Həbibulla Əmirxanov

Həbibulla İbrahim oğlu Əmirxanov (d. 1907- ö.1986)- Azərbaycan alimi, fizika-riyaziyyat elmlər doktoru.

HəyatıRedaktə

Həbibulla İbrahim oğlu Əmirxanov 1907-ci il aprel ayının 28-də Dağıstanın Qunib rayonunun Qaradağ kəndində doğulmuşdur. 1925-ci ildə Bakıya köşmüş və Bakı Dövlət Universitetinin fizika-riyaziyyat fakultəsinə daxil olmuşdur. Universiteti bitirdikdən sonra Azərbaycan Sənaye İnstitutunun Fizika kafedrası ilə yanaşı, SSRİ Elmlər Akademiyasının Zaqafqaziya filialının Azərbaycan bölməsinin Fizika sektorunda çalışmışdır.

Elmi fəaliyyətiRedaktə

Azərbaycan Elmlər Akademiyasının təşkilinin fəal iştirakçılarından olan Həbibulla Əmirxanov, 1939-cu ildən 1944-cü ilə qədər Azərbaycan Elmlər Akademiyasının Fizika bölməsinin ilk rəhbəri, 1944-1947-ci illərdə Fizika İnstitutunun, 1947-1950-ci illərdə Fizika və Riyaziyyat İnstitutunun ilk direktoru olmuşdur. 1949-cu ildən Azərbaycan SSR Elmlər Akademiyasının akademiki olan H.Əmirxanovun neft fizikası, yarımkeçiricilər, geofizika və fiziki termodinamika sahəsində tədqiqatları, istilik tutumunu və istilikkeçirməni ölçmək üçün yüksək dəqiqliyi ilə fərqlənən cihazları elmi dairələrdə yüksək qiymətləndirilmişdir. 1950-ci ildən SSRİ Elmlər Akademiyasının Dağıstan filialının sədri işləmişdir. Ümumittifaq "Bilik" cəmiyyətinin Dağıstan MSSR bölməsinin sədri, RSFSR Ali Sovetinin 8-10-cu çağırış üzrə deputatı seçilmişdir. H.Əmirxanov 1942-ci ildə fizika-riyaziyyat elmlər doktoru, 1970-ci ildə SSRİ Elmlər Akademiyasının üzvü olmuşdur. 400-dən artıq elmi əsərin, 13 monoqra­fiyanın müəllifidir.[1]

TəltifləriRedaktə

  • RSFSR Akademik
  • Azərbaycan SSR və Dağıstan MSSR-in "Əməkdar elm xadimi" fəxri adları
  • "Lenin" ordeni
  • "Oktyabr İnqilabı" ordeni
  • "Qırmızı Əmək Bayrağı" orden

İstinadlarRedaktə

Xarici keçidlərRedaktə