GoDaddy

GoDaddy — ABŞ-də yaradılmış, səhimləri açıq şəkildə satılan domen qeydiyyat və hostinq şirkətidir. Şirkətin baş ofisi Arizona ştatındakı Tempe şəhərində yerləşir.

GoDaddy
2020-ci ildən sonra istifadə olunan loqo
Ümumi məlumatlar
Tipi	İctimai şirkət
Sənaye	Veb Hostinq, Domen qeydiyyatı, SSL Sertifikatları və veb sayt qurucu
Təsis tarixi	1997 (Jomax Technologies olaraq)
Baş qərargahın yeri	Tempe, ABŞ
İqtisadi göstəriciləri
Ümumi gəliri	3.32 milyard $ (ABŞ dolları) - 2020
Xalis mənfəəti	154 milyon $ (ABŞ dolları) - 2017
Struktur
İşçi sayı	7000 (2020-ci ildə)
godaddy.com
Vikianbarda əlaqəli mediafayllar

2021-ci ilin dekabır ayının 21 də götürülən statistikaya görə, şirkətin dünya üzərində 20 milyon müştərisi və 9000 işçisi var.

Tarixi

GoDaddy şirkəti 1997-ci ildə Amerikan iş adamı Bob Parsons tərəfindən Finiks şəhərində yaradılıb.

İnfrastrukturu

2013-cü ildən olan statistikaya görə GoDaddy şirkəti ICANN tərəfindən tanınmış ən böyük domen qeydiyyatı aparan şirkət olaraq göstərilib. Şirkətin Finiks şəhərində 25.000 m² sahəli ərazisi var.

Şirkətin Adı

GoDaddy şirkətinin 2020-ci ilə qədər olan loqosu

1999-cu ildə Jomax Technologies şirkətinin mühəndisləri etdikləri beyin fırtınalarının birində şirkətin adını dəyişməyi qərarlaşdırıblar. İşçilərdən biri təklif edib ki, bəlkə şirkətin adını Big Daddy edək? Təəsüflər olsun ki, həmin domen adı başqası tərəfindən alınmışdı. Bunu görən Bob Parson domeni boş olan GoDaddy adını təklif edib. Parson şirkətin adını GoDaddy qoymaq səbəbinin bu adın insanları güldürməsi və tez yadda qalması olduğunu deyib.

GoDaddy-in orijinal loqosu çizgi film tərzində çəkilmiş, saçları dağınıq və gün eynəyi taxmış kişi fiqurudur. 2020-ci ildə şirkət loqosunu dəyişərək daha sadə, sans-sherif fontuyla yazılmış GoDaddy sözünü seçib. Yeni loqonun solunda yerləşən simvol isə GO sözünün ürək şəklində dizayn edilmiş formasıdır.