Farah Zeynəb Abdullah
Farah Zeynəb Abdullah (tam adı: türk. Farah Zeynep Abdullah; 17 avqust 1989[1], İstanbul[1]) — Türkiyə aktrisası və müğənnisi.
| Farah Zeynəb Abdullah | |
|---|---|
| Doğum tarixi | 17 avqust 1989[1] (34 yaş) |
| Doğum yeri | |
| Vətəndaşlığı | |
| Fəaliyyəti | aktrisa, müğənni |
| Fəaliyyət illəri | 2010-cu ildən |
| Boyu | 168 sm[2] |
| Çəkisi | 52 kq[2] |
| IMDb | ID4198135 |
| fzaofficial.com | |
 Vikianbarda əlaqəli mediafayllar | |
Həyatı redaktə
Farah 17 avqust 1989-cu ildə İstanbulun Beşiktaş səmtində dünyaya göz açmışdır.[3] Anası Gülay Makedoniya, Türkiyə (Krımdan) və Bosniya əsillidir. Atası Osman İraq türkmanlarındandır (Ərbildən). Müharibənin başlaması ilə atası Osman hələ uşaq olarkən ailəsi Türkiyəyə miqrasiya edir. Osman türk əsillidir və ərəb dilini bilmir. Bununla belə, İraqda hərbi xidmət keçmişdir.[4]
Farahın iki qardaşı var. Atasının işi ilə əlaqədar ailəsi Londona köçənədək orta təhsilini Sen-Mişel fransız liseyində almışdır.[5] Hazırda öz işi ilə əlaqədar İstanbulda yaşasa da, Farahın bütün ailə üzvləri İngiltərədədir.
Fəaliyyəti redaktə
2010-cu ildə Kent Universitetində təhsil alarkən Zaman elə keçər ki türk serialından təklif alır.[6] Nəticə olaraq, həmin serialda 2 sezon, 79 bölümdə çəkilir. Həmçinin, 2011-ci ildə Antalya Televiziya Mükafatlarında ən yaxşı köməkçi aktrisa nominasiyası üzrə qalib gəlir.
2013-cü ildə Kıvanç Tatlıtuğ ilə birgə Yılmaz Ərdoğanın Kəpənəyin röyası filmində rol alır. Film Türkiyə Mədəniyyət və Turizm Nazirliyi tərəfindən 2014 Oskar mükafatına namizəd seçilir.[7][8] Filmdəki roluna görə Farah 18-ci Sadri Alışık Kino və Teatr Mükafatlarında köməkçi aktrisa nominasiyasını qazanır.
2014-cü il Farah üçün olduqca gərgin və yorğun keçir. İlk öncə Engin Akyürek ilə Bi Küçük Eylül Meselesi filminə çəkilir. Filmin premyerası Sevgililər günü keçirilir. Daha sonra Kıvanç Tatlıtuğ ilə birlikdə ikinci dəfə Qurd Səyid və Şura serialında kamera qarşısına keçir. Həmin ilin yayında ara verməyən Farah, rejissor Çağan İrmakın Unutsam, pıçılda adlı musiqili-romantik filmində rol alır. Xədicə/Aypəri rolu filmdə aktrisalıq və müğənnilik istedadını nümayiş etdirən və tamaşaçı auditoriyasını heyrətləndirməyi bacaran Faraha bir neçə mükafat qazandırır.
2015-ci ildə Barbinin türk versiyasında Şahzadə Azra rolunu səsləndirir. 2015-ci ilin sonlarında rejissor Yılmaz Ərdoğanla ikinci dəfə əməkdaşlıq edərək Turş almalar filminə çəkilir və Muazzez rolunu canlandırır. Film 2016-cı il 28 oktyabrda Türkiyədə, noyabr ayının əvvəllərində isə Avropada nümayiş olunur.
2016-cı il iyul ayının sonlarında sosial mediada Farahın məşhur türk serialı Möhtəşəm Yüz İl Kösəmdə çəkiləcəyi ilə bağlı xəbərlər yayılır. Bir neçə gün sonra aktrisanın macar şahzadəsi Farya Betlen rolu ilə seriala daxil olacağı öz təsdiqini tapır. Serialın ilk bölümü 18 noyabr 2016-cı ildə Türkiyə telekanalı FOX-da yayımlanır.
İstinadlar redaktə
- ↑ 1,0 1,1 1,2 1,3 https://www.hurriyet.com.tr/kelebek/hayat/farah-zeynep-abdullah-kimdir-biyografisi-40078091.
- ↑ 2,0 2,1 https://www.biliyo.org/kimdir/farah-zeynep-abdullah-221.
- ↑ "Arxivlənmiş surət". 2022-03-14 tarixində arxivləşdirilib. İstifadə tarixi: 2020-01-30.
- ↑ "Rengahenk Farah Zeynep Abdullah". Gq.com.tr. 14 March 2022 tarixində arxivləşdirilib. İstifadə tarixi: 27 January 2019.
- ↑ Milliyet. "Farah Zeynep Abdullah: Türk sinemasının yeni yıldızı". 2019-03-22 tarixində arxivləşdirilib. İstifadə tarixi: 2014-06-16.
- ↑ Avrupa Gaztesi. "Farah Zeynep Abdullah Kimdir". 2014-07-14 tarixində orijinalından arxivləşdirilib. İstifadə tarixi: 2014-06-16.
- ↑ Variety. "Film Review: 'The Butterfly's Dream'". 2021-05-09 tarixində arxivləşdirilib. İstifadə tarixi: 2014-06-16.
- ↑ "TURKEY NOMINATES 'KELEBEĞIN RÜYASı' FOR OSCAR'S FOREIGN FILM CATEGORY". Sabah. 21 September 2013 tarixində orijinalından arxivləşdirilib. İstifadə tarixi: 19 September 2013.