Kayli Minouq

Kayli Enn Minouq, AO, OBE (ing. Kylie Ann Minogue [ˈkaɪliː mɨˈnoʊɡ], eyni zamanda mononim kimi Kylie; 28 may 1968^[…], Melburn) — Avstraliyalı pop müğənni, mahnı müəllifi və aktrisadır. Tez-tez dəyişikliyi ilə tanınan və kommersiya baxımından ən uğurlu Avstraliya ifaçısıdır. Mətbuatda onu Avstraliya musiqi səhnəsinin "pop şahzadəsi" və "stil ikonu" adlandırırlar.

Kayli Minouq
ing. Kylie Minogue
Ümumi məlumatlar
Doğum adı	Kylie Ann Minogue
Doğum tarixi	28 may 1968(1968-05-28)[…] (56 yaş)
Doğum yeri	Melburn, Viktoriya, Avstraliya
Musiqiçi məlumatları
Fəaliyyəti	müğənni, müğənni-mahnı yazarı, aktrisa, sahibkar, bəstəkar, film prodüseri
Fəaliyyət illəri	1979-cu ildən
Janrlar	pop musiqisi, dans-pop, elektropop[d], elektronik musiqi, art pop, müasir R&B[d][…]
Səs tembri	soprano
Albom şirkətləri	EMI[d], Parlophone, Capitol Records[d], Warner Music Group[d], Geffen Records[d], BMG, Warner Records
Mükafatları
kylie.com
Vikianbarda əlaqəli mediafayllar

Minouq 1980-ci illərin ortalarında Avstraliyanın "Qonşular" serialında çəkilməklə məşhurluq qazanır. 1980-ci illərin sonlarında PWL studiyası ilə müqavilə imzalayaraq musiqi karyerasına başladı. Prodüserlər ilə əməkdaşlıq illərində müğənni babblqam və dans-pop üslubunda dörd studiya albomu buraxdı. İlk üç albomu və "The Loco-Motion", "Hand on Your Heart", "Better the Devil You Know" və "Step Back in Time" sinqlları Avstraliya və Britaniya hit-paradlarının ilk onluğuna daxil oldu. Deconstruction Records səsyazma studiyasının dəstəyi ilə PWL dən ayrılan Minouq Kylie Minogue albomunu buraxdı. 1997-ci ildə elektron rəqs musiqisi üslubunda Rok elementləri olan Impossible Princess adlı eksperimental albom buraxdı. Onun ikinci diski kommersiya gözləntilərini doğrultmadı və musiqi tənqidçilərindən qarışıq rəylər aldı, lakin sonradan rəyçilər bu albomu müğənninin ən yaxşı və ən xüsusi əsəri adlandırdılar. Meynstrim ümumi rəqs pop musiqisinə qayıdan Minouq Parlophone ilə müqavilə imzaladı. 2000-ci ildə o, Light Years albomunu buraxdı. 2001-ci ildə buraxdığı Fever albomu ilə müğənni əvvəllər az tanındığı ABŞ da daxil olmaqla dünyanın bir çox ölkələrində məşhurluq qazandı. Diskin ilk sinqlı "Can't Get You Out Of My Head" 2000-ci illərdə dünyada beş milyondan çox nüsxə ilə satılmaqla ən çox satılanlardan biri oldu. Mahnı müğənninin vizit kartına çevrildi . Növbəti albomlarda Minouq müxtəlif janrları sınaqdan keçirdi. Sonradan "Slow ", "2 Hearts" və " All Lovers " sinqlları Avstraliya və Britaniyada ilk onluğa daxil oldular.

Kayli Minouq 1989-cu ildə kinoda debüt etdi, 1994-cü ildə isə "Street Fighter " filmində əsas rolu oynadı. Minouq daha sonra Moulin Rouge, "Jack və Diana" və "Sacred Motors Corporation" filmlərində rol aldı. 2014-cü ildə müğənni The Voice UK və The Voice Australia istedad yarışmalarında münsiflər heyətinin üzvü olaraq iştirak etdi.

2005-ci ildə qastrol səyahətində olarkən müğənniyə döş xərçəngi diaqnozu qoyuldu. Sağaldıqdan sonra Minouq bu xəstəliyin qarşısının alınmasını təşviq etmək üçün xeyriyyə aksiyalarında və kampaniyalarda fəal iştirak etdi, bu fəaliyyətlərinə görə tibb üzrə fəxri doktoru adına layiq görüldü.

2008-ci ildə Minouq musiqi sənətində göstərdiyi xidmətlərə görə Şahzadə Çarlz tərəfindən Britaniya İmperiyası Ordenini və Fransa mədəniyyətinə verdiyi töhfələrə görə Fransa Hökumətindən İncəsənət və Ədəbiyyat Ordenini aldı.

Kayli Minouqun mahnıları dünyada 70 milyondan çox nüsxədə satılıb.

Bioqrafiya

1968–1985: Uşaqlığı və erkən karyerası

Kayli 28 may 1968-ci ildə Melburnda Ronald Çarlz Minouq və Kerol Enn Cons ailəsində anadan olub. Atası İrlandiyalı və beşinci nəsil Avstraliyalı, anası isə əslən Uelsdən olub . Kerol Enn balerina peşəsini seçdi, Ronald isə qızının doğulmasından bir qədər əvvəl mühasib kimi təhsil aldı və ixtisası üzrə çalışdı . Gənc ailənin maddi çətinliyi onu tez-tez köçməyə məcbur edirdi ki, bu da Kaylini çox narahat edirdi. İkinci qızları Denninin dünyaya gəlməsindən sonra ailə Cənubi Okliyə köçdü və burada Ronald bir avtomobil şirkətində mühasib, Kerol isə yerli xəstəxanada bufet işçisi olaraq işə düzəldi. Kaylinin məktəb illəri Melburnun ətrafındakı Surrer Hillz şəhərində keçib. Müsahibələrinin birində müğənni təsviri incəsənət, qrafika və ingilis dili fənlərini ən çox sevdiyi məktəb fənləri olduğunu demişdi . Yeniyetmə ikən dostluq etməkdə çətinlik çəkdiyini , "çox təvazökar" olduğunu və "orta səviyyəli zəkaya" malik olduğunu etiraf edib.

Uşaqlıq illərində Kayli və bacısı mahnı və rəqs dərsləri aldılar, həmçinin skripka və fortepiano çalmağı öyrəndilər. İlk dəfə yerli incəsənət festivalında çıxış etdi, burada "Run Rabbit Run" mahnısını fortepianoda ifa etdi və ikinci yeri tutdu.

1979-cu ildə Kaylinin on yaşı olanda anası televiziya serialı üçün hazırlıq keçirildiyini öyrənib və hər iki qızını ora göndərib. Denni rol üçün çox gənc idi və prodüser Alan Hardi şou üçün Kaylini seçir. Serialda Kayli İkinci Dünya müharibəsi zamanı Avstraliya əsgərləri ilə dostluq edən Hollandiyalı yetim qaçqın Karla rolunu oynadı. Bunun üçün holland aksentini təqlid etməli oldu.

1980-ci ildə Kayli "Aviatrassa" serialının bölümlərindən birində rol aldı və 1985-ci ildə "Henderson Uşaqları" televiziya serialında əsas rollardan birini oynadı. Bu serialın çəkilişləri zamanı aktrisa Nadin Qarner o vaxt Minouqun olduqca "həssas" olduğunu və tez-tez çəkiliş meydançasında ağladığını deyirdi: prodüserlər sözləri hər dəfə unutduqda ona qışqırırdılar. Kayli özü şou -biznesdə irəliləmək üçün müstəqilliyə ehtiyac olduğuna inanırdı, buna görə də çəkiliş naminə məktəbdə hətta dərsləri də buraxırdı, bu isə onun anasını narazı salırdı. İkinci mövsümdə Alan Hardi Minouq personajını serialdan çıxarmağa qərar verdi, sonralar bu qərarın "onun xeyrinə olduğunu" söylədi. Kayli kinodakı fasilədən musiqidə özünü tanıtmaq üçün istifadə etdi və kinodan əldə etdiyi qonorarla həftəlik musiqi proqramı Young Talent Time üçün demo yazdı. Kayli həmçinin 1986-cı ildə bu proqramda iştirak etdi və Denni ilə birlikdə mahnı ifa edir, ancaq bir müddət əsas heyətə daxil ola bilmir və kiçik bacısının kölgəsində qalır.

1986–1989: "Qonşular", Kylie və Zövq Al

1986-cı ilin aprelində Kayli Minouq Qonşular televiziya serialında məktəbli qız rolunu oynayır. Bu serial Britaniyada böyük uğur qazandı. BBC News və TV Week Kaylinin ən populyar personajlardan biri olduğunu qeyd etdi və onu Avstraliya televiziyasında ən sevimli və yaddaqalan personajlardan biri adlandırdı. Minouq bir ildə dörd dəfə Logie Awards mükafatına layiq görüldü və Gold Logie mükafatına layiq görülmüş ən gənc aktrisa oldu.

