Kakiçi Mitsukuri
Kakiçi Mitsukuri (箕作 佳吉, Mitsukuri Kakiçi?, 15 yanvar 1857, Edo – 16 sentyabr 1909) – Yaponiya zooloqu.
| Kakiçi Mitsukuri | |
|---|---|
| yap. 箕作佳吉 | |
.jpg) | |
| Doğum tarixi | |
| Doğum yeri | |
| Vəfat tarixi | (52 yaşında) |
| Təhsili | |
| Fəaliyyəti | zooloq, dəniz bioloqu |
 Vikianbarda əlaqəli mediafayllar | |
Həyatı
redaktəKakiçi Mitsukuri 1857-ci ildə Yaponiyanın Edo şəhərində doğulmuşdur.[1] O, Tsuyama klanının xidmətçisi olan Şuheyin üçüncü oğlu idi.[2] Keyo və Tokio universitetlərinin sələfləri olan təhsil müəssisələrində oxumuşdur.[1] 1873-cü ildə ABŞ-yə gedərək Yel Universitetinə daxil olmuş və 1879-cu ildə universitetin fəlsəfə doktoru dərəcəsini almışdır.[3] Daha sonra İngiltərənin Kembric Universitetində təhsil almışdır.[2]
Yaponiyaya qayıtdıqdan sonra 1881-ci ildə Tokio Universitetinin zoologiya üzrə ilk yapon professoru olmuşdur.[1][2] 1883-cü ildə Con Hopkins Universitetinin fəlsəfə doktoru dərəcəsini almışdır.[3] 1901–07-ci illərdə universitetin fizika fakültəsinin dekanı vəzifəsini tutmuşdur.[2] O, Yaponiya Elmlər Akademiyasının üzvü olmuş, Dəniz Məhsulları Bürosu və Dəniz Tədqiqatı İnstitutu təşkilatlarını qurmuşdur.[2]
Elmi töhfələri
redaktəMitsukuri taksonomiya və embriologiya sahələrində araşdırmalar aparmış, Yaponiyada bu sahələrin qabaqcılı olmuşdur.[1] O, Kanaqava prefekturasının Misaki şəhərində Tokio Universitetinin Misaki Dəniz Biologiyası Stansiyasının yaradılmasına kömək etmişdir.[1] Biologiya təhsilinin inkişafında da töhfələr vermişdir.[1]
Elmi adı Laphria mitsukurii olan bir milçək növü Mitsukurinin şərəfinə adlandırılmışdır.[3] Elmi töhfələrinə görə "Müqəddəs məbəd" ordeni ilə təltif edilmişdir.[3]
İstinadlar
redaktə- ↑ 1 2 3 4 5 6 Kodansha Encyclopedia of Japan
- ↑ 1 2 3 4 5 The Japan Biographical Encyclopedia & Who's Who
- ↑ 1 2 3 4 "Kakichi Mitsukuri" (PDF). Fly Times (ingiliscə) (60): 38. aprel 2018. 2021-02-09 tarixində arxivləşdirilib (PDF). İstifadə tarixi: 15 oktyabr 2022.
Ədəbiyyat
redaktə- Kodansha Encyclopedia of Japan (ingiliscə). V cild (Libr–Nijo). Tokio: Kodansha. 1983. səh. 213. ISBN 0-87011-625-8. İstifadə tarixi: 15 oktyabr 2022.
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 865. İstifadə tarixi: 15 oktyabr 2022.