Eyvaz Qələmçəli

Eyvaz Qələmçəli (1929, Köhnəqışlaq, Ağstafa rayonu – 19 mart 2003, Ağstafa rayonu) — şair, Azərbaycan Yazıçılar Birliyinin üzvü.

EYVAZ QƏLƏMÇƏLİ
Eyvaz Qasım oğlu Həsənov
Doğum tarixi	1929
Doğum yeri	Köhnəqışlaq, Ağstafa rayonu, Azərbaycan SSR, ZSFSR, SSRİ
Vəfat tarixi	19 mart 2003(2003-03-19)
Vəfat yeri	Ağstafa rayonu, Azərbaycan
Dəfn yeri	Ağstafa rayonu
Fəaliyyəti	şair

Həyatı

Eyvaz Qələmçəli 1929-cu ildə Ağstafa rayonunun Köhnəqışlaq kəndində anadan olub. 15 yaşından şeir yazmağa başlayıb. İndiyə kimi üç kitabı - "Könlüm istəyir", "Bu dağlardadır", "Kürəyində haqqın əli" nəşr olunaraq oxucuların ixtiyarına verilib.

Eyvaz Qələmçəli "Şəhid oldu", "Kürəyində haqqın əli", "Qurbanam", "İncədərə", "Qoru", "Ehtiyacım var", "Gəncə bax", "Kimi", "Qaldı", "Ağlar", "Həkim", "Dünya", "Qocalmışam", "Mən Qocalmazdım", "Düşür yadıma", "Səslə mən döyüşə", "Azərbaycan əsgəri", "Ay aşıq", "Ceyrançölün çobanları", "Sinədəftər şair Zəlimxan Yaquba", "Hanı", "Aşıqlar evi", "Allah" və s. yüzlərlə şeir yazmışdır.

Min yerdən atıldı odlu daş mənə,
Biri ona dəymədi, dəydi beş mənə.
Vətən torpağını yağı düşmənə
Satanlar qocaltdı, mən qocalmazdım.

-deyən şair 2003-cü ilin mart ayının 19-da dünyasını dəyişib. Ağstafa rayon İcra Başçısının və Yazıçılar Birliyinin birgə fəaliyyəti nəticəsində onun 80 illik yubileyi 2009-cu il iyul ayının 3-də təntənəli qeyd edilib.