Elə həmin il xeyriyyə konsertində "Qonşular" serialının aktyoru Con Uoters ilə birlikdə " I Got You Babe " mahnısını duet oxudu və Little Willowun " The Loco-Motion" mahnısını solo ifa etdi. Onun ifasından təsirlənən Qreq Peterik Kayli üçün mahnı studiyası təşkil etdi və Kai Dahlström, trekin hazırlanması üçün 10.000 dollar ayıran prodüser oldu. Yenidən "Lokomotion" adlandırılan demo, Nəhayət Mushroom Records-un rəhbəri Maykl Qudinskiyə çatana qədər çox sayda səsyazma studiyalarına əməkdaşlıq üçün təklif edilsə də, hamısından rədd cavabı alınmışdı. Qudinski də həmçinin ilkin olaraq bu mahnıya maraq göstərmədi, lakin Minouqun serialdakı məşhurluğunu nəzərə alaraq 1987-ci ildə onunla müqavilə imzaladı. Qudinskinin bu riskli qərarı, Mushroom Records-un tənqidçiləri və işçilərinin qarışıq fikirləri ilə qarşılandı: çoxları şirkətin dağılacağını proqnozlaşdırdı və müğənnini "oxuyan bir tutuquşu" adlandırırdılar . Bununla belə 27 iyul 1987-ci ildə çıxan Minouqun ilk sinqlı "The Locomotion", yeddi həftə ərzində Avstraliya musiqi çartlarında zirvədə qaldı və 1980-ci illərdə ölkənin ən çox satılan sinqlı oldu.

Eyni ilin sentyabr ayında Minouq, Mushroom Records meneceri Terri Blemi ilə birlikdə Stok, Eytken və Uaterman adlı prodüserlərlə işləmək üçün Britaniyaya getdi . Oteldə 10 gün qaldıqdan və onların zəng etmələrini gözləmədən Minouq Blemi ilə birlikdə onların yanına getdi. Qırx dəqiqə ərzində prodüserlər Minouqun elə studiyada bəstələdiyi "I Should Be So Lucky" mahnısını yazdılar. 1987-ci ilin dekabrında çıxan mahnı Britaniya, Avstraliya, Almaniya, Finlandiya, İsveçrə, İsrail və Hong Kong çartlarında birinci oldu. Bu mahnı Minouqa ikiqat ARIA Musiqi Mükafatını qazandırdı. Müğənni Stok, Eytken və Uatreman və PWL səsyazma studiyası ilə əməkdaşlığa başladı.

10 iyun 1988-də Minouq "Qonşular" serialının son hissəsinin çəkilişlərini başa vurdu və bundan sonra musiqi yaradıcılığı ilə məşğul olmaq üçün Londona köçdü . Bir ay sonra rəqs pop və bubblegum pop üslubunda kompozisiyalarla "Kylie" adlı albomu çıxdı . Albom Britaniya çartlarındabir ildən çox qaldı və bu müddət ərzində bir neçə dəfə birinci yerdə oldu. ABŞ-da albom qızıl status aldı, "The Locomotion" sinqlı isə ABŞ Billboard Hot 100 çartında 3-cü yerə, Kanada çartlarında isə 1-ci yerə çıxdı. "Got to Be Certain" Minouqun Avstraliya musiqi çartlarında birinci yerə çıxan üçüncü sinqlı oldu. Noyabr ayında Ceyson Donovan ilə duetdə Minouq, Britaniya çartlarını fəth edən və 2014-cü ilin dekabrına qədər bir milyondan çox nüsxədə satılan "Especially for You" mahnısını yazdı.

1989-cu ilin oktyabrında Minouqun ikinci albomu olan "Enjoy Yourself" çıxdı. Musiqi tənqidçiləri onun səsini müğənninin debüt işi ilə müqayisə etdilər və aralarında nəzərəçarpacaq oxşarlıq olduğunu qeyd etdilər. Albom Britaniyada, kontinental Avropada, Yeni Zelandiya, Asiya və Avstraliyada yaxşı satıldı. "Hand on Your Heart" və "Tears on My Pillow" sinqlları Britaniya çartlarında birinci oldu. Lakin Şimali Amerikada bu albomun satışları olduqca aşağı olaraq qaldı və Amerikanın səsyazma şirkəti Geffen Records müğənni ilə əməkdaşlıqdan imtina etdi. Eyni vaxtda iki albomunu tanıtmaq üçün Minouq ilk qastrol turu olan Disco in Dream (sonradan Hitman Roadshow adlandırıldı) çıxdı. Yerli bir radiostansiyanın sponsorluq etdiyi Britaniyadakı konsertlər üçün PWL səsyazma studiyasının digər sənətçiləri də qatıldı. 1990-cı ilin fevral ayında Minouq Avropa, Avstraliya və Asiyada Enjoy Yourself adlı qastrol turuna çıxdı. Müğənninin konsertlərinə 10.000 bilet satıldı və üç milyon dollar gəlir əldə edildi.

1989-cu ilin dekabrında Minogue "Cinayətkarlar" filmində aktrisa kimi debüt etdi, filmin soundtreki kimi "Tears on My Pillow" mahnısı istifadə edildi. Film tənqidçilərdən qarışıq rəylər aldı: məsələn, Daily Mirror qəzetinin köşə yazarı Minouqun "soyuq sıyıq qədər xarizmatik" olduğunu deyirdi. Britaniyada filmin kassa satışları 200.000 funtu keçdi, Avstraliyada isə 1989-cu ildə ən uğurlu kommersiya filmləri arasında dördüncü və 1990-cı ilin isə ən uğurlu filmi oldu.

1990–1992: Rhythm of Love və Let’s Get to It

1990-cı ilin noyabrında Minouq üçüncü studiya albomu olan Rhytm of Love albomunu buraxdı. Tənqidçilər müğənninin əvvəlki əsərləri ilə müqayisədə bu diskin "yüksək sürətlə tanındığına" diqqət çəkirdilər. Rəyçilər uğurlu sinql seçimini və cazibədar kompozisiyaları təriflədilər, lakin bəzi tənqidçilər yetkin müğənninin tamaşaçılara müraciət etməsindən narazı qaldılar, albomu "ən azı postpubertal" adlandırdılar və digər prodüserlərlə "faydasız" əməkdaşlığı tənqid etdilər . Albomun ilk sinqlı "Better the Devil You Know" "onun serialdakı qız imicini məhv etdi və dünyanı daha seksual, yetkin bir diskoteka qadını Kayli ilə tanış etdi". Müğənninin INXS qrupunun vokalisti Maykl Hatçens ilə münasibəti də ictimaiyyət tərəfindən özünün əvvəlki imicindən uzaqlaşma kimi qiymətləndirildi. "Better the Devil You Know" Britaniya çartlarında ikinci və Avstraliyada dördüncü yeri tutdu, Rhytm of Love-dan olan "Step Back in Time" və "Schocked" sinqlları isə bu ölkələrda ilk onluğa girdilər. Minouq, "Better the Devil You Know" klipinin çəkilişi zamanı ilk dəfə özünü "yaradıcılıq prosesinin bir hissəsi kimi hiss etməsindən" çox məmnun qaldı: "Əsas adam deyildim, amma söz demək hüququm var idi. 1991-ci ilin fevral ayında albomunu tanıtmaq üçün Rhytm of Love qastrol turuna yollanır.

1991-ci ilin oktyabrında Kaylinin dördüncü albomu Let's Get to It çıxdı. Tənqidçilər onun hazırlanması və üslubların müxtəlifliyini təriflədi, ancaq diskin dar bir gənc auditoriyasına istiqamətlənməsini mənfi cəhət hesab edirdilər. Let's Get to It Britaniya çartlarının ilk onluğuna daxil olmayan və yalnız on beşinci yerə çatan ilk Kayli Minouq albomu oldu. Albomun əsas mahnısı olan "Word Is Out" da ilk onluğa daxil ola bilmədi , ancaq Kit Vaşinqton ilə birlikdə ifa etdiyi "If You Were with Me Now" və "Give Me Just a Little More Time" Britaniya çartlarında ilk beşliyə daxil oldular. Elə həmin ay "Get to It Tour" qastrol turuna başladı.

1992-ci ilin avqustunda Minouq seçilmiş mahnılarından ibarət Greatest Hits adlı ilk kolleksiyasını təqdim etdi, o Britaniya çartlarında birinci yeri və Avstraliya çartlarında üçüncü yeri tutur. Albomun "What Kind of Fool" və "Celebration" sinqlları Britaniya çartında ilk iyirmiliyə daxil oldu .

1992-ci ilin sonunda Minouqun prodüserlər Stok, Eytken və Uaterman, həmçinin PWL səsyazma studiyası ilə müqaviləsi sona çatdı. Müğənni müqaviləni yeniləmədi və qərarının səbəbini belə izah etdi: "Əvvəlcə mən oyuncaq idim. Bu səsyazma studiyası məni kor etdi. Nə sağa, nə də sola baxa bilmirdim".

1993–1998: Kylie Minogue və Impossible Princess

1993-cü ilin aprelində Minouq müstəqil rəqs musiqisi markası olan Deconstruction Records, studiyası ilə müqavilə bağlayaraq karyerasında yeni bir mərhələyə imza atdı. 1994-cü ilin sentyabrında müğənni Kylie Minogue adlı beşinci albomunu buraxdı. Diskin hazırlanması üzərində Brothers in Rhythm Deyv Simen və Stiv Anderson çalışmışdır. Paralel olaraq Anderson 2015-ci ilə qədər Minouqun musiqi direktoru olub.

Kylie Minogue albomunun ilk sinqlı "Confide in Me" dörd həftə ərzində Avstraliya çartlarının zirvəsində oldu. Növbəti iki sinql, "Put Yourself in My Place" və "Where Is the Feelings? " Britaniya çartlarının ilk iyirmiliyinə daxil oldu və satışları nəticədə 250.000 nüsxə olan diskin özü də orada dördüncü yeri tutdu. Imago Records şirkətinin maliyyə çətinlikləri səbəbiylə Amerikada albomun relizi heç vaxt baş tutmadı .

