Fuad Musayev

Fuad Ənvər oğlu Musayev (11 yanvar 1938, Bakı16 iyun 2017, Moskva) — Azərbaycan Futbol Federasiyaları Assosiasiyasının prezidenti, Azərbaycan Kommunist Partiyası Mərkəzi Komitəsinin sənaye üzrə katibi, Azərbaycan SSR Dövlət Sənayedə İşlərin Təhlükəsiz Görülməsinə Nəzarət və Dağ-Mədən Nəzarəti Komitəsinin sədri, Azərbaycan Kommunist Partiyası Bakı Şəhər Komitəsinin birinci katibi, Azərbaycan Kommunist Partiyası Mərkəzi Komitəsinin tikinti işləri üzrə katibi, Azərbaycan SSR Dövlət Plan Komitəsi sədrinin tikinti kompleksinin işinə cavabdeh olan birinci müavini, Azərbaycan SSR kənd təsərrüfatı nazirinin birinci müavini.

Fuad Musayev
Fuad Musayev.png
bayraqAzərbaycan Futbol Federasiyaları Assosiasiyasının prezidentibayraq
3 aprel 1992 — 29 dekabr 2003
Sələfi Vəzifə təsis edildi.
Xələfi Rasim Mirzəyev
bayraqAzərbaycan Kommunist Partiyası Mərkəzi Komitəsinin sənaye üzrə katibibayraq
1990 — 1991
Birinci katib Ayaz Mütəllibov
bayraqAzərbaycan SSR Dövlət Sənayedə İşlərin Təhlükəsiz Görülməsinə Nəzarət və Dağ-Mədən Nəzarəti Komitəsinin sədribayraq
5 aprel 1989[1] — 9 aprel 1990
Sələfi Nuriddin Əliyev
Xələfi Kamran Bağırov
bayraqAzərbaycan Kommunist Partiyası Bakı Şəhər Komitəsinin birinci katibibayraq
1983 — 1988
Sələfi Vaqif Hüseynov
Xələfi Müslüm Məmmədov
bayraqAzərbaycan Kommunist Partiyası Mərkəzi Komitəsinin tikinti işləri üzrə katibibayraq
1981 — 1983
Birinci katib Kamran Bağırov
bayraqAzərbaycan SSR Dövlət Plan Komitəsi sədrinin tikinti kompleksinin işinə cavabdeh olan birinci müavinibayraq
1977 — 1981
Sədrlər Abdulla Qədirov (1977-1979)
Sabit Abbasəliyev (1979-1982)
bayraqAzərbaycan SSR kənd təsərrüfatı nazirinin birinci müavinibayraq
1975 — 1977
Nazirlər Məmməd Xəlilov
Məmməd Əsgərov
Şəxsi məlumatlar
Doğum tarixi 11 yanvar 1938(1938-01-11)
Doğum yeri
Vəfat tarixi 16 iyun 2017(2017-06-16) (79 yaşında)
Vəfat yeri
Vəfat səbəbi böyrək çatışmazlığı[d]
Partiya

Təltifləri "Qırmızı əmək bayrağı" ordeni "Qırmızı əmək bayrağı" ordeni

HəyatıRedaktə

1938-ci il yanvarın 11-də Bakı şəhərində anadan olub. Atası — Musayev Ənvər Yusif oğlu əslən Şuşa şəhərindən, anası — Əliyeva Elmira Cahangir qızı Gəncə şəhərindəndir.

1957-ci ildə Bakı şəhəri 6 saylı ümumtəhsil orta məktəbini, 1963-cü ildə isə Azərbaycan Politexnik İnstitutunun inşaat fakültəsini inşaatçı-mühəndis ixtisası üzrə bitirib. Sonrakı illərdə Moskvada İctimai Elmlər Akademiyasını və SSRİ Xalq Təsərrüfatı Akademiyasını bitirib.

Fuad Musayev 1973-cü ilə qədər Bakıda 1 saylı Ev Tikintisi Kombinatının (ETK) sıravi ustasından direktor müavininə qədər tikinti sahələrində çalışmış, Bakı şəhərində 8-ci Kilometr, Əhmədli, Bakıxanov, Günəşli, Xırdalan qəsəbələrində və 6, 7, 8 və 9-cu mikrorayonlarında yeni yaşayış massivlərinin salınmasında, eləcə də 1, 2 və 3 saylı ETK-nin yenidən qurulmasında iştirak etmişdir.

