Vikipediya

Halis Bayancuq

Halis Bayancuk (türk. Halis Bayancuk) və ya Əbu Hanzala (1984, Diyarbəkir) — İŞİD ilə əlaqədə olduğu iddiası ilə həbsdə olan zazaəsilli imam.

Halis Bayancuq
Doğum tarixi 1984
Doğum yeri

Həyatı

redaktə

Bayancuq Türkiyənin Diyarbəkir şəhərində Bingöldən gələn zaza ailəsində anadan olmuşdur.[1] Onun atası Hacı Bayancuq, digər adı ilə "Hafiz" "Kürd Hizbullahı"nın[2] siyasi qanadının lideri olmuş və hazırda ömürlük həbs cəzasındadır.[3] 1998-ci ilə qədər Halis gəncliyini Diyarbəkirdə keçirmişdir.[1]

Atasının 2005-ci ildə həbsindən sonra 3 il Misirdə yaşamış, Almaniyada "Kürd Hizbullahı"na bağlı olan diaspor kürdlərinin dəstəyi ilə burada təhsil almış və 2008-ci ildə Türkiyəyə qayıtmışdır.[2] Halis daha sonra 2008-ci ildə İstanbulda törədilən partlayışlarda əli olduğu iddiası ilə həbs edilmiş və 15 may 2009-cu ildə dəlil olmadığı üçün sərbəst buraxılmışdı.

O, 2011-ci ildə "Əl-Qaidə" ilə əlaqəyə görə yenidən həbs edilmişdir.[4] Bayancuq bomba planlaşdırmaqda şübhəli bilinən əlli nəfər ilə birlikdə həbs edilmişdi. O, 24 yanvar 2013-cü ildə prokurorlar sübut çatışmazlığı səbəbindən yenidən onu mühakimə edə bilmədikdən sonra sərbəst buraxılmışdır.[2]

Bayancuq 14 yanvar 2014-cü ildə Van vilayətində üçüncü dəfə həbs olunmuş və polis onu mühakimə etmək üçün əllərində kifayət qədər dəlil olduğuna inanırdı, lakin Türkiyədə 2013-cü ildə baş vermiş korrupsiya qalmaqalına görə onun işi ilə məşğul olan polis məmurları və prokurorlar işdən azad edilmiş və o, 9 noyabr 2014-cü ildə azadlığa buraxılmışdı.[2]

Bayancuq 18 iyul 2015-ci ildə mindən çox İslam Dövləti tərəfdarı olan camaat qarşısında çıxış etmişdi.[2] 24 iyul 2015-ci ildə polis tərəfindən həbs olunmuşdur. Onun Türkiyədə İslam Dövlətinin lideri və Türkiyədə çoxsaylı partlayışlarda əli olduğu bildirilir.[5][6] O və digər şübhəlilər 24 mart 2016-cı il tarixində mühakimə olunana qədər sərbəst buraxılmışdılar.[7]

8 mart 2017-ci ildə yenidən həbs olunmuş və Ankara valisini təhdid etməkdə ittiham edilmişdir.[8] 2017-ci ilin noyabr ayından etibarən Ankarada İŞİD tərəfdarı olan mədrəsədə dərs verməkdə ittiham edilərək həbsdədir.[9] Sakarya məhkəməsi 28 iyun 2018-ci ildə onu 12 il 6 ay müddətinə azadlıqdan məhrum etmişdi,[10] lakin 2019-cu ilin avqustunda İstanbul məhkəməsi hökmü ləğv etmiş və işi yenidən baxılması üçün Sakaryaya göndərmişdi.[10] Sakarya məhkəməsi mübahisəli qərarla Bayancuqun 9 aprel 2020-ci ildə azadlığa buraxılmasına qərar vermişdir. O, eyni gün Türkiyə cəmiyyətində onun işini digər siyasətçi və akademiklərdən biri ilə müqayisə edən səs-küydən sonra yenidən həbs edilmişdir.[10]

2020-ci ilin sentyabrında Bayancuq 12 il 6 ay müddətinə azadlıqdan məhrum edilmişdir.[11] Vəkili onu müdafiə edərək qeyd etmişdir ki, Bayancuqun demokratiyanın kafirlər üçün olduğunu və cəmiyyətin Quran prinsipləri ilə idarə olunmasını istədiyi zaman sadəcə Quranın verdiyi siyasi çərçivəyə riayət etdiyini və İŞİD doktrinasına tabe olmayacağını müdafiə etmişdir.[11]

Halis müxtəlif videolarda İŞİD ilə hər hansı əlaqəni rədd etmiş və terror təşkilatlarının üsullarını pisləmişdir.[12][13]

İstinadlar

redaktə
  1. ↑ 1 2 "Halis Bayancuk Kimdir ? - Halis Bayancuk Hayatı ve Biyografisi". www.haberler.com. 18 April 2020 tarixində orijinalından arxivləşdirilib. İstifadə tarixi: 2020-11-19.
  2. ↑ 1 2 3 4 5 "Portrait of Turkey's ISIS Leader Halis Bayancuk: Alias Abu Hanzala". ICSVE. İstifadə tarixi: 2017-12-15.
  3. ↑ "41 arrested in al-Qaida bust in Turkey". Trend.Az (ingilis). 2011-04-12. İstifadə tarixi: 2020-11-19.
  4. ↑ STEIN, AARON. "Islamic State Networks in Turkey: Recruitment for the Caliphate". Atlantic Council. 2016.
  5. ↑ SCF. "Halis Bayancuk, alleged head of ISIL in Turkey, detained in İstanbul". Stockholm Center for Freedom (ingilis). 2017-05-31. İstifadə tarixi: 2020-11-19.
  6. ↑ "Turkey Bombs Islamic State in Syria, Vows to Carry on Fight". NDTV.com. İstifadə tarixi: 2020-11-19.
  7. ↑ "Seven ISIL suspects released by Istanbul court - Turkey News". Hürriyet Daily News (ingilis). 2020-11-08 tarixində arxivləşdirilib. İstifadə tarixi: 2020-11-19.
  8. ↑ "Turkey's 'Islamic State Leader' Is Arrested Once Again". voanews.com. İstifadə tarixi: 2017-12-15.
  9. ↑ "ISIL operated 'madrasah' in Turkish capital: Indictment". hurriyetdailynews.com. 2017-12-16 tarixində arxivləşdirilib. İstifadə tarixi: 2017-12-15.
  10. ↑ 1 2 3 English, Duvar. "Turkey's 'ISIS leader' is re-arrested upon appeal by prosecutors". www.duvarenglish.com. 2020-10-04. 2020-12-04 tarixində arxivləşdirilib. İstifadə tarixi: 2020-11-19.
  11. ↑ 1 2 English, Duvar. "Turkey's alleged ISIS leader given over 12 years in jail". www.duvarenglish.com. 2020-09-19. 2020-11-27 tarixində arxivləşdirilib. İstifadə tarixi: 2020-11-19.
  12. ↑ "- YouTube". YouTube. 2023-08-10 tarixində arxivləşdirilib. İstifadə tarixi: 2023-08-08.
  13. ↑ "- YouTube". YouTube. 2023-08-10 tarixində arxivləşdirilib. İstifadə tarixi: 2023-08-08.
Mənbə — "https://az.wikipedia.org/w/index.php?title=Halis_Bayancuq&oldid=7220299"