1995-ci ildə Minouq Avstraliyalı rok musiqiçisi Nik Keyv ilə birlikdə "Wild Roses Grow" mahnısını yazdı. Keyvin sözlərinə görə, o Minouqun yaradıcılığı ilə "Better the Devil You Know" mahnısını eşitdikdən sonra maraqlanmağa başlayıb. "Where the Wild Roses Grow" adlı videoklip rəssam John Everett Millaisin "Ofeliya" tablosunun canlı reprodüksiyası olaraq səhnələşdirildi. Minouq bədəninin üzərində ilan üzən bir gölməçədə yatan öldürülmüş qadını canlandırdı. Avropada sinql on ölkədə çartların ilk onluğuna girdi və Avstraliyada ikinci yeri tutdu. Kompozisiya İlin Mahnısı və Ən Yaxşı Pop Yayımı kateqoriyalarında ARIA Mükafatlarını qazandı. Minouq Deconstruction səsyazma studiyasının digər ifaçıları ilə birlikdə iki yay festivalında iştirak etdi: İrlandiyanın Cork şəhərində Féile və Qlazqoda T in the Park festivalında. Burada solo mahnılara əlavə olaraq, Nik Keyv ilə birlikdə "Where the Wild Roses Grow" də ifa etdi. 7 iyul 1996-cı ildə Nik Keyvin təşəbbüsü ilə Minouq Londonun Albert Hall konsert zalında keçirilən bir şeir tədbirində çıxış etdi və burada "I Should Be So Lucky" mahnısının sözlərini şeir olaraq oxudu.

1997-ci ildə Minouqun altıncı studiya albomu Impossible Princess (Britaniyada Şahzadə Diananın ölümündən sonra Kylie Minogue adlandırıldı) çıxdı. Müğənni bütün kompozisiyaların müəllifi oldu və onun ilham mənbəyi Shirley Manson, Garbage, Byork, Tricky, U2 və Yapon musiqiçiləri Pizzicato Five və Towa Tei yaradıcılıqları oldu. Albomun yazılmasında elektron rəqs musiqisinin orijinal səsinə rok elementləri əlavə edən Manic Street Preachers, Ceyms Din Bredfild və Sean Moore iştirak etdilər. Impossible Princess albomu və Towa Tei ilə Minouqun mahnısının klipi üçün fotoşəkillər Yapon mədəniyyətindən ilhamlandı: Minouq həm geyşa, həm də manqa super qəhrəman imicində oldu.

Albom Minouqun öz yaradıcılığını İndi mədəniyyətində davam etdirəcəyi ilə bağlı ehtimalları inkar etdi. Karyerasının əvvəlində ictimaiyyətin onun üçün yaratdığı imicdən qurtulmağa çalışdığını bildirən müğənni "xoşagəlməz tənqidləri unutmağa" və "keçmişini qəbul etməyə, başa düşməyə və istifadə etməyə" hazır olduğunu söylədi. Beləliklə, "Did It Again" mahnısının videosunda o özünün erkən obrazlarını təqdim etdi. Impossible Princess böyük ölçüdə fərqli musiqi üslubları ilə edilən təcrübələr səbəbindən birmənalı qarşılanmadı. 1997-ci ildəki reliz bir neçə mənfi rəy aldı, ancaq retrospektiv obrazlarda tənqidçilər bunu Minouqun ən xüsusi və ən yaxşı əsəri adlandırdılar.

Albomun ilk sinqlı "Some Kiss of Bliss" kompozisiyası idi. O çartlarda çox uğur qazana bilmədi, Britaniya və Avstraliya çartlarında 22-ci sırada debüt etdi və bir həftə sonra 39-cu yerə düşdü. İkinci sinql "Do It Again" daha yaxşı nəticə göstərdi. Avstraliya çartlarında mahnı 21-ci yerdə başladı, növbəti həftə 15-ci yerə yüksəldi və Britaniya çartlarında 14-cü sırada qərarlaşdı. Impossible Princess-in üçüncü sinqlı "Breathe" Britaniyada 14-cü yerdə debüt etdi və dörd həftə boyunca hit-paradda qaldı, Avstraliya çartlarında isə 13 həftə ərzində 23-cü yerdə qaldı. Albomun dördüncü və son sinqlı "Cowboy Style" Avstraliya və Yeni Zelandiyada Mushroom Records tərəfindən buraxıldı, çünki həmin vaxt Minouq artıq Deconstruction Records səsyazma studiyasından ayrılmışdı. Kompozisiya, Avstraliya çartlarında 39-cu yerdə debüt etdi və Impossible Princess albomunun ən uğursuz sinqlı oldu.

Ümumilikdə isə albom Avstraliyada otuz beş həftə ərzində çartlarda qalmaqla kifayət qədər uğurlu oldu, Britaniyada isə satış baxımından müğənninin ən pis albomu oldu. İlk həftədə cəmi 18.000 nüsxədə disk satıldı. İlin sonunda Virgin Radio-da "Biz Kayliyə albomlarını təkmilləşdirmək imkanı vermək üçün, onları səsləndirməyi qadağan etdik" deyirdilər . Mətbuatda Britaniyada albomun kommersiya uğursuzluğunun səbəblərindən biri kimi buraxılışın gecikməsi göstərilirdi.

1998-ci ildə Minouq Intimate and Live Tour adlı qastrol səfərinə yollandı, qastrol turu onun konsertlərinə getmək istəyən insan sayının çox olması səbəbindən uzadıldı. Avstraliyada müğənni bir neçə tədbirdə çıxış etdi: 1998-ci ildə — Sidney Mardi Gras festivalında , 1999-cu ildə Melburn "Crown" kazinosunun açılışında və həmçinin Dilidəki konsertdə.

Bu dövrdə Minouq filmlərdə çəkilməyə davam etdi. 1994-cü ildə rejissor Stiven de Souza Kaylini Who jurnalının üz qabığında "Dünyanın otuz ən gözəl insanı" siyahısında gördükdən sonra ona "Street Fighter " filmində Jan-Klod Van Damm ilə birlikdə rol almağı təklif etdi. Film ABŞ-da 70 milyon dollar gəlir əldə etdi , lakin mənfi rəylər aldı: xüsusən də The Washington Post qəzetinin əməkdaşı Riçard Harrinqton Minouqu "Dünyanın ən pis ingilisdilli aktrisası" adlandırdı. 1994-cü ildə " Vicar of Dibley" sitkomunun epizodlarından birində özünü və 1997-ci ildə çəkilmiş "Diana və Mən" filmində oynadı.

1999–2003: Light Years, Fever və Body Language

Kayli Minouq Sidney 2000 Yay Paralimpiya Oyunlarının açılış mərasimində çıxış edərkən

1999-cu ilin əvvəlində Minouq Pet Shop Boys qrupu ilə birgə onların "Nightlife" albomu üçün "In Denial" mahnısını yazır və 13 martda Şekspirin Fırtına pyesasındakı Barbados səhnəsinda teatr aktrisası olaraq debüt etdi. Aprel ayında müğənni Parlophone studiyası ilə müqavilə bağlayır və 25 sentyabr 2000-ci ildə yeddinci studiya albomu olan Light Years buraxır. Musiqi tənqidçiləri müğənninin disko və Avropop üslubunda mahnılarını tərifləyərək rəqs-pop musiqisinə qayıtmasını yüksək qiymətləndirdilər. Minouqun albomu ilk dəfə Avstraliya çartlarında birinci oldu və yüksək tələbat gördü . Albomun ilk mahnısı "Spinning Around" Britaniya çartlarının zirvəsinə yüksəldi və Minouq ardıcıl üç onillik ərzində Madonnadan sonra bir nömrəli sinqla malik ikinci müğənni oldu . Light Years albomunun digər sinqlları, "On a Night Like This", "<i>Kids</i> " (Robbi Villyams ilə birlikdə) və "Please Stay" Britaniyanın hit-paradlarında ilk 10-luğa daxil oldu . Elə həmin il sinql "Spinning Around" ilin ən yaxşı pop-relizi kateqoriyasında ARIA mükafatını qazandı, növbəti il isə Minouq Light Years albomu üçün eyni mükafatı aldı. Tənqidçilərin şübhələrinə baxmayaraq, 2000-ci ildə Minouq səhnədə onların gözlədiklərindən daha uzun müddət qaldığı üçün ona qarşı bir rəğbət yarandı.

Oktyabr ayında Minouq Sidneydə Olimpiya Oyunlarının bağlanışında və Yay Paralimpiya Oyunlarının açılışında çıxış etdi . TNT jurnalından Keyt Samuelson ABBA -nın "Dancing Queen" mahnısını ifa edən Minouqun çıxışını mərasimin ən yaddaqalan anlarından biri adlandırdı. 2001-ci ildə müğənni 1930-cu illərin Broadway şouları və musiqiləri üslubunda qurulan On a Night Like This Tour adlı qastrol turuna başladı.

