Georgi Şaroyev
Georgi (Qriqori) Georgiyeviç Şaroyev (rus. Георгий Георгиевич Шароев; 13 iyun 1890, Moskva – 23 may 1969, Bakı) — Azərbaycan-sovet pianoçusu və pedaqoqu, professor (1930), Azərbaycan SSR əməkdar incəsənət xadimi (1936). O, Azərbaycan musiqi incəsənətində fortepiano ifaçılığı sənətinin banisi hesab edilir.
| Georgi Şaroyev | |
|---|---|
| rus. Георгий Георгиевич Шароев | |
 | |
| Ümumi məlumatlar | |
| Digər adı | Qriqori Şaroyev |
| Doğum tarixi | |
| Doğum yeri | Moskva, Moskva quberniyası, Rusiya imperiyası |
| Vəfat tarixi | (78 yaşında) |
| Vəfat yeri | Bakı, Azərbaycan SSR, SSRİ |
| Dəfn yeri | |
| Vətəndaşlığı |
 Rusiya imperiyası→ AXC→ SSRİ |
| Uşaqları | |
| Musiqiçi məlumatları | |
| Fəaliyyəti | pianoçu, musiqi pedaqoqu |
| Musiqi aləti | piano |
| Təhsili |
|
| Mükafatları |
  |
Həyatı
redaktəGeorgi Şaroyev 13 iyun 1890-cı ildə Moskva şəhərində anadan olmuşdur. Pianoda ifa etməyi səkkiz yaşında öyrənməyə başlamış, tanınmış müğənni Kamillo Everardidən[rus.] müğənnilik dərsləri almış anası Dariya Qriqoryevna Şaroyeva ilə birlikdə mahnıları ifa etmişdir. 1900-cü ildə Moskva Konservatoriyasına qəbul edilmiş, burada Henrix Paxulski[rus.], Vasili Safonov[rus.], Konstantin İqumnov[rus.] kimi pedaqoqlardan dərslər almışdır. Daha sonra anası ilə Peterburqa köçmüş və buradakı Peterburq Konservatoriyasında ilk öncə professor Mariya Benuanın, sonralar isə Anna Yesipovanın[rus.] şagirdi olmuş və buranı 1915-ci ildə bitirmişdir.[1]
Georgi Şaroyev 1919-cu ildə Bakı Musiqi Texnikumunun direktoru Leonid Nikolayevin[rus.] dəvəti ilə Bakıya gəlmiş, 1920-ci ildən Xalq Konservatoriyasına, 1921-ci ildən isə Azərbaycan Dövlət Konservatoriyasına çevrilən bu musiqi məktəbində yarım əsrə yaxın müəllim olmuşdur.[1] O, 1930-cu ildə professor adını almış, 1934–1952-ci illərdə kafedra müdiri olmuş, 1948–1950-ci illərdə burada prorektor işləmişdir. 1941-ci ildən Sov.İKP üzvü olmuşdur.[2] 1934–1935-ci illərdə Bakı Zabitlər Evinin nəzdində fəaliyyət göstərən musiqi dərnəklərinin bazasında uşaq musiqi məktəbinin təsisçisi və uzun müddət direktoru olmuşdur.[3]
Azərbaycan pianoçularından Kövkəb Səfərəliyeva, Elmira Nəzirova, Qara Qarayev, Vaqif Mustafazadə, Çingiz Sadıqov, Fəridə Quliyeva və başqaları Georgi Şaroyevin tələbələri olmuşlar.[3] Georgi Şaroyev Üzeyir Hacıbəyovun ən yaxın əməkdaşlarından olmuş, onun haqda dəfələrlə mətbuatda xatirələrlə çıxış etmişdir.[4][5]
Georgi Şaroyev 23 may 1969-cu ildə vəfat etmişdir.[1] Ölümündən sonra, 1969-cu ildə Bakı Dairəsi Hərbi Sovetinin qərarı ilə təsis etdiyi orta ixtisas musiqi məktəbinə adı verilmişdir.[6]
SSRİ xalq artisti, rejissor İoakim Şaroyevin[rus.] (1930–2000), Rusiya Federasiyasının və Ukrayna SSR-in əməkdar incəsənət xadimi, dirijor və skripkaçı Anton Şaroyevin[rus.] (1929–2021) atasıdır.
Təltif və mükafatları
redaktə- "Azərbaycan SSR əməkdar incəsənət xadimi" fəxri adı — 1 fevral 1936
- "Qırmızı əmək bayrağı" ordeni — 9 iyun 1959
İstinadlar
redaktə- ↑ 1 2 3 К. Сафар-Алиева. Георгий Георгиевич Шароев // Видные деятели фортепианной культуры Азербайджана. (Составитель Т. А. Сеидов) (rus). Баку: Ишыг. 1988. С. 14–31. ISBN 5-89650-001-7.
- ↑ ШАРО́ЕВ Георгий Георгиевич // Музыкальный энциклопедический словарь / гл. ред.: Г. В. Келдыш. М.: Советская энциклопедия. 1990. С. 632. ISBN 5-85270-033-9. 150 000 экз.
- ↑ 1 2 "Şaroyev Georgi Georgiyeviç". musicacademy.edu.az. Bakı Musiqi Akademiyası. 23 sentyabr 2021 tarixində arxivləşdirilib. İstifadə tarixi: 23 sentyabr 2021.
- ↑ Шаројев Ҝеорҝи Ҝеорҝијевич // Үзејир Һаҹыбәјов енсиклопедијасы. Бакы: «Азәрбајҹан» нәшријјаты. Елми-редаксија шурасынын сәдри: Н. С. Ибраһимов. 1996. сәһ. 220.
- ↑ ŞAROYEV Georgi Georgiyeviç // Üzeyir Hacıbəyov ensiklopediyası. Bakı: Şərq-Qərb. 2007. səh. 196. ISBN 978-9952-34-075-4.
- ↑ "Bakı şəhəri Georgi Şaroyev adına 35 nömrəli Onbirillik Musiqi Məktəbi". music.mctgov.az. Bakı Musiqi Akademiyası. 23 sentyabr 2021 tarixində arxivləşdirilib. İstifadə tarixi: 23 sentyabr 2021.