 (56 yaş) |
| Doğum yeri | |
| Partiya | |
| Təhsili | |
| Fəaliyyəti | siyasətçi |
| Elmi fəaliyyəti | |
| Elm sahəsi | beynəlxalq münasibətlər |
| Elmi dərəcələri |
|
| Elmi adı | |
|
|
|
| Təltifləri |
  |
Həyatı
redaktəElman Nəsirov 23 may 1968-ci ildə Cəlilabad rayonunun Təzəkənd kəndində ziyalı ailəsində anadan olmuşdur. 1989–1994-cü illərdə Bakı Dövlət Universitetinin Tarix fakültəsində təhsil almış və oranı fərqlənmə diplomu ilə bitirmişdir. 1995–2000-ci illərdə BDU-nun Avropa və Amerika ölkələrinin yeni və müasir tarixi kafedrasının dissertantı olmuşdur.[4][3]
1992–1994-cü illərdə Azərbaycan Dillər Universitetində ikiillik ingilis dili kursunda təhsil almış və fərqlənmə sertifikatı ilə bitirmişdir. 1995–2003-cü illərdə BDU-nun Avropa və Amerika ölkələrinin yeni və müasir tarixi kafedrasında çalışmışdır. 2001-ci ildə "Azərbaycan-ABŞ münasibətləri. 1991–1997-ci illər" mövzusunda dissertasiya işini müdafiə edərək tarix elmləri üzrə fəlsəfə doktoru elmi dərəcəsi almışdır. 2011-ci ildə "ABŞ və beynəlxalq terrorizm problemi" mövzusunda siyasi elmlər üzrə doktorluq dissertasiyasını müdafiə etmişdir.[5]
1992–1994-cü illərdə Azərbaycan Dillər Universitetində iki illik ingilis dili kursunda təhsil almış və fərqlənmə sertifikatı ilə bitirmişdir. 1995–2003-cü illərdə BDU-nun Avropa və Amerika ölkələrinin yeni və müasir tarixi kafedrasında calışmışdır. 2001-ci ildə "Azərbaycan-ABŞ münasibətləri. 1991–1997-ci illər" mövzusunda dissertasiya müdafiə edərək tarix elmləri üzrə fəlsəfə doktoru elmi dərəcəsi almışdır. 2011-ci ildə "ABŞ və beynəlxalq terrorizm problemi" mövzusunda siyasi elmlər üzrə doktorluq dissertasiyası müdafiə etmişdir. Rus, türk və ingilis dillərini bilir.[3]
Elmi fəaliyyəti
redaktə2017-ci ildə professor elmi adını almışdır. 2004-cü ildən Azərbaycan Respublikasının Prezidenti yanında Dövlət İdarəçilik Akademiyasının "Dövlət idarəçiliyi: nəzəriyyə və təcrübə" elmi-nəzəri və praktiki jurnalının redaksiya heyətinin üzvü, 2012-ci ildən isə həmin jurnalın məsul katibidir.[6] 2012-ci ildən Rumıniya Respublikasının nüfuzlu "Geopolitika" elmi-analitik jurnalının redaksiya heyətinin üzvüdür.
2007-2020-ci illər aralığında Azərbaycan Respublikasının Prezidenti yanında Ali Attestasiya Komissiyasının Siyasi və tarix elmləri üzrə Ekspert Şurasının eksperti olmuşdur.[7] 2008-2014-cü illərdə Azərbaycan Respublikasının Prezidenti yanında Dövlət İdarəçilik Akademiyasının Geostrateji Araşdırmalar Mərkəzinin direktor müavini və direktoru vəzifələrində çalışmışdır. 2014-cü ilin 15 sentyabr tarixindən Azərbaycan Respublikasının Prezidenti yanında Dövlət İdarəçilik Akademiyasının Siyasi Araşdırmalar İnstitutunun direktoru vəzifəsində çalışır. Hazırda Azərbaycan Respublikasının Prezidenti yanında Dövlət İdarəçilik Akademiyasının "Beynəlxalq münasibətlər və xarici siyasət" kafedrasının professorudur.[8]
İctimai-siyasi fəaliyyəti
redaktə- 2001-ci ildən Yeni Azərbaycan Partiyasının üzvüdür.
- 2009-cu il 18 mart və 2016-cı il 26 sentyabr tarixlərində Azərbaycan Respublikasının Konstitusiyasına əlavə və dəyişikliklərin edilməsi ilə bağlı keçirilən referendumda "Vətəndaş cəmiyyəti" təşviqat qrupunun vəkili olmuşdur.
- 2013-cü il 9 oktyabr tarixində keçirilən Azərbaycan Respublikasının Prezident seçkilərində YAP namizədi cənab İlham Əliyevin Cəlilabad seçki dairəsi üzrə səlahiyyətli nümayəndəsi və respublika üzrə müşahidəçi statusunda fəaliyyət göstərmişdir.