Money Can't Buy konsertində Kayli Minouq "Slow " mahnısını ifa edir. 2003-cü il

2001-ci ilin sentyabrında Minouq "Can't Get You Out Of My Head" mahnısını buraxdı, bu mahnı sonradan onun səkkizinci albomu olan Fever-də ilk sinql oldu. Mahnı 40-dan çox ölkədə çartların lideri oldu və 5 milyon nüsxədə satıldı və bu günə qədər Minouq üçün ən yüksək nəticə olaraq qalıb. "Can't Get You From My Head" relizindən sonra, Viktoriya Bekhemin "Not such An Innocent Girl" mahnısı ilə Britaniya çartlarında birinci yer uğrunda yarışdı və nəticədə Kayli Minouq qazandı: single bu çartın lideri ola bildi, Viktoriya Bekhemin mahnısı isə yalnız altıncı yerə çıxdı. Oktyabrın 1-də Fever albomu çıxdı və tezliklə Avstraliya , Avstriya , Almaniya , İrlandiya və Britaniya musiqi çartlarında birinci oldu. Albomun dünya üzrə ümumi satış həcmi altı milyon nüsxədən çox idi. Sonrakı "In Your Eyes", "Love at First Sight" və "Come Into My World" sinqlları Avstraliya və Britaniya çartlarının ilk onluğuna daxil oldular. Minouqun son studiya buraxılışından 13 il sonra 2002-ci ilin fevral ayında Capitol Records şirkəti bu albomu ABŞ-da buraxdı. Albom ABŞ Billboard 200-də üçüncü sırada debüt etdi və müğənninin ABŞ -da ən uğurlu albomu olaraq tanındı. Fever Kanada çartlarında 10-cu yerə qədər yüksəldi.

Alboma dəstək üçün 2002-ci ilin aprelində Minouq KylieFever2002 konsert proqramı ilə Avropa və Avstraliyanın şəhərlərinə qastrol turuna yollandı. 2002 və 2003-cü illərdə ABŞ-da Jingle Ball konsertlərində bu albomundan bir neçə mahnı ifa etdi. Müğənni 2002-ci ildə ARIA Music Awards -da dörd nominasiyada qalib gəldi; "Can't Get You From My Head" kompozisiyası "Ən çox Satılan Sinql" və "İlin Ən Yaxşı Sinqlı" seçildi. Elə həmin il Minouq ilk dəfə " Ən Yaxşı Beynəlxalq İfaçı " nominasiyasında BRIT Awards qazandı, "Fever " isə Ən Yaxşı Beynəlxalq Albom " kateqoriyasını qazandı. 2003-cü ildə Minouq "Love At First Sight" mahnısına görə "Ən Yaxşı Rəqs Mahnısı" kateqoriyasında Qremmi mükafatının ilk nominasiyasını aldı və növbəti il eyni kateqoriyada "Come To My World" mahnısı qalib oldu. Minouq 1983-cü ildə Men at Work qrupundan sonra əsas Qremmi kateqoriyasını qazanan ilk Avstraliyalı qadın ifaçı oldu.

Kayli albomdakı uğurunu öz şəxsi dizaynı ilə olan"Love Kylie" alt paltarı geyimlərindən birinə albomun adını verməklə davam etdi : "Diva", "Vamp" və "Fever" . Alt paltarları yalnız Avstraliyada üç il satıldı və 2003-cü ilin əvvəlində Britaniyada satışa təqdim edildi.

Həmin ilin noyabr ayında Minouqun doqquzuncu albomu olan Body Language çıxdı. Disk əsasən müsbət rəylər aldı, Metacritic aqreqatorunda 100-dən 62 bal topladı. Bu disk müğənninin əvvəlki əsərlərindən disko musiqisindən uzaqlaşması və Scritti Politti, The Human League, Adam and the Ants və Prinsin yaradıcılıqlarının musiqi tərzinə nəzərəçarpacaq təsiri ilə fərqlənirdi. Kompozisiyalarda hip-hop elementləri də var idi. Albomu dəstəkləmək üçün Minouq Londonda Hammersmith Apollo zalında Money Can't Buy solo konserti ilə çıxış etdi, bu konsertə yalnız dəvət olunmuş qonaqlar gələ bilərdilər. Bununla belə Body Language nisbətən zəif satılır. ABŞ-da ilk həftədə disk satışları 43.000 nüsxə təşkil etdi və satışlar ikinci həftədə əhəmiyyətli dərəcədə azaldı. Buna baxmayaraq, albomun aparıcı sinqlı "Slow" Avstraliya və Böyük Britaniyada , eləcə də Amerika çartlarında ilk sıralarda yer tutmağı bacardı. Kompozisiya Minouqa ən yaxşı rəqs yazısı kateqoriyasında Grammy nominasiyası qazandırdı. Body Language albomundan "Red Blooded Woman" və "Chocolate" adlı daha iki sinql Britaniya çartlarının ilk onluğuna daxil oldu. 2003-cü ilin sonunda Q jurnalı Body Language-i ilin ən yaxşı albomlarından biri adlandırdı.

Müğənni əvvəlki kimi filmlərdə rol almağa davam edib. 2000-ci ildə "Model İnsanlar" filmində əsas rollardan birini oynadı və filmin soundtrekinə kaver yazdı. Elə həmin il Avstraliyanın "Rejissor Versiyası" filmində çəkildi və növbəti il Baz Luhrmannın Mulen Ruj filmində Yaşıl Pəri rolunu oynadı. 2002-ci ildə bu rolu üçün Minouq MTV Movie Award mükafatına layiq görüldü.

Bundan başqa 1999-cu ilin sentyabrında Darenote Ltd. nəşriyyatında Minouq yaradıcı direktoru Uilyam Beyker ilə birlikdə Kylie adlı ilk kitabını nəşr etdi. 2002-ci ildə Minouq və Beyker Kylie: La La La adlı ikinci ortaq kitablarını nəşr etdilər.

2004–2009: Showgirl və X

Kayli Minouq Showgirl: The Greatest Hits Tour qastrol turu çərçivəsində Parisdə çıxış edir. mart 2005-ci il.

2004-cü ilin noyabr ayında Minouq ən yaxşı mahnılarının daxil olduğu Ultimate Kylie adlı ikinci rəsmi kolleksiyasını buraxdı. Albomda iki sinql buraxıldı: "I Believe in You" və "Giving You Up". "I Believe in You" kompozisiyası "Ən Yaxşı Rəqs Mahnısı" kateqoriyasında Qremmi mükafatını qazandı. 2005-ci ilin mart ayında Minouq Showgirl: The Greatest Hits Tour, adlı qastrol turu üçün Avropaya yollandı, bundan sonra Avstraliyaya bu konsert proqramı çərçivəsində çıxış etdi. Tezliklə Melburnda müğənniyə döş xərçəngi diaqnozu qoyuldu və Kayli buna görə turu dayandırmaq məcburiyyətində qaldı. 2005-ci ilin may ayında xərçəngdən xilas olmaq üçün əməliyyat olundu və kimyaterapiyaya başladı. 2006-cı ilin yanvar ayında müalicə kursunun sona çatdığı elan edildi.

Xəstəlik ilə mübarizə apardığı müddətdə Kayli 2005-ci ilin dekabr ayında Showgirl turnesinin canlı qeydləri olan "Over the Rainbow" rəqəmsal sinqlını buraxdı Eyni zamanda, Coty parfümeriya və kosmetika şirkəti ilə əməkdaşlıq edərək özü üçün yeni bir fəaliyyət sahəsinə üz tutdu. Beləliklə, 2005-ci ilin noyabr ayında "Darling" ətri hazırlandı. Ətir alıcıların zövqünü oxşadı və 2006-cı ilin sonunda Britaniyada ən çox satılan ətir oldu. 2007-ci ildə ona Sweet Darling, 2008-ci ildə isə Sexy Darling ətirləri əlavə edildi. Daha sonra siyahıya Pink Sparkle, Couture və Inverse daxil oldu .

2006-cı ilin noyabr ayında Minouq Showgirl: The Homecoming Tour qastrol turu üçün yeni səyahətə yollandı. Müğənninin sağlamlıq vəziyyətini nəzərə alaraq konsertlərin quruluşu bir qədər dəyişdirildi: xoreoqrafiya sadələşdirildi, bölmələr arasında daha uzun fasilələr verildi və Minouq səhnə üçün daha az geyim dəyişdi . Buna baxmayaraq, mətbuat müğənninin "enerjili" ifa etdiyini qeyd etdi və Sydney Morning Herald qəzeti şounu "möhtəşəm" və "əsl zəfər" adlandırdı.

2007-ci ilin noyabr ayında Minouqun onuncu studiya albomu X çıxdı. Albom Metacriticdə 100 baldan 65 bal topladı. Tənqidçilərə görə, X "davamlı" deyildi və AllMusic-dən Kris Tru, diskin kompozisiyalarını "soyuq, hesablanmış rəqs-pop nümunələri" adlandırdı. Albom mətbuatda qarışıq rəylər aldı, müğənninin xərçənglə mübarizədə olması bəhanəsi bayağılıq səbəbindən rədd edildi. Buna baxmayaraq, X və onun ilk sinqlı "2 Hearts" Avstraliya çartlarında birinci oldu. Britaniyada albom əvvəlcə o qədər də aktiv olmadı, lakin satışları tezliklə artdı. Sonrakı sinqllar "In My Arms" və "Wow" Britaniya çartlarının ilk onluğuna daxil oldular. X ABŞ Billboard 200-də 139-cu sırada debüt etdi və Elektron Albomlar Çartında dördüncü sırada yer aldı; ABŞ -da buraxılışın ilk həftəsində yalnız 6.000 nüsxə satıldı. Zəif satışlara baxmayaraq, disk ən yaxşı rəqs / elektron albom kateqoriyası üçün Qremmi mükafatını aldı. 2006–2007-ci illərdə Showgirl: The Homecoming Tour qastrol turu ilə eyni vaxtda Minouq White Diamond sənədli filmində sənədli filmində The Kylie Show-da rol aldı . 2007-ci ildə Minouq İspaniyanın zərgərlik şirkəti Tous ilə əməkdaşlıq etdi və zərgərlik məhsullarının inkişafına töhfə verdi. İsveç moda evi H&amp;M -ni də reklam etdi və özünün çimərlik geyim kolleksiyasının hazırlanmasında iştirak etdi.

