Elnur Allahverdiyev (siyasətçi)
Azərbaycan Milli Məclisinin VI çağırış deputatı
Elnur Marat oğlu Allahverdiyev (21 aprel 1978, Bakı) — azərbaycanlı dövlət və siyasi xadim, Azərbaycan Milli Məclisinin VI çağırış üzvü.
| Elnur Allahverdiyev | |
|---|---|
 | |
Vəzifədədir | |
| 10 mart 2020-ci ildən | |
| Seçki dairəsi | 2020 — 17 saylı Yasamal üçüncü |
| Əvvəlki | Elşad Həsənov |
| Şəxsi məlumatlar | |
| Doğum tarixi | 21 aprel 1978 (46 yaş) |
| Doğum yeri | |
| Partiya | |
| Təhsili | |
| Fəaliyyəti | siyasətçi |
| Atası | Marat Allahverdiyev |
| Hərbi xidmət | |
| Qoşun növü | Azərbaycan Silahlı Qüvvələri |
|
|
|
| Təltifləri |
  |
| elnurallahverdiyev.az | |
 Vikianbarda əlaqəli mediafayllar | |
Həyatı
redaktəElnur Allahverdiyev 1978-ci il aprelin 21-də Bakı şəhərində anadan olub. 1995–1999-cu illərdə Azərbaycan Beynəlxalq Universitetində (ABU) hüquqşünaslıq üzrə ali təhsil alıb. 1999–2000-ci illərdə Qazax rayonunda Azərbaycan Silahlı Qüvvələrində həqiqi hərbi xidmətdə olub. 2012–2015-ci illərdə isə Azərbaycan Dövlət İqtisad Universitetində iqtisadiyyatın hüquqi tənzimlənməsi üzrə ali təhsili alıb.
Elnur Allahverdiyev ailəlidir, üç övladı var.
- Azərbaycan SSR Ali Sovetinin deputatı olan Marat Allahverdiyevin oğludur.
İctimai-siyasi fəaliyyəti
redaktə- Elnur Allahverdiyev 2001-ci ildən 2020-ci ilə qədər "ABC-Telecom" MMC-nin Baş direktoru olub.
- 14 noyabr 2014-cü ildən 29 dekabr 2019-cu ilədək Sloveniyanın Azərbaycanda olan Fəxri Konsulu vəzifəsində çalışıb.
- 26 mart 2018-ci ildən 1 iyul 2021-ci ilə qədər "Azərcell" MMC-nin Müşahidə Şurasının sədri olub.
- Elnur Allahverdiyev 2020-ci ildə parlament seçkiləri ilə əlaqədar bütün sahibkarlıq fəaliyyətini dayandırmışdır.
- 2020-ci il fevralın 9-da baş tutan parlament seçkilərində 17 saylı Yasamal üçüncü seçki dairəsindən Yeni Azərbaycan Partiyası namizədi olaraq iştirak edən Elnur Allahverdiyev 2145 səslə (40,98%) VI çağırış Milli Məclisin deputatı seçilmişdir.[1]
- 2020-ci il martın 10-dan səlahiyyətlərinin icrasına başlayan Elnur Allahverdiyev Milli Məclisin Gənclər və İdman Komitəsinin, İqtisadi Siyasət, Sənaye və sahibkarlıq Komitəsinin, habelə Hesablayıcı Komissiyasının üzvü seçilmişdir.[2][3]
GUAM Parlament Assambleyası sədri, GUAM PA-da Azərbaycan nümayəndə heyətinin, Azərbaycan-Çexiya parlamentlərarası əlaqələr üzrə işçi qrupunun rəhbəridir.
Təltifləri
redaktə- "Heydər Əliyevin 100 illiyi (1923–2023)" yubiley medalı
- "Azərbaycan Respublikası Dövlət Gömrük Komitəsinin 30 illiyi (1992–2022)" yubiley medalı
- Yeni Azərbaycan Partiyası Yasamal rayon təşkilatının Fəxri Fərmanı
- Müdafiə Nazirliyin saylı hərbi hissəsinin Təşəkkür məktubu
- Qırmızı Ürəklər Fondunun Fəxri Fərmanı
İstinadlar
redaktə- ↑ "Candidates elected by constituencies in the Parliamentary elections to be held in Azerbaijan on february 9, 2020" ( (az.)). 10.02.2020. 20.08.2020 tarixində arxivləşdirilib. İstifadə tarixi: 20.08.2020.
- ↑ "Azərbaycan Milli Məclisinin Gənclər və idman Komitəsi üzvlərinin seçilməsi haqqında Azərbaycan Milli Məclisinin 14 mart 2020-ci il tarixli 21-VIQR nömrəli Qərarı" ( (az.)). 14.03.2020. 20.08.2020 tarixində arxivləşdirilib. İstifadə tarixi: 20.08.2020.
- ↑ "Azərbaycan Milli Məclisinin İqtisadi siyasət, sənaye və sahibkarlıq Komitəsinin üzvlərinin seçilməsi haqqında Azərbaycan Milli Məclisinin 14 mart 2020-ci il tarixli 16-VIQR nömrəli Qərarı" ( (az.)). 14.03.2020. 2020-08-20 tarixində arxivləşdirilib. İstifadə tarixi: 20.08.2020.