Elsevər Ağayev

Elsevər Məmməd oğlu Ağayev (d.1965, Naxçıvan Muxtar Respublikası) — Azərbaycan Respublikası səhiyyə nazirinin müavini, əczaçılıq elmləri namizədi.

Elsevər Ağayev
Azərbaycan Respublikası Səhiyyə Nazirinin müavini 1999 — indiyə kimi
Şəxsi məlumatlar
Təhsili	N.Nərimanov adına Azərbaycan Dövlət Tibb İnstitutunun əczaçılıq fakültəsi
İxtisası	əczaçı
Doğum tarixi	1965
Doğum yeri	Naxçıvan Muxtar Respublikası
Elmi fəaliyyəti
Elmi dərəcəsi	əczaçılıq elmləri namizədi

Həyatı

1965-ci il Naxçıvan Muxtar Respublikasında anadan olub.

1983-1988-ci ildə N.Nərimanov adına Azərbaycan Dövlət Tibb İnstitutunun əczaçılıq fakültəsini fərqlənmə diplomu ilə bitirmişdir.

1988-ci ildə institutun dərman formalarının texnologiyası kafedrasında baş laborant kimi əmək fəaliyyətinə başlayıb.

1990-cı ildə Səhiyyə Nazirliyinin “Farmokologiya və xalq təbabəti” elm - istehsalat birliyində mütəxəssis, 1990-1993-cü illərdə Sankt Peterburq Kimya-Əczaçılıq Akademiyasında məqsədli aspiranturanı bitirib əczaçılıq elmləri namizədi elmi dərəcəsini alıb geri qayıtdıqdan sonra baş mütəxəssis, şöbə müdiri işləmişdir. 1996-cı ildə həmin birliyin baş direktoru təyin olunmuşdur.

1997-cü ildə Səhiyyə Nazirliyinin “Dərman və Tibbi Texnika” İTB-nin baş direktoru, SN-nin “Əczaçılıq və Tibb Sənayesi” EİB baş direktoru vəzifəsinə təyin olunmuşdur.

1999-cu ildən il AR Səhiyyə nazirinin müavini vəzifəsinə təyin olunub.

2007-ci ildən Azərbaycan Dövlət Həkimləri Təkmilləşdirmə İnstitutunun Əczaçılıq kafedrasının müdiridir.

SN-nin Farmakoloji və Farmakopeya Ekspert Şurasının sədridir.

2013-cü ildə Tərəqqi medalı ilə təltif edilmişdir.

1994-cü ildən Yeni Azərbaycan Partiyasının üzvüdür, Partiyanın Nəsimi rayon təşkilatının sədr müavinidir.