İdman kariyerasıRedaktə

Fuad Musayev 1952-ci ildə "Spartak" və "Medik" gənclərdən ibarət futbol və voleybol komandalarının üzvü, 1955-ci ildən Azərbaycan gənclərdən ibarət futbol və voleybol yığmalarının üzvü, Zaqafqaziya respublikalarının gənclərdən ibarət komandaları və Rusiya çempionu arasında ənənəvi voleybol turnirinin qalibi, "Spartak" Cəmiyyəti Mərkəzi Şurasının böyüklər komandaları arasında Ümumittifaq yarışlarının iştirakçısı olmuşdur.

O, 1956-cı ildə gənclər komandaları arasında voleybol üzrə Azərbaycan çempionu; gənclər komandaları arasında voleybol üzrə SSRİ çempionu, gənclər komandaları arasında beynəlxalq turnirin qalibi olmuşdur.

Fuad Musayev 1957–1962-ci illərdə Politexnik İnstitutunun və "Burevestnik" komandalarının tərkibində futbol və voleybol üzrə Azərbaycan çempionatlarının qalibi və mükafatçısı, universitetlər arasında futbol üzrə SSRİ çempionatının iştirakçısı, 1962–1965-ci illərdə futbol üzrə Bakı və Azərbaycan çempionatlarının qalibi, Dinamo Bakı komandasının tərkibində "B" dərəcəli ustalar arasında SSRİ çempionatının iştirakçısı, Dinamo Bakı komandasının rəisi olmuşdur.

Fuad Musayev 1962-ci ildən "Neftçi" ustalardan ibarət ehtiyat komandasının oyunçusu olmuşdur.

Fuad Musayev 1969-cu ildə Çerkassıda keçirilən Voleybol üzrə "Mehsul" Cəmiyyəti Mərkəzi Şurasının SSRİ çempionatının bürünc mükafatçısı, 1971-ci ildə isə Viljandidə keçiriləN Voleybol üzrə "Məhsul" Cəmiyyəti Mərkəzi Şurasının spartakiadasının final yarışlarının iştirakçısı olmuşdur.

İctimai-siyasi fəaliyyətiRedaktə

Sovet dövrüRedaktə

Fuad Musayev 1973-cü ildə Azərbaycan Kommunist Partiyası Mərkəzi Komitəsinin aparatında işə qəbul olunmuşdur.

O, 1975–1977-ci illərdə Azərbaycan SSR kənd təsərrüfatı nazirinin birinci müavini, 1977–1981-ci illərdə Azərbaycan SSR Dövlət Plan Komitəsi sədrinin tikinti kompleksinin işinə cavabdeh olan birinci müavini,[2] 1981–1983-cü illərdə Azərbaycan Kommunist Partiyası Mərkəzi Komitəsinin tikinti işləri üzrə katibi vəzifəsini daşımışdır.

Fuad Musayev 1983–1988-ci illərdə Azərbaycan Kommunist Partiyası Bakı Şəhər Komitəsinin birinci katibi, SSRİ Ali Sovetinin deputatı olmuşdur.

Fuaf Musayev 1989–1990-cı illərdə Sənayedə İşlərin Təhlükəsiz Görülməsi və Dağ-Mədən Nəzarəti üzrə Dövlət Komitəsinin sədri, 1990–1991-ci illərdə isə Azərbaycan Kommunist Partiyası Mərkəzi Komitəsinin sənaye üzrə katibi olmuşdur.

O, IX, X, XI və XII çağırış Azərbaycan SSR Ali Sovetinin deputatı olmuşdur.

Müstəqillik dövrüRedaktə

Fuad Musayev 1992–2003-cü illərdə Azərbaycan Futbol Federasiyaları Assosiasiyasının birinci prezidenti olmuşdur. O, həmçinin, İngiltərə, Hollandiya və Belçikada Avropa Çempionatlarının təşkili və keçirilməsi üzrə UEFA Komitəsinin və UEFA-nın Şərqi Avropa Ölkələrinə Yardım Komitəsinin üzvü də olmuşdur.

MükafatlarıRedaktə

İki Qırmızı Əmək Bayrağı ordeni ilə təltif edilmişdir (1980, 1986).

İstinadlarRedaktə

  1. Ф. Ә. Мусајев јолдашын Азәрбајҹан ССР Дөвләт Сәнаједә Ишләрин Тәһлүкәсиз Ҝөрүлмәсинә Нәзарәт вә Дағ-Мә'дән Нәзарәти Комитәсинин сәдри тә'јин едилмәси һаггында Азәрбайҹан ССР Али Совети Рәјасәт Һеј'әтинин Фәрманы // Коммунист. № 81 (20849). 6 апрел 1989-ҹу ил. С. 1.
  2. "Arxivlənmiş surət". 2017-08-23 tarixində orijinalından arxivləşdirilib. İstifadə tarixi: 2017-09-18.