2008-ci ilin may ayında müğənni KylieX2008 turu çərçivəsində Avropa şəhərlərinə yollandı. Onun təşkil olunması 10 milyon funt sterlinqə başa gəldi və bu günə qədər Minouqun ən bahalı turu oldu. Buna baxmayaraq, yatırımlar ictimaiyyətin marağı sayəsində qazanc gətirdi. 2008-ci ilin əvvəlində Minouq Ən Yaxşı Beynəlxalq Qadın Sənətçi nominasiyasında Brit Awards mükafatını aldı. Elə həmin il iki dövlət mükafatı qazandı: may ayında Fransanın mədəniyyət sahəsində ən yüksək mükafatının kiçik dərəcəsi olan İncəsənət və ədəbiyyat ordenini aldı, bundan sonra iyul ayında Şahzadə Çarlz ona Britaniya İmperiyası ordeni zabit nişanəsini verdi. Sentyabr ayında Minogue Dubayda eksklüziv bir otel olan Atlantis The Palm-in açılışında Orta Şərqdə və noyabr ayında KylieX2008 ilə Cənubi Amerika, Asiya və Avstraliyada qastrol səfərlərinə davam etdi. Minouq ümumilikdə 21 ölkəni ziyarət etdi. Dünya turu hər yerdə uğur qazandı: konsertlərə bilet satışları 70.000.000 oldu.

2009-cu ildə Minouq, Ceyms Korden və Mettyu Horn ilə birlikdə Brit Awards musiqi mərasiminə aparıcılıq üçün dəvət edildi və həmin ilin payızında ilk dəfə olaraq Şimali Amerikaya For You, for Me adlı qastrol turuna yollandı.

Bu müddətdə Kayli Sehrli Macəra cizgi filmində Florenz obrazı üçün üç dəfə səsləndirmə etdi. : əvvəl rolunu 2002-ci ildə səsləndirdi , sonra 2003-cü ildə. 2006-cı ildə, Doogal adlı cizgi filminin ABŞ versiyası üçün rolun səslənməsini Amerika aksenti ilə səsləndirdi və eyni zamanda onun üçün bir mahnı yazdı . Bütün dünyada cizgi filminin gəliri 26.691.243 milyon dollar təşkil edir. 2007-ci ildə Minouq televiziya serialı "Doktor Kim"in "Lənətə Gəzinti" Milad bölümündə rol alır: bu epizod həmin dövr üçün rekord olaraq 13.31 milyon tamaşaçı auditoriyasında toplandı. Müğənni həmçinin Hindistanın Mavi filmində də rol alıb və "Alla Rakx Rahman" mahnısının ifası ilə Bollivud tarixində ən çox qazanan xarici sənətçi kimi tanındı və bu rolu üçün bir milyon ABŞ dolları aldı.

2006-cı ildə Minouq yeni bir ədəbi kompozisiyanın müəllifi oldu: xərçəngdən sağalma zamanı yazdığı, uşaqlar üçün The Showgirl Princess kitabı nəşr edildi. Bura pərəstişkarlarının müğənniyə xəstəliyi zamanı göndərdiyi rəsmlər daxil idi.

2010–2012: Aphrodite və Abbey Yolu Sessiyaları

Kylie Minogue, 2011-ci ildə Afrodita: Les Folies Turu çərçivəsində konsertdə "Can't Get You Get My Head" mahnısını ifa edir.

2010-cu ilin iyul ayında Minouq özünün 11-ci albomu Afrodita-nı buraxdl Albomun üzərində icraçı prodüser Stüart Prays da daxil olmaqla yeni müəlliflər və prodüserlər çalışdılar. Mahnıların yazılmasında müğənninin özü və Stüart Praysdan başqa Kelvin Harris, Ceyk Şirz, Nerina Pallot, Paskal Qabriel, Lukas Sekon, Tim Rays-Oksli və Kish Mauve də iştirak etmişdilər. Disk müşahidəçilərdən müsbət rəylər aldı. AllMusic-dən Tim Sendra, diskin "sevgi mahnıları və şən rəqs himnləri istisna olmaqla, çox az mahnıya malik olduğunu" və "albomun əsasən Kaylinin uğurlu "parlaq diskoteka stilində" yazıldığını qeyd edirdi . Afrodita debüt albomu kimi çartlarda lider olmasından düz 22 il sonra Britaniya çartlarında yenə 1-ci yerdə debüt etdi. Albomun ilk sinqlı "All The Lovers" çartlarda çox müvəffəqiyyətli oldu və Minouqun Britaniyada ilk onluğa daxil olan 33-cü sinqlı oldu. Sonrakı "Get Outta My Way", "Better Than Today" və "Put Your Hands Up" sinqlları uğuru təkrarlaya bilmədi, lakin bütün dörd kompozisiya Amerika rəqs çartlarında birinci oldular.

Elə həmin il Minouq qrupun debüt albomu Happiness üçün "Devotion" mahnısını yazmaq üçün Hurts qrupuna qoşuldu. Noyabr ayında İngilis ifaçısı Tayo Kruz ilə birlikdə " Higher " sinqlını ifa etdi. Kompozisiya bir neçə çartlarda ilk iyirmiliyə daxil oldu və Amerika rəqs çartlarında birinci oldu . Üstəlik, bu mahnı üçüncü yeri tutduqda və onu Minouqun başqa bir mahnısı qabaqladıqda, Amerika çart tarixində ilk dəfə olaraq bir ifaçının iki mahnısı eyni vaxtda ilk üçlükdə yer aldılar. 2010-cu ildə relizlərini tamamlamaq üçün müğənni A Kylie Christmas adlı mini-albom buraxdı, bura "Let It Snow " və " Santa Baby " Milad mahnıları daxil idi . 2011-ci ilin fevral ayında Minouq Avropa, Şimali Amerika, Asiya, Avstraliya və Afrikada Afrodita: Les Folies qastrol turuna başladı. Yunan mədəniyyəti və tarixi, xüsusən də eşq ilahəsi Afroditanın dünyaya gəlməsi mifi səhnə əsərlərinin ilham mənbəyi idi. Tur 60 milyon dollar nağd gəlir əldə etdi və şounun konseptini və istehsalını yüksək qiymətləndirən müşahidəçilərdən müsbət rəylər aldı. Polistar nəşri Afrodita: Les Folies Turunu ilin birinci yarısının ən yaxşı turları siyahısında altıncı sırada göstərdi və illik sıralamada tur iyirmi birinci sıranı qazandı .

2012-ci il ərzində Minouq musiqi sənayesində 25 illik fəaliyyətinin şərəfinə "K25" adlı tədbirlər keçirdi. Tədbir Britaniya və Avstraliyada keçirilən Anti Tour konsert proqramı ilə başladı. Minouq konsertlərdə demoları və studiya albomlarından sadə mahnıları ifa etdi . Tur konsertlər zamanı "səmimi atmosferi" ilə bəyənildi və dörd şoudan 2 milyon dollar əldə etməklə kommersiya uğuru qazandı. May ayında Minouq "Timebomb" mahnısını buraxdı və bu mahnı Kaylinin Amerika rəqs çartlarında birinci yeri tutan doqquzuncu sinqlı oldu. Kayli iyun ayında özünün ən yaxşı mahnılardan ibarət The Best of Kylie Minogue toplusunu və oktyabr ayında K25 Time Capsule sinqllar toplusunu buraxdı. İl ərzində müğənni dünyanın müxtəlif tədbirlərində, o cümlədən Sidney Mardi Gra Festivalı, Kraliça II Yelizavetanın yubileyi konserti və BBC -nin Londondakı açıq hava konsertlərində ifa etdi. Oktyabr ayında Londondakı "Abbey Road" studiyasında Minouqun məşhur mahnılarının versiyaları olan Abbey Road Sessions kolleksiyası buraxıldı. Müşahidəçilər tərəfindən yaxşı qarşılandı və Britaniya çartlarında ikinci sırada debüt etdi . Alboma dəstək olaraq iki sinql çıxdı: " Flower və "On a Night Like This" .

Eyni zamanda Minouq filmlərdə aktyorluğa qayıtdı. Amerikanın müstəqil filmi Cek və Dianada bir epizodik rol aldı. Filmin soundtreki üçün Minouq múm adlı island qrupu ilə birlikdə Whistle mahnısını yazdı. Fransız "Müqəddəs Mühərriklər Korporasiyası " filmində də rol aldı. 2012-ci ildə "Cek və Diana" filmi Tribeca Film Festivalının yarışma proqramına qatıldı və "Müqəddəs Mühərriklər Korporasiyası" filmi isə müğənninin qatıldığı Cannes Film Festivalında tamaşaya qoyuldu.

Həmçinin Kayli 2012-ci ilin noyabr ayında musiqi səhnəsinə çıxmasının 25 illiyini Kylie / Fashion kitabını nəşr etməklə qeyd etdi.

