Həsən bəy Hadi

Həsən bəy Rzaqulu bəy oğlu Əlibəyov (1835, Şuşa – 1900, Qaryagin, Cəbrayıl qəzası) — şair.

Həsən bəy Hadi
Həsən bəy Rzaqulu bəy oğlu Əlibəyov
Təxəllüsü	Хади
Doğum tarixi	1835
Doğum yeri	Şuşa, Şuşa qəzası
Vəfat tarixi	1900
Vəfat yeri	Qaryagin, Cəbrayıl qəzası, Yelizavetpol quberniyası, Rusiya imperiyası
Dəfn yeri	Bərdə
Fəaliyyəti	şair
Həsən bəy Hadi Vikimənbədə

Həyatı

Həsən bəy Rzaqulu bəy oğlu 1835-ci ildə Şuşa şəhərində dünyaya gəlmişdi. İbtidai təhsilini Mirzə Kərim bəy Hacı Mirzə Məhəmməd bəy oğlundan almışdı. Ticarətlə məşğul idi. Əsasən Qaryagin (indiki Füzuli) şəhərindəki bazarda dükan işlədirdi. 1900-cü ildə Qaryagin (indiki Füzuli) şəhərində vəfat etdi. Bərdə şəhərində İmamzadə gorgahında dəfn edildi.

Həsən bəy şair idi. Hadi təxəllüsü ilə şeir yazırdı. Təzkirəçi Mir Möhsün Nəvvab öz ünlü əsəri "Təzkireyi-Nəvvab"da deyirdi: "Ağa Həsən bəy Rzaqulu bəy oğlu Qarabağın Şuşa əhalisindən, Hacıyusifli məhəlləsındəndir. Şuşada da anadan olub. Özünün dediyinə görə indi 65 yaşi var. Düz əxlaqlı, qarasifət, qaragöz bir kişi idi. Təxəllüsü Hadi, alverlə məşğuldu, həcvlər, satiralar, qəzəllər və pərakəndə şerləri var". Həsən bəy Hadi "Əkinçi" qəzetinin redaktoru Həsən bəy Zərdabi ilə çəkişirdi. Qəzetin aşura sataşmalarına həcvlərlə cavab verirdi. Seyid Əzim Şirvani onu Həsən bəy Zərdabiyə görə tənqid etmişdi.

Yaradıcılığı

Qəzəllər

• Könül nə zülfünə bel bağlayaydı, xürrəm olaydı

• Şəbi-zülmati-zülfündə fəğanü ahü zarım var

Həcvləri

• Ey edən fisqini aləmdə nümayan Həsən!

• Ey bizi həcv qılan şairi-dövran Əzim

Mənbə

• Ənvər Çingizoğlu. Hacılılar. Bakı: "Soy" dərgisinin özəl nəşri, 2004, 238 səh.