- 2015-ci ilin may-noyabr aylarında Azərbaycan Televiziya və Radio Verilişləri QSC-nin "Bizim Planet" proqramının aparıcısı olmuşdur.[9]
- Azərbaycan Respublikasının Milli Məclisinə V çağırış, 2015- ci il 1 noyabr tarixində keçirilən seçkilərdə YAP -ın namizədi olaraq 89 saylı Göyçay-Ağdaş seçki dairəsindən deputat seçilmişdir.[10]
- 2020-ci il 9 fevral tarixində Azərbaycan Respublikasının Milli Məclisinə keçirilən növbədənkənar seçkilərdə 68 saylı Cəlilabad seçki dairəsindən deputat seçilmişdir.[11]
- 2014–2021-ci illərdə YAP-ın Beynəlxalq Əlaqələr Komissiyasının katibi və eksperti olmuşdur.
- 2021-ci ildən etibarən YAP-ın Təftiş Komissiyasının üzvüdür.
- 2024-cü il 7 fevral tarixində Azərbaycan Respublikasında keçirilən növbədənkənar prezident seçkilərində YAP-ın təbliğat-təşviqat qrupunun üzvü olmuşdur.
- 2024-cü il 1 sentyabr tarixində Azərbaycan Respublikasının Milli Məclisinə keçirilən seçkilərdə 72 saylı Cəlilabad kənd seçki dairəsindən deputat seçilmişdir.
- 2024-cü il 8 oktyabr tarixində Azərbaycan — Albaniya parlamentlərarası əlaqələr üzrə işçi qrupunun rəhbəri seçilmişdir.[12]
Kitabları
redaktə- "Azərbaycan-ABŞ münasibətləri. 1991–1997-ci illər" // Bakı, "Qanun" nəşriyyatı – 1998, 136 s.
- "Azərbaycan nefti və beynəlxalq müqavilələr. 1991–1999-cu illər" // Bakı, "Qanun" nəşriyyatı –1999, 104 s.,
- "ABŞ və dünya 11 sentyabrdan sonra" // Bakı, "Adiloğlu" nəşriyyat – 2003, 262 s.,
- "Amerika Birləşmiş Ştatlarının antiterror doktrinası və onun tətbiqi mexanizmləri" // Bakı, "Elm və Təhsil" nəşriyyatı – 2010, 392 s.
- "ABŞ və beynəlxalq terrorizm problemi. 2001–2010-cu illər" // Bakı, "TEAS Press" nəşriyyat evi, 2018, 344 s.
- "Dövlət İdarəçiliyində varislik, novatorluq və dinamizm. İlham Əliyevin prezidentlik fəaliyyətinin xronikası: rəsmi qəbul və səfərlərinin icmalı (2003–2006)",(həmmüəllif) // Bakı, "Azərbaycan" nəşriyyatı – 2007, 944 s.
- "Dövlət İdarəçiliyində varislik, novatorluq və dinamizm. İlham Əliyevin prezidentlik fəaliyyətinin xronikası: rəsmi qəbul və səfərlərinin icmalı (2007–2008)", (II kitab, həmmüəllif) // Bakı, "Azərbaycan" nəşriyyatı – 2008, 754 s.
- "Dövlət İdarəçiliyində varislik, novatorluq və dinamizm. İlham Əliyevin prezidentlik fəaliyyətinin xronikası: rəsmi qəbul və səfərlərinin icmalı (2008, oktyabr-2010)", (III kitab, həmmüəllif) // Bakı, "Azərbaycan" nəşriyyatı – 2013, 752 s.
- "Dövlət İdarəçiliyində varislik, novatorluq və dinamizm. İlham Əliyevin prezidentlik fəaliyyətinin xronikası: rəsmi qəbul və səfərlərinin icmalı (2011–2013, mart)", (IV kitab, həmmüəllif) // Bakı, "Azərbaycan" nəşriyyatı – 2013, 976 s.
- ABŞ və beynəlxalq terrorizm problemi. Bakı, "TEAS Press" – 2018, 342 s.
Təltifləri
redaktə1997-ci ildə Bakı Dövlət Universiteti, Azərbaycan Beynəlxalq Əməliyyat Şirkəti və Azərbaycan Milli Elmlər Akademiyasının birgə təşkil etdikləri "Azərbaycan neftinin dünəni, bu günü və sabahı" mövzusunda gənc alim və tədqiqatçıların ümumrespublika müsabiqəsinin qalib olmuş, I dərəcəli diplom və mükafatla təltif edilmişdir. 2000-ci ildə eyni tipli müsabiqənin qaliblərindən biri olaraq III dərəcəli diplom və mükafatla təltif edilmişdir.[4]
2006-cı ildə BMT nəzdində Universal Sülh Federasiyası və Dünyada Sülh Uğrunda Dinlərarası və Beynəlxalq Federasiya tərəfindən "Sülh səfiri" fəxri adına layiq görülmüşdür. 2009-cu ilin oktyabr ayında Azərbaycan Respublikası Kütləvi İnformasiya Vasitələri işçiləri Həmkarlar İttifaqı Rəyasət Heyətinin qərarı ilə "Qızıl qələm" media mükafatı laureati diplomu ilə təltif olunmuşdur. 2009-cu ilin 30 dekabr tarixində Daxili Qoşunların şəxsi heyəti qarşısında hərbi-vətənpərvərlik mövzusunda etdiyi mütəmadi çıxışlarına görə Daxili Qoşunların Komandanı tərəfindən Fəxri fərmanla təltif olunmuşdur.[3]
Dövlət təltifləri
redaktə- 2017-ci 27 noyabr tarixində Qazaxıstan Respublikasının Prezidenti Nursultan Nazarbayevin sərəncamı ilə "Qazaxıstanın müstəqilliyinin 25 illiyi" yubiley medalı ilə təltif edilmişdir.