2013–2016: Kiss Me Once və Kylie Christmas

Kayli Minouq 2015-ci ildə bacısı Denni ilə birlikdə çıxış edərkən

2013-cü ilin yanvar ayında Minouq meneceri Terri Blemi ilə uzun dönəm davam edən əməkdaşlığını başa çatdırdı. Kayli Roc Nation şirkəti ilə müqavilə imzaladı və özünün musiqi karyerasının idarəetməsini onlara təhvil verdi . Sentyabr ayında Minouq italyan müğənni Laura Pauzini ilə duetdə "Limpido " mahnısını yazdı. Mahnı İtaliyada uğur qazandı və tezliklə "Dünyanın Ən Yaxşı Mahnısı" kateqoriyasında World Music Awards mükafatını qazandı. Elə həmin ay Minouq Black Eyed Peas üzvü Will.i.am , Kaiser Chiefs qrupunun aparıcı müğənnisi Rici Uilson və müğənni Tom Cons ilə birlikdə BBC One-dakı Britaniya istedadlar şousunun üçüncü mövsümünün münsiflər heyətinin üzvlüyünə dəvət edildi. Şou Britaniyada 9.35 milyon baxış topladı və ikinci mövsümdən etibarən izləyicilərin sayı əhəmiyyətli dərəcədə artdı. Orta hesabla şouya təxminən 8,1 milyon tamaşaçı baxdı . Müşahidəçilər Minouqun hakimliyini və şoudakı şəxsi keyfiyyətlərini yüksək qiymətləndirdilər: məsələn, Daily Telegraph-dakı Ed Pauer Minouqu "cazibədar, xoş və gülməyi sevən, əsl milli sərvət" adlandıraraq mövsümün premyerasına üç ulduz verdi. Noyabr ayında Minouq The Voice-un Avstraliya versiyasının üçüncü mövsümü üçün rəhbər vəzifəsini öz üzərinə götürdü.

2014-cü ilin mart ayında Minouq R&B və elektron rəqs musiqisi elementləri olan müasir pop musiqisi üslubunda Kiss Me Once adlı 12-ci albomunu buraxdı. Bir çox musiqi müşahidəçiləri albomu yüksək qiymətləndirdi. Siya Förler, Mayk Del Rio , Cutfather , Farel Vilyams, MNEK və Ariel Rextşeyd bu albomun diskinin yazılmasında iştirak etdilər. Kiss Me Once Avstraliyada 1-ci, Britaniyada isə 2-ci yerə qədər yüksəldi . Ümumilikdə diskdən iki sinql çıxdı: "Into the Blue" və "I Was Gonna Cancel". Ancaq mahnıların heç biri Britaniya çartlarının ilk onluğunda yer ala bilmədilər: "Into the Blue" 12-ci yerə, "I Was Gonna Cancel" isə 59-cu yerə qədər yüksələ bildi. Aprel ayında məhdud sayda nəşr olunan "Golden Boy" sinqlı 1.000 nüsxədə çıxdı. Əslində bu mahnı Kiss Me Once albomu üçün nəzərdə tutulmuşdu, lakin sonradan albomdakı mahnı siyahısına daxil edilməmişdi. Avqust ayında müğənni Birlik Oyunları 2014-ün bağlanma mərasimində yeddi mahnı ifa etməklə çıxış etdi və sentyabr ayında Kiss Me Once Tour qastrol turuna yollandı. 2015-ci ilin yanvar ayında Minouq Corco Moroderin ilə birgə Right Here, Right Now mahnısını yazdı. 18 aprel 2015-ci ildə bu mahnı Amerika rəqs hit-paradlarında 12-ci yerə çıxdı.

Mart ayında Minouqun Parlophone ilə müqaviləsi başa çatdı və gələcəkdə onun Avstraliya və Yeni Zelandiyadakı buraxılışları Warner Music Group vasitəsilə edildi. Eyni ayda müğənni Roc Nation ilə əməkdaşlığına son qoydu. 2015-ci ilin sentyabr ayında Minouq musiqi prodüseri, musiqiçi və mahnı müəllifi Fernando Qaribay ilə Kylie + Garibay mini albomunu təqdim etdi . Alboma Qaribay və Giorgio Moroder prodüserlik etdilər. Noyabr ayında Minouq ilk Milad albomu Kylie Christmas buraxdı . Bu albomun nəşrinə bacısı Denni ilə duetdə yazdığı "100 Degrees" kompozisiyası da daxil idi . Həmin ayda Minouq Ceyk Şirz və Nayl Rocers ilə birlikdə Nervo qrupunun bir mahnısı The Other Boys yazılmasında iştirak etdi. Bu mahnı Minouqun Amerika rəqs çartlarında birinci yeri tutan 13-cü sinqlı oldu. Dekabr ayında Minouqu BBC Radio 4 -də Desert Island Discs proqramına dəvət etdilər. Proqramda Kayliyə özüylə tənha adaya hansı musiqi yazılarını götürəcəyi ilə bağlı sualı verildi. Minouq bu seçimləri etdi: ABBA -nın "Dancing Queen", Prinsin Purple Rain və INXS qrupunun Need You Tonight mahnıları . 2016-cı ildə müğənni Sadəcə Möhtəşəm filminin saundtreki üçün "This Wheel's on Fire mahnısını yazdı. Eyni ilin noyabr ayında Milad albomu Kylie Christmas yeni adı Kylie Christmas: Snow Queen Edition ilə buraxıldı. Minouq televiziya üçün 2015-ci ilin aprelində ABC Family sitkomunun iki epizodunda rol aldı.

2017–2019: Golden, Step Back in Time və Glastonbury

Kayli Minouq 2018 Qızıl Turu çərçivəsində Qlazqoda konsert verir

2017-ci ilin fevral ayında Minouq 14-cü studiya albomunun buraxılması üçün BMG Rights Management səsyazma studiyası ilə müqavilə bağlayır. İlin sonunda müğənni Avstraliya və Yeni Zelandiyada diskin buraxılışı üçün BMG ilə birlikdə Mushroom Music Groups şirkətinin bir bölməsi olan Liberation Music şirkəti ilə müqavilə imzalayır. Rəqs Pop Albomu stilində olan albom Emi Uoc Skay Adams, DJ Fresh, Neytan Çapman, Biffco , The Invisible Men və Karen Pul ilə birlikdə hazırlandı. Minouq mahnıların hər birinin yazılmasında şəxsən iştirak etmişdi. Sessiyalar London, Los Anceles və Neşvildə keçirildi və müğənni müsahibəsində Neşvildə işləyərkən bu şəhərin ona vurduğu "dərin təsir" barədə danışdı. 6 aprel 2018-ci ildə Golden adlı diskin buraxılışı baş tutdu<. Müşahidəçilərdən müsbət rəylər aldı. AllMusic-dən Tim Sendra Minouqun albomunu "heyrətamiz dərəcədə cəsarətli" adlandırdı. MusicOMH rəyçisi Helen Klark Minouqun mahnı yazma və hazırlama qabiliyyətlərini tərifləyərək diskə beş üzərindən dörd qiymətini verdi. Jurnalist qeyd edir ki, " Golden müğənninin ən yaxşı albomları ilə bir səviyyədədir". Albomun ilk sinqlı "Dancing" , ikinci sinqlı isə "Stop Me from Falling" mahnısı idi. Golden, Britaniya və Avstraliya çartlarında 1-ci yerdə debüt etdi, nəticədə müğənni 1980-ci illərdən 2010-cu illərə qədər ardıcıl olaraq dördüncü onillikdə Britaniya albom çartlarına başçılıq etməyə davam etdi. Mart ayında alboma dəstək qazanmaq üçün Kylie Presents Golden promo turu təşkil edildi, sentyabr ayında isə müğənni Golden Tour konsert proqramı ilə qastrol səfərinə çıxdı.

Kayli Minouq 2019 yay turu çərçivəsində Mançesterdə çıxış edir

28 iyun 2019-cu ildə səhnə fəaliyyətinin 30 illiyi münasibətilə Minouq ən yaxşı mahnılarından ibarət Step Back in Time: The Definitive Collection adlı kolleksiyasını təqdim etdi. Onun ilk sinqlı əvvəlcə Golden albomu üçün yazılmış, lakin heç vaxt diskə çıxarılmayan "New York City" kompozisiyası idi. Albom Avstraliya və Böyük Britaniyada çartların zirvələrinə yüksəldi və beləliklə Minouqun Britaniya hit-paradlarında birinci olan yeddinci albomu oldu . 30 iyunda Minogue, 2005-ci ildə xərçəng səbəbiylə bu festivala qatılmaqdan imtina etməsindən 14 il sonra Glastonberi Festivalında iştirak etdi. Minouqa səhnədə Əfsanəvi Slotda qonaq ifaçılar Nik Keyv və Kris Martin qoşuldular. Festivaldakı möhtəşəm çıxışı müşahidəçilər tərəfindən rəğbətlə qarşılandı: məsələn, The Guardian onu "əla", "bənzərsiz" və "fenomenal" adlandırdı . Minouqun şousu müğənninin pərəstişkarları arasında da böyük maraq oyatdı və BBC kanalında ən çox izlənilən konsert oldu (üç milyon tamaşaçı cəlb etdi və 1.4 milyon tamaşaçı toplayan ən yaxın rəqibləri The Killers -i üstələdi) və festivalın tarixində ən çox izlənilən konsert rekordu qırdı . 3 sentyabrda göstərdiyi bu performansa görə Minogue GQ jurnalının "İlin İnsanları" mükafatlandırmasında "İkona"ya layiq görüldü. Sentyabrın 6-da İsveçli müğənni Tove Lu ilə duet şəklində yazdığı "Really Don’t Like You" mahnısının premyerası keçirildi.

