Həsən Kərimov (siyasətçi)
Həsən Hüseyn oğlu Kərimov (28 may 1954, Köçəsgər, Ağstafa rayonu – 20 noyabr 2015, Bakı) — Azərbaycan Xalq Cəbhəsi Partiyası Ali Məclisinin sabiq sədri, Səbail Rayon İcra Hakimiyyətinin sabiq başçısı.
| Həsən Kərimov | |
|---|---|
| 2009 – 20 noyabr 2015 | |
| Əvvəlki | Qulamhüseyn Əlibəyli |
| Sonrakı | Nurəddin Məmmədli[1] |
| 10 avqust 1992 – 12 iyul 1993 | |
| Əvvəlki | Tofiq Əliyev |
| Sonrakı | Rüstəm Məmmədov |
| Şəxsi məlumatlar | |
| Doğum tarixi | 28 may 1954 |
| Doğum yeri | |
| Vəfat tarixi | 20 noyabr 2015 (61 yaşında) |
| Vəfat yeri | |
| Dəfn yeri | |
| Partiya | |
| Fəaliyyəti | siyasətçi |
 Vikianbarda əlaqəli mediafayllar | |
Həyatı
redaktəHəsən Kərimov 28 may 1954-cü ildə Qazax rayonunun Köçəsgər kəndində anadan olmuşdur.[2]
Onun oğlu İftixar Kərimov 2009-cu ildə vəfat etmiş, ardınca digər oğlu Rəşad Kərimov itkin düşmüşdür. Daha sonra Rəşad Kərimovun öldüyü və naməlum şəxs olaraq dəfn olunduğu məlum olmuşdur.[3]
Həsən Kərimov 2011-ci ildə Mərkəzi Klinik Xəstəxanada ürəyi ilə bağlı müalicə almışdır. 23 sentyabr 2013-cü ildə Həsən Kərimovun səhhəti kəskin pisləşmiş və o, kəskin ürək ağrıları səbəbi ilə Elmi-Tədqiqat Kardiologiya İnstitutuna yatırılmışdır. O, 2013-cü ilədək 3 dəfə infarkt keçirmişdir.[4] O, 2015-ci ilədək ürəyi ilə bağlı problemlər yaşamış, 20 noyabr 2015-ci ildə ürək xəstəliyi səbəbindən ölmüşdür.[5] Onun cənazəsi Yeni Günəşli qəsəbəsində dəfn edilmişdir.[6]
Siyasi fəaliyyəti
redaktəHəsən Kərimov 10 avqust 1992-ci ildə Azərbaycan Prezidenti Əbülfəz Elçibəyin 119 nömrəli fərmanı ilə Səbail Rayon İcra Hakimiyyətinin başçısı təyin edilmişdir.[7] O, 12 iyul 1993-cü ildə Azərbaycan Respublikası Prezidentinin səlahiyyətini həyata keçirən Azərbaycan Respublikası Ali Sovetinin sədri Heydər Əliyevin 679 nömrəli fərmanı ilə vəzifəsindən azad edilmişdir.[8]
Həsən Kərimov Azərbaycan Xalq Cəbhəsi və Azərbaycan Xalq Cəbhəsi Partiyası üzvü olmuşdur. O, Azərbaycan Xalq Cəbhəsi Partiyasının təşkilat şöbəsinin müdiri, sədr müavini kimi postlarını tutmuş, 2009-cu ildə isə partiya Ali Məclisinin sədri seçilmişdir.[9] O ölənədək bu vəzifəni icra etmişdir.
Seçkilərdə
redaktəHəsən Kərimov 2005-ci parlament seçkilərində Azadlıq Blokunun 29 saylı Səbail seçki dairəsi üzrə deputatlığa vahid namizədi olmuşdur. O seçkilərdə bitərəf namizəd Fuad Muradova məğlub olmuşdur.[10]
Həsən Kərimov 2010-cu il parlament seçkilərində "AXCP-Müsavat" Seçki Blokunun 29 saylı Səbail seçki dairəsi üzrə deputatlığa vahid namizədi olmuşdur.[11] O, seçkilərdə 1779 səs (9,17%) toplayaraq bitərəf namizəd Fuad Muradovun ardınca seçkiləri ikinci sırada tamamlamışdır.[12]
İstinadlar
redaktə- ↑ "Arxivlənmiş surət". 2022-05-05 tarixində arxivləşdirilib. İstifadə tarixi: 2022-05-05.
- ↑ "Həsən Kərimov vəfat edib". 2022-05-05 tarixində arxivləşdirilib. İstifadə tarixi: 2022-05-05.
- ↑ "AXCP Ali Məclisinin sədri Həsən Kərimov vəfat edib". 2022-05-05 tarixində arxivləşdirilib. İstifadə tarixi: 2022-05-05.
- ↑ "AXCP Ali Məclisinin sədri Həsən Kərimov xəstəxanaya yerləşdirildi". 2022-05-05 tarixində arxivləşdirilib. İstifadə tarixi: 2022-05-05.
- ↑ "Həsən Kərimov vəfat etdi". 2015-11-21 tarixində arxivləşdirilib. İstifadə tarixi: 2022-05-05.
- ↑ "Həsən Kərimov dəfn edildi - Foto". 2022-05-05 tarixində arxivləşdirilib. İstifadə tarixi: 2022-05-05.
- ↑ "H. H. Kərimovun Bakı şəhəri Səbail rayonu İcra hakimiyyətinin başçısı təyin edilməsi və T. F. Əliyevin həmin vəzifədən azad edilməsi haqqında". 2022-05-05 tarixində arxivləşdirilib. İstifadə tarixi: 2022-05-05.
- ↑ "H. H. Kərimovun Bakı şəhəri Səbail rayonu İcra hakimiyyətinin başçısı vəzifəsindən azad edilməsi haqqında". 2022-05-05 tarixində arxivləşdirilib. İstifadə tarixi: 2022-05-05.
- ↑ "AXCP Ali Məclisinin sədri vəfat edib". 2015-12-29 tarixində arxivləşdirilib. İstifadə tarixi: 2022-05-05.
- ↑ "2005-ci il parlament seçkilərinin nəticələri". 2007-03-19 tarixində arxivləşdirilib. İstifadə tarixi: 2022-05-05.
- ↑ "29 SƏBAIL SEÇKI DAIRƏSİ ÜZRƏ QEYDƏ ALINANLARIN SİYAHISI". 2021-11-07 tarixində arxivləşdirilib. İstifadə tarixi: 2022-05-05.
- ↑ "29 SƏBAIL SEÇKI DAIRƏSİ". 2021-11-07 tarixində arxivləşdirilib. İstifadə tarixi: 2022-05-05.
Xarici keçidlər
redaktə- "Həsən Kərimovun dəfnindən fotolar". 2022-05-05 tarixində arxivləşdirilib. İstifadə tarixi: 2022-05-05.