- 2018-ci il 22 may tarixində Azərbaycan Respublikasının Milli Məclisinin “Fəxri medalı” ilə təltif edilmişdir.
- 2018-ci il 24 dekabr tarixində Azərbaycan Respublikasının Milli Məclisinin "Parlament" medalı ilə təltif edilmişdir.[13]
- 2019-cu ildə Azərbaycan Respublikasının Təhsil Nazirliyi tərəfindən “Qabaqcıl təhsil işçisi” döş nişanı ilə təltif olunmuşdur.
- 2019-cu il 27 may tarixində Azərbaycan Respublikasının Prezidenti İlham Əliyevin Sərəncamı ilə "Azərbaycan Xalq Cümhuriyyətinin 100 illiyi (1918-2018)" yubiley medalı ilə təltif edilmişdir.
- Azərbaycan Respublikasının ictimai-siyasi həyatında fəal iştirak edən şəxslərin təltif edilməsi haqqında Azərbaycan Respublikası Prezidentinin 30 noyabr 2022-ci il ki Sərəncamı ilə "Tərəqqi" medalı ilə təltif edilmişdir.
- Azərbaycan Respublikası Prezidentinin 2 fevral 2024-cü il tarixli Sərəncamı ilə "Heydər Əliyevin 100 illiyi (1923–2023)" yubiley medalı ilə təltif edilmişdir.[14]
İstinadlar
redaktə- ↑ http://www.azerizv.az/news/a-15493.html.
- ↑ "YAP-ın Nəzarət-təftiş komissiyasının yeni tərkibi". modern.az. İstifadə tarixi: 2025-03-09.
- ↑ 1 2 3 4 "NƏSİROV Elman Xudam oğlu". Milli Majlis of Azerbaijan Republic. 2022-08-12 tarixində arxivləşdirilib. İstifadə tarixi: 2022-11-11.
- ↑ 1 2 azedu.az. "38 yaşında professor olan millət vəkili - Keçmişdəki mən". azedu.az (az.). İstifadə tarixi: 2025-03-09.
- ↑ Nəsirov, Elman. ABŞ və Beynəlxalq Terrorizm Problemi: Elman Nəsirov; Redaktor: Əli Həsənov (az.). TEAS Press. 2018. ISBN 978-9952-31-037-5.
- ↑ ""Dövlət idarəçiliyi: nəzəriyyə və təcrübə" jurnalının cari ildə ilk nömrəsi çapdan çıxmışdır". azertag.az (az.). İstifadə tarixi: 2025-03-09.
- ↑ "Siyasi Araşdırmalar İnstitutu: Azərbaycanda vitse-prezidentlik institutu daha çevik olacaq". Trend.Az (az.). 2016-08-25. İstifadə tarixi: 2025-03-09.
- ↑ "Beynəlxalq münasibətlər və xarici siyasət kafedrasının müəllimlərinin SİYAHISI". dia.edu.az.
- ↑ ""Sərkisyana qarşı etirazlar onu göstərir ki..." - "Bizim Planet"də müzakirə". Teleqraf (az.). 2018-04-23. İstifadə tarixi: 2025-03-09.
- ↑ "89- SAYLI GOYCAY AGDAS SECKİ DAIRƏSİNDƏN-ELMAN NƏSİROV". Mediatv.az informasiya portalı. İstifadə tarixi: 2025-03-09.
- ↑ "68 saylı Cəlilabad kənd seçki dairəsi üzrə deputatlığa namizəd Elman Nəsirov təbliğat-təşviqat kampaniyası çərçivəsində rayonun Günəşli və Alar kəndlərinin seçiciləri ilə görüşüb". sesqazeti.az.
- ↑ "Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI". Apa.az (az.). 2024-10-08 tarixində arxivləşdirilib. İstifadə tarixi: 2024-10-22.
- ↑ "Elman Nəsirov Milli Məclisinin". Strategiya.az (az.). İstifadə tarixi: 2025-03-09.
- ↑ "Millət vəkili "Heydər Əliyevin 100 illiyi yubiley medalı ilə təltif olunub". aktor.az. 2024-03-18.