Minogue eyni zamanda "Qaynar tətil" filmində baş rolu ilə filmoqrafiyasını genişləndirdi. Film 2018-ci ilin Yanvar ayında buraxıldı, 2019-cu ildə isə Kayli bir sənədli filmdə rol aldı.

2020-hal-hazırda: Disco

2019-cu ilin mayında "Glastonbury" festivalında çıxış etdikdən sonra müsahibələrinin birində Minouq "pop-disko" üslubunda tərtib olunacaq on beşinci studiya albomu üzərində işə başlamaq niyyəti barədə danışır. 2020-ci ilin martında məlum oldu ki, Minouq Mousse T., Aleks Gaudino digər bir sıra prodüserlərlə əməkdaşlıqda yeni disk hazırlayır. Aprel ayında, Koronavirus infeksiyası dövründə karantin tətbiq olunarkən müğənni evindəki səsyazma studiyasında albom üzərində işləməyə davam etdiyini bildirdi. May ayında BMG səsyazma studiyasının rəhbəri Minouqun mahnı yazmaqla yanaşı Logic Pro musiqi proqram təminatını öyrəndiyini söylədi.

İyulun 21-də Minouq Disco adı altında yeni albomun anonsunu elan edib. İyulun 23-də diskə dəstək üçün ilk sinql "Say Something" buraxıldı. Sentyabrın 24-də ikinci sinql "Magic" premyerası keçirilib, oktyabrın 23-də isə "I Love It" kompozisiyası buraxıldı. Diskin özünün relizi noyabrın 6-da keçirilib. Disco Britaniya çartında birinci yeri tutub ki, bu da Minouqun, albomları ardıcıl olaraq beş onillikdə hit-parada başçılıq edən ilk ifaçı olmasına imkan verib. Noyabrın 7-də alboma dəstək məqsədilə "Infinite Disco" onlayn konserti keçirilib. 5 dekabrda BBC Radio 2-də Qrehem Nortonun Saturday Morning Show adlı şousunda Minouq Disco albomundan üçüncü sinqlı "Real Groove" elan etdi. 31 dekabrda alban əsilli Britaniya müğənnisi Dua Lipanın iştirakı ilə striminq platformalarda həmin mahnıya remiksin premyerası keçirilib və bu mahnı "Studio 2054 Remix" adlandırılıb.

11 iyun 2021-ci ildə Minouq Ledi Qaqanın "Marry the Night" mahnısının kaver-versiyasını buraxıb. Mahnı Lady Gaganın Born This Way albomunun təkrar nəşrinə daxil olacaq.

Musiqi Stili

Təsirləri

VH1 Amerika musiqi kanalında müğənninin musiqi zövqünün formalaşması barədə sualına Minouq belə cavab verdi: "Mən 1981-ci ildən pop musiqisinə aludə olmuşam. Mən deyərdim ki, onda məni yalnız Prins, Adam + the ants, bütün "yeni romantika" dövrü maraqlandırırdılar. Bundan əvvəl Jackson 5, Donna Yay və atamın The Rolling Stones və The Beatles plastinkaları olmuşdu. Uşaqlıqda Minouq mikrofonun yerinə saç fırçasını tutaraq, özünü o dövrdə məşhur olan müğənni Olivia Nyuton-Con kimi təsəvvür etməyə alışmışdı. O həmçinin ABBA qrupunun mahnılarını sevirdi. Sonradan Madonna da müğənninin yaradıcılığına xeyli təsir göstərib: xüsusilə Rhythm of Love albomunu yazarkən Minouq Madonnanın Like a Prayer (1989) albomundan ilham aldığını etiraf edib. Minouqun keçmiş prodüseri Pit Uoterman "o, qarşısına yeni Prins və ya Madonna olmaq məqsədini qoymuşdu… məni təəccübləndirirdi ki, o, satışlarda Madonnanı dörd dəfə qabaqlayırdı, amma bununla belə onun kimi olmaq istəyirdi".

Minouq əməkdaşlıq etdiyi musiqiçilərdən onun bədii bacarıqlarının inkişafına səbəb olan Nika Keyvanı qeyd edir. Müəllif Şon Smit qeyd edib ki, "Keyv ona böyük yaradıcılıq təsiri göstərib, "Where The Wild Roses Grow" mahnısı isə onun ən sevimli kompozisiyalarından biridir". The Guardian-a müsahibəsində müğənni dedi: "O, şübhəsiz ki, mənim həyatımı gözəl və köklü şəkildə dəyişdi". 14-cü albomu Golden hazırlayarkən Minouq Amerika kantri-müğənnisi Dolli Partonun yaradıcılığından ilham alıb və onun üslubunu "rəqs meydanında Dolli Parton" adlandırdı. Minouqa həmçinin Keti Dennis, D Mob, Skritti Politti, Byork, Tricky, U2, Pizzicato Five və başqaları da təsir etmişdi.

Musiqisi və sözləri

Kayli Minouq 2018-ci ildə Golden Tour turu çərçivəsində konsertdə çıxış edir

Minouqun ilk iki studiya albomundakı demək olar ki, bütün kompozisiyaların müəllifləri Stok, Eitken və Uotermandır. Minouqun sözlərinə görə, debüt diski üçün mahnılar yalnız prodüserlər tərəfindən seçilmişdi. Özü isə R&B üslubunda daha "maraqlı" bir şey yazmaq istəyirdi, lakin Pit Uoterman onun bu fikrini dəstəkləmədi. Müğənni həmçinin özünü bu albomdan kənar hiss etdiyini iddia edir, çünki albom onun istədiyi kimi səslənmirdi. Üçüncü diski Rhythm of Love Minouqun özünün bəstələdiyi mahnılardan ibarət oldu ilk albom oldu. Diskin yazılmasında ABŞ-dən olan prodüserlər də iştirak edirdi: Kit Koen, Maykl Cey və Stefen Brey. Kris Tru bu albomun mahnılarının yaxşı göründüyünü və dinamik olduğunu söyləyirdi. Gələcəkdə Minouq növbəti diskləri üçün mahnılar yazmağa davam etdi. Belə ki, Let’s Get to It albomu üçün altı və Kylie Minogue albomu üçün səkkiz mahnı yazdı, lakin final Trek-listə onlardan yalnız biri, "Automatic Love" mahnısı düşdü. "Mən mahnı yazmağı sevirəm, amma ətrafında möhtəşəm müəlliflər olduqda bununla məşğul olmuram. Mən heç vaxt öz kompozisiyasımı başqasının mahnısından yalnız ona görə üstün tutmaram ki, onu məhz mən yazmışam. Impossible Princess albomunun retrospektiv dəyərləndirilməsində Kris Tru müğənninin mahnı müəllifi kimi yaradıcılğının yüksəlməsini qeyd edirdi.

Minouqun mahnıları ən çox sevgi və romantizm ətrafında qurulub . Classic Pop jurnalından Metyu Lindsey onun debüt albomunun kompozisiyalarının ayrılıq, xəyanət və xəyal qırıqlığı haqqında olduğunu deyirdi. Altıncı albomu Impossible Princess-in yazılmasından başlayaraq Kaylinin üslubu dəyişdi. Müğənni sözlərin yazılmasına daha ciddi yanaşmağa başladı . Minouq bu diskin yazılmasından əvvəl şeirlər yazırdı, amma onun təbirincə, "onların heç bir əhəmiyyəti yoxdu, sadəcə diqqətlə qafiyələnmiş sözlər idi, vəssalam". Diskin kompozisiyaları Asiya, Amerika və Avstraliyaya bir sıra səfərlərdən sonra Minouqun özünü kəşf etməsindən bəhs edir və eyni zamanda ifadə, münasibət və duyğu azadlığı mövzularına toxunur. Minouqun sonrakı mahnılarında sevgi, rəqs, əyləncə və seks kimi mövzulardan bəhs olunur. Müğənninin dediyinə görə, on dördüncü Golden albomu üçün əvvəlcədən planlaşdırmadan mahnı yazdı və onun sözləri əvvəlki mahnılardakından daha "orijinal" və "povestli" çıxdığını deyib.

Musiqi baxımından Minouq pop-musiqi və rəqs musiqinin bir çox janrlarında işləyib, lakin onun üçün ən səciyyəvi musiqi üslubu həmişə müasir disko olaraq qalırdı. Madison jurnalından Fiona Makdonaldın sözlərinə görə, Kayli "heç vaxt cəsarətli, lakin şübhə yaradan bəzi qərarları qəbul etməkdən çəkinmirdi". Musiqi səhnəsində şöhrət Minouqa babblgam-pop üslubunda mahnıların ifaçısı kimi gəldi və ilk vaxtlar o, "Stok-Eitken-Uoterman ulduzlar fabrikinin məhsulu" hesab edilirdi. Minouqun ilk iki albomuna dair rəylərində musiqi müşahidəçiləri müğənninin prodüser komandasından asılılığını və 1980-ci illərin səslənməsinə bağlı olduğunu qeyd ediblər. Sal Çinkvemani müğənninin debüt albomunu "yüksək enerji, səs italiya-disko sintezi və Motown melodiyaları ritmləri ilə birləşən Haus üslubunda" mahnılar toplusu adlandırdı. Minouqun ikinci studiya albomu Enjoy Yourself əvvəlki işlərinə çox bənzəyir: məsələn, Chris Tru diski debüt diskinə "yaxşı yoldaş" adlandırdı.

