Vikipediya

Heydər Bulqakov

Heydər Bulqakov (1956, Özbəkistan SSR[1]) — Sovet və Krım tatar mənşəli riyaziyyatçı, fizika-riyaziyyat elmləri doktoru, professor.

Heydər Bulqakov
Doğum tarixi 1956
Doğum yeri
Fəaliyyəti riyaziyyatçı
Elmi dərəcəsi

Bioqrafiya redaktə

1956-cı ildə Krım tatarlarının sürgün edilməsindən sonra Özbəkistanda anadan olmuşdur. 1972-ci il Riyaziyyat Olimpiadasında dərəcə əldə etdikdən sonra fizika və riyaziyyat liseyində bitirib Novosibirsk Dövlət Universitetinə daxil olur. 1978-ci ildə Novosibirsk Universitetinin Riyaziyyat fakültəsini bitirmişdir. 1978-1993-cü illərdə aparıcı tədqiqatçı, əvvəlcə Hesablama Mərkəzində (1978-1980), 1980-ci ildən sonra isə Riyaziyyat İnstitutunda tədqiqatçı vəzifələrini tutur.

Tətbiqi Riyaziyyat kafedrasında əvvəlcə doktorluq (1982), sonra elmlər doktoru (1989) dərəcəsi almışdır. 1976-1993-cü illərdə əvvəlcə tələbəsi, daha sonra həmkar kimi professor Serqey Qodunov ilə birlikdə çalışır. Rusiyada bir kompüter tətbiqi olaraq inkişaf etdirdiyi texnoloji üsullar sənayedə, xüsusilə mühərrik, kimya, avtomobil, aviasiya və hərbi sənayedə tətbiqini tapır. Tədqiqat mərkəzinin koordinatorlarında çalışır. Çoxsaylı milli və beynəlxalq konqreslərdə təşkilatçı və natiq kimi iştirak etmişdir. 1998-ci ilin 9-21 avqust tarixlərində Antalyadakı NATO Elmi Hesablama Yay Məktəbi "Elmi Hesablamada Xəta Nəzarəti və Uyğunlaşma" İnstitutunun direktoru olur[2]. Məktəbinin elmi nəticələrini Kluwer Academic Press və Christoph Senger (Münhen Texniki Universiteti, Almaniya) tərəfindən nəşr olunan "Elmi Hesablamada Xəta Nəzarət və Uyğunlaşma" kitabında tərtib etmişdir. Beynəlxalq elmi jurnallarda çoxsaylı elmi məqalələri dərc edilmişdir. 2000-2003-cü illərdə "Selçuk Jurnalı Tətbiqi Riyaziyyat" beynəlxalq elmi jurnalının icraçı redaktoru vəzifəsində çalışmışdır.

1993-cü ildə alim ailəsi ilə birlikdə Türkiyəyə köçür və Səlcuq Universitetinin Elm və Tətbiqi Riyaziyyat Fakültəsində riyaziyyat professoru olur.

1994-cü ildə Selçuk Universitetində Tətbiqi Riyaziyyat Araşdırma Mərkəzini qurur və 2003-cü ilin sonuna qədər bu mərkəzin direktoru olur[3]. Bu mərkəzdə elmi bir heyət qurur və bu komanda ilə birlikdə kompüter dialoq sistemlərinə əsaslanan yeni tədris prinsipləri təsis edir. Ailəlidir və iki övladı var.

Rus, türk, özbək və ingilis dillərini bilir.

İstinadlar redaktə

  1. ↑ "Haydar BULGAK". 2018-09-27 tarixində arxivləşdirilib. İstifadə tarixi: 2021-04-21.
  2. ↑ "NATO ASI Advanced Study Institute: Home". 2018-09-17 tarixində arxivləşdirilib. İstifadə tarixi: 2021-04-21.
  3. ↑ "Архивированная копия". 2018-09-27 tarixində arxivləşdirilib. İstifadə tarixi: 2020-07-27.

Mənbə redaktə

  1. Selçuk Üniversitesi
  2. [1]
  3. Персоналии_ Булгаков Айдер Якубович
  4. Визитная Карточка Arxivləşdirilib 2020-06-26 at the Wayback Machine
  5. Bulgakov A. Ya Arxivləşdirilib 2020-06-26 at the Wayback Machine
Mənbə — "https://az.wikipedia.org/w/index.php?title=Heydər_Bulqakov&oldid=6622784"