Hafiz Əmirxanov
Hafiz (Afis) Yusif oğlu Əmirxanov (5 noyabr 1940, Bakı) — Azərbaycan memarı, Azərbaycan Respublikasının əməkdar memarı (1991), Azərbaycan SSR Dövlət mükafatı laureatı (1982), Azərbaycan Memarlar İttifaqının birinci vitse-prezidenti (1989–2007).
| Hafiz Əmirxanov | |
|---|---|
| Şəxsi məlumatlar | |
| Doğum tarixi | 5 noyabr 1940 (83 yaş) |
| Doğum yeri | |
| Təhsili |
|
| İşləri və nailiyyətləri | |
| Əsas tikililəri | |
| Mükafatları |
   |
Həyatı
redaktəHafiz Yusif oğlu Əmirxanov 5 noyabr 1940-cı ildə Bakı şəhərində anadan olmuşdur. Orta məktəbi bitirdikdən sonra 1960–1963-cü illərdə Sovet Ordusunda sıralarında hərbi xidmət keçmiş, qayıtdıqdan sonra, 1964-cü ildə Azərbaycan Politexnik İnstitutunun İnşaat fakültəsinin memarlıq şöbəsinə daxil olmuşdur. 1969-cu ildə institutu bitirdikdən sonra memarlıq fəaliyyətinə başlamışdır.[1]
Hafiz Əmirxanov 1969-cu ildən yaradıcı memar kimi çalışmışdır. 1972–1987-ci illərdə Bakı Dövlət Layihə İnstitutunda baş memar vəzifəsindən şöbə rəisi vəzifəsinə kimi yüksəlmişdir. Həmin illərdə bir neçə layihə ilə bərabər "Gülüstan" sarayının da layihəsini işləmiş və inşasında bilavasitə iştirak etmişdir. Hafiz Əmirxanov 1987-ci ildə Azərbaycan SSR Dövlət Tikinti İşləri Komitəsinin sərəncamı ilə Sumqayıt şəhərində yeni təşkil olunmuş "Azərdövlətlayihə" institutunun filialına direktor təyin edilmiş, 1988-ci ildə isə Bakıya qayıtmışdır.[1]
Hafiz Əmirxanov 1989-cu ildən 2007-ci ilədək Azərbaycan Memarlar İttifaqının birinci vitse-prezidenti vəzifəsində çalışmışdır. Bununla yanaşı, yaradıcılıq və pedaqoji fəaliyyətini davam etdirmiş, dosent elmi adını almışdır.[1]
Təltiflər və mükafatları
redaktə- "Azərbaycan Respublikasının əməkdar memarı" fəxri adı — 20 dekabr 1991[2]
- Azərbaycan SSR Dövlət mükafatı — 1982 ("Gülüstan" sarayının layihəsinə görə)
- "Şöhrət" ordeni — 19 aprel 2000[3]
- Azərbaycan Respublikası Prezidentinin fərdi təqaüdü — 25 noyabr 2016[4]
İstinadlar
redaktə- ↑ 1 2 3 Bəhram İbrahimov; Zərbalı Mirzə. Azərbaycan Tikinti Kompleksinin Ensiklopediyası (ATKE). IX cild. Bakı: Şərq-Qərb. 2020. səh. 22.
- ↑ Азәрбајҹан архитекторларынын бир групуна "Азәрбајҹан Республикасынын әмәкдар архитектору" фәхри адынын верилмәси һаггында Азәрбајҹан Республикасынын Президентинин Фәрманы // Азәрбајҹан Республикасы Али Советинин мәлуматы. № 24. Бакы. 1991. С. 56.
- ↑ Azərbaycan memarlarının "Şöhrət" ordeni ilə təltif edilməsi haqqında Azərbaycan Respublikası Prezidentinin Fərmanı // Azərbaycan Respublikasının Qanunvericilik Toplusu. № 4. Bakı. 2000. S. 2051–2052.
- ↑ Azərbaycan memarlarına Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı // Azərbaycan. № 262. Bakı. 26 noyabr 2016. S. 2.