Elxan Məmmədli (leytenant)
Elxan Ələkbər oğlu Məmmədli (13 oktyabr 1997, İsmayıllı rayonu – 19 sentyabr 2023, Xocavənd, Xocavənd rayonu) — Azərbaycan Respublikası Müdafiə Nazirliyi Quru Qoşunları komandalığı leytenantı, lokal xarakterli antiterror şəhidi.
Elxan Məmmədli | |
---|---|
Məmmədli Elxan Ələkbər oğlu | |
Şəxsi məlumatlar | |
Doğum tarixi | |
Doğum yeri | İsmayıllı rayonu, Zoğallıq kəndi |
Vəfat tarixi | (25 yaşında) |
Vəfat yeri | Xocavənd rayonu |
Vətəndaşlığı | Azərbaycan |
Hərbi fəaliyyəti | |
Mənsubiyyəti | Azərbaycan Ordusu |
Qoşun növü | Quru Qoşunları |
Xidmət illəri | 2019—2023 |
Rütbəsi | Leytenant |
Vəzifəsi | Kəşfiyyat qrup komandiri |
Döyüşlər | |
Təltifləri |
Həyatı
redaktəElxan Məmmədli 1997-ci il oktyabrn 13-də İsmayıllı rayonu Zoğallıq kəndində dünyaya göz açmışdır. Təhsilini 2004-cü ildə Suraxanı rayonu Pərviz İsmayılov adına 278 saylı tam orta məktəbdə təhsilinə başlayıb, 2015-ci ildə həmin məktəbin 11-ci sinfini başa vurmuşdur. Məktəbi bitirdikdən sonra Bakı Biznes Universitetinin Dövlət və Bələdiyyə İdarəetməsi fakültəsinə daxil olub, 2019-cu ildə oranı bitirərək məzun olmuşdur.
O, subay idi.
Hərbi xidməti
redaktəElxan Məmmədli 2019-cu ildə İsmayıllı rayon hərbi komissarlığı tərəfindən müddətli həqiqi hərbi xidmətə çağırılıb. Dövlət Sərhəd Xidmətinin Tovuz rayonunda yerləşən N saylı hərbi hissəsində xidmət edən Elxan Məmmədli ordudan tərxis olunduqdan sonra Azərbaycan Silahlı Qüvvələrinin Təlim Tədris Mərkəzində "Ehtiyat zabit hazırlığı"kursu keçib. Kursu müvəffəqiyyətlə başa vuraraq leytenant hərbi rütbəsini alıb. O, Azərbaycan Respublikası Müdafiə Nazirliynin Quru Qoşunlarının Silahlı Qüvvələrində müddətdən artıq həqiqi hərbi xidmət hərbi qulluqçusu kimi fəaliyyətə başlayıb. Xocalı, Şuşa, Xankəndi və Qubadlının ətraf ərazilərində hərbi xidmətini davam etdirib. Hərbi xidmət zamanı əldə etdiyi nailiyyətlərə görə 10 fevral 2022-ci ildə komandanlıq tərəfindən fəxri fərmanla təltif edilib. Daha sonra, 15 may 2023-cü ildən 29 iyul 2023-cü ilə kimi "Komonda" Dağ Təlimi Mərkəzində keçirilmiş 17-ci qəbul "Komando başlanğıc kursu"-nu müvəffəqiyyətlə başa vurub,"Komando" Dağ Təlimi Mərkəzinin komandalığı tərəfindən sertifikata layiq görülüb. Elxan Məmmədli Komando əməliyyat qrupunda "Kəşfiyyat komandiri" vəzifəsində xidmət göstərib.[1]
Leytenant Elxan Məmmədli 2023-cü il sentyabrn 19 da Qarabağda başlanan lokal xarakterli antiterror əməliyyatları zamanı kəşfiyyat komandiri olaraq döyüşə qatılıb, öndə gedərək torpaqlarımızın terrorçulardan azad edilməsində şücaət göstərib . Həmin gün sentyabrn 19-da Xocavəndin azadlığı uğrunda gedən döyüşlərdə qəhrəmancasına şəhid olub.
Elxan Məmmədli 21 sentyabr, 2023-cü ildə İsmayıllı rayonu, Zağallıq kənd qəbiristanlığında torpağa tapşırılmışdır.[2]
Qarabağda başlanan lokal xarakterli antiterror əməliyyatları zamanı qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 07.11.2023-cü il tarixli Sərəncamına əsasən Elxan Məmmədli ölümündən sonra "Vətən uğrunda" medalı ilə təltif edilib.[3]
Azərbaycan Respublikasına sadiqliyə görə, vəzifə borcunu ləyaqətlə və vicdanla yerinə yetirməyə görə Azərbaycan Prezidenti İlham Əliyevin 07.11.2023-cü il tarixli Sərəncamına əsasən Elxan Məmmədli ölümündən sonra "Vətənə xidmətə görə" 3-cü dərəcəli orden ilə təltif edilib.[4]
Təltifləri
redaktə- (7 noyabr 2023) — "Vətən uğrunda" medalı (ölümündən sonra)[3]
- (7 noyabr 202) — 3-cü dərəcəli "Vətənə xidmətə görə" ordeni (ölümündən sonra)[4]
Həmçinin bax
redaktəİstinadlar
redaktə- ↑ Mustafaqızı, Vəsidə. "Ölümsüz qəhrəman". Yeni Təfəkkür. 13 oktyabr 2023: 3.
- ↑ "İsmayıllıdan olan hərbçimiz şəhid olub" (az.). https://shimal.news. (#archive_missing_date) tarixində arxivləşdirilib. İstifadə tarixi: 22 dekabr 2023.
- ↑ 1 2 "Azərbaycan Respublikası Silahlı Qüvvələri hərbi qulluqçularının və Daxili İşlər Nazirliyi əməkdaşlarının təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2023-11-08 tarixində arxivləşdirilib. İstifadə tarixi: 2023-12-02.
- ↑ 1 2 "Silahlı Qüvvələrin hərbçiləri və DİN-in əməkdaşları təltif edilib - SİYAHI". Report İnformasiya Agentliyi (az.). 2023-11-07. 2023-11-25 tarixində arxivləşdirilib. İstifadə tarixi: 2023-12-02.
Xarici keçidlər
redaktə"Silahlı Qüvvələrin hərbçiləri və DİN-in əməkdaşları təltif edilib - SİYAHI" (az.). https://1news.az. (#archive_missing_date) tarixində arxivləşdirilib. İstifadə tarixi: 22 dekabr 2023.