Minouqun üçüncü solo albomu Rhythm of Love babblgam-pop üslubundan daha müasir rəqs musiqisinə doğru keçidlə fərqlənir. Digital Spy saytından Nik Levin qeyd edir ki, bu albom Kaylinin "eyni şən pop musiqisini" təmsil edir, amma burada müəyyən bir irəliləyiş var: bir az daha çox rəqs səslənməsi, daha çox saksofon, gitara və həmçinin Stok, Eytken və Uoterman tərəfindən hazırlanmayan mahnılar. Smash Hits jurnalından Mark Endryus hesab edir ki, albom Minouqun əvvəlki işlərindən elə də fərqlənmir, çünki rəqs melodiyalarının əksəriyyəti tanış səslənmir, lakin diski "əla pop albomu" adlandırıb. Minouqun dördüncü albomu Let' Get to It musiqi stili müşahidəçilərin qeyd etdiyi kimi, Minouqun ilk işlərindən nyu-cek-svinq, hip-hop, Haus istifadəsi ilə fərqlənirdi. PopMatters-dən Co Suinin sözlərinə görə, bu albom Rhythm of Love ilə müqayisədə köhnəlmiş səslənir. Tənqidçilər sinqlların uğurlu seçimini və yaddaqalan kompozisiyalarını qiymətləndiriblər, lakin yetkin bir müğənninin auditoriyaya necə müraciət etməsindən narazıdırlar və bu albomu "ən azı postpubertal albom" adlandırıblar və digər prodüserlərlə "faydasız" əməkdaşlığı tənqid ediblər.

Minouqun beşinci albomunu tənqidçilər "vahid" və "dəbli" rəqs-pop albomu adlandırdılar. Let’s Get to It albomunda olmayan orta templi mahnı və atmosfer xüsusilə qeyd olundu. Minouqun altıncı studiya albomu Impossible Princess musiqi baxımından, müğənninin əvvəlki əsərlərindən trip hop və Techno təsirləri, həmçinin bir çox kompozisiyalarda güclü "gitara səslənməsi" ilə əhəmiyyətli dərəcədə fərqlənirdi. Slant jurnalından Sal Çinkvemani müğənninin "həm Brit-pop, həm də 1990-cı illərin ortalarının elektron musiqi istiqamətlərindən" ilhamlandığını və Minouqun Impossible Princess albomunu Madonna Ray of Light albomu ilə müqayisə edirdi. Müğənni bütün kompozisiyaların müəllifi olub və Şirli Menson və Garbage, Byork, Tricky, U2 və Yapon musiqiçiləri Pizzicato Five və Towa Tei yaradıcılıqlarından ilhamlanmışdı. Impossible Princess albomu müxtəlif musiqi üslubları ilə eksperimentlərə görə bir çox cəhətdən birmənalı qəbul edilməmişdir.

Meynstrim rəqs pop musiqisi janrına qayıtmağa qərar verən Minouq Light Years və Fever albomlarını buraxdı. Rəyçilər musiqi materialının yüksək keyfiyyətini və diskotekanın və hausdan tutmuş avro-pop və funkın təsirlərinə qədər fərqlənən mahnıların müxtəlifliyini xüsusi qeyd etdilər . Kris Tru Fever albomunu Light Years diskotekasının "sadə rəqs ritmləri" ilə qarışığı adlandırdı. Eyni zamanda, rəyçilər özünü təkrarlamaq, vokalların həddindən artıq işlənməsi və səsin monotonluğu kimi çatışmazlıqlara diqqət çəkdilər.

Minouqun doqquzuncu albomu olan Body Language əvvəlki musiqi təcrübələrindən əhəmiyyətli dərəcədə fərqlənirdi. Kris Trunun fikrincə, bu, elektronika və hip-hop vasitəsilə səslənməni genişləndirmək üçün uğurlu bir cəhd idi. Bu üslublara əlavə olaraq albomun kompozisiyalarında funk və R&B elementləri var idi. Sal Çinkvemani Body Language albomunun Minouqun 2000-ci ildən sonra yazdığı pop parçaları ilə alternativ/elektron albomu Impossible Princess arasında olduğunu yazırdı. Buraxılışın prodüserliyi və bütövlüyü barəsində yüksək təriflərə baxmayaraq, rəyçilər müğənninin səsinin həddindən artıq işlənməsinə, rəqs parçalarının çatışmamasına və pis balladaların olmasına işarə edirdilər . Minouqun onuncu albomu olan X, pop-rok və R&amp;B elementlərinin iştirakı ilə rəqs-pop və elektropop üslubunda hazırlandı. Müşahidəçilər mahnıların zəngin səslənməsini, cazibədar melodiyalarını və Minouqun sənətkarlığını qeyd etdilər. Məsələn, The Village Voice-dan Ceyms Hanter qeyd edib ki, albomu əla hala gətirən "bütün seksuallığına baxmayaraq" hazırlanma deyildi: "Sadəcə Kayli pop-rok melodiyalarını fantastik şəkildə 2008-ci il üçün uyğunlaşdırır. Onları yalnız əyləncəli bir parlaqlıq deyil, tamamilə həyati musiqi hesab edir." Rəyçilər əsas çatışmazlıq olaraq keçid mahnıların olmasını göstərdilər.

Minougun 11-ci və 12-ci albomları Aphrodite və Kiss Me Once-da Minouqun əvvəllər Light Years və Fever albomlarında üstünlük təşkil verdiyi müasir pop musiqisinə qayıdışı gözə çarpdı. Hər iki albom bir sıra tənqidçilər tərəfindən ifaçının diskoqrafiyasında ən yaxşılardan biri kimi dəyərləndirildi. Bununla yanaşı, ayrı-ayrı şərhçilər "köhnə" prodüserliyi və "artıq" mahnıları tənqid ediblər. Müğənninin 13-cü studiya relizi Kylie Christmas albomuna disko üslubunda Milad və EDM mahnıları daxil idi. Müşahidəçilər tərəfindən mahnıların janr rəngarəngliyi və ümumi bayram ab-havası qeyd edilib. Minouq 14-cü albomu Golden üçün kantri müslubundan ilham aldı, lakin albomda dans-pop janrının təsiri də vardı. Slant jurnalından Sal Çinkvemani yazır ki,"Golden müğənninin risk nüfuzunu daha da gücləndirir və onun disko üslubuna qaçılmaz qayıdışı üçün məharətlə zəmin hazırlayır". Golden həmçinin daha gənc artistlərə təqlidinə və ayrı-ayrı musiqi üslublarının uğursuz istifadəsinə görə tənqid olunub.

Səsi

Kayli Minouqun səsinin Sopranosu 3 oktavadan ibarət vokal diapazonuna malikdir.

Kayli karyerasının əvvəlində zəif vokal bacarıqlarına görə tez-tez tənqid olunurdu. Debüt albomunun çıxmasından sonra müğənni öz texnikası üzərində işləməli olduğunu hiss etdi. Zəif tərəflərini bildiyini və "daha yaxşı oxumaq" istədiyini etiraf etdi. Tənqidçilər "Look My Way" mahnısnda müğənninin səsinin "daha çox gücə ehtiyacı olduğunu", lakin Stok, Eytken və Uatermanın tipik kompozisiyalarındakından fərqli olaraq "daha isti və daha ürəkli" səsləndiyini qeyd etdilər. Minouqun ikinci və üçüncü studiya albomlarını nəzərdən keçirən bəzi tənqidçilər ifaçının səsində güc və özünəinam qazandığını qeyd etdilər , lakin bu fikri bölüşməyənlər də var idi. Minouqun beşinci albomunu nəzərdən keçirən Sal Çinkvemani qeyd edib ki, "Minouqun bəzi mahnıları hazırlamaq üçün vokal qabiliyyətinin olmamasına baxmayaraq, "Dangerous Game" və "Automatic Love" kimi skripka səsləri ilə dolu mahnılarda vokal qabiliyyətinin üst səviyyəsində oxuyur." Minouq ilə birlikdə çalışmış Stiv Anderson qeyd edir ki, mahnı yazmağa ilk başladıqları zaman müğənni burundan oxuyurdu, lakin zaman keçdikcə müğənninin mahnı oxumağı daha da yaxşılaşdı. Impossible Princess albomunun icmallarında ifaçının vokal səsində irəliləyiş olması və səs diapazonunun artması qeyd edilirdi . Sal Çinkvemani deyir ki, Minouq özünün bütün vokal bacarıqlarını və çatışmazlıqlarını bilir və onun səsi ustalıqla "komfort zonasını" tərk etmir. PopMatters-dən Ceyson Tompson bildirib ki, Minouq heç vaxt güclü səsə malik olmamasına baxmayaraq, "gözəl oxuyur və cazibədar melodiyalar və cəlbedici emosionallıqla özünü necə ifadə edəcəyini bilir". The Abbey Road Sessions toplusunun icmalında Virgin Media-dan Metyü Horton Kaylinin "isti və cazibədar bir səslə oxuduğunu" yazdı və bəzən onun səsində "incə bir burun çalarları" olduğunu qeyd etdi . The Herald Sun qəzaetində Kameron Adams bu diski Minouqun bu günə qədərki ən vokal albomu adlandırdı. Minouqun Anti Turdakı çıxışına bir baxış keçirərkən Maykl Uilton qeyd edib ki, "Kayli ən yaxşı qadın pop vokalçılarından biri olaraq tarixə düşməsə də, onun öz səsini və vokalı idarə etməsi əhəmiyyətli dərəcədə yaxşılaşıb və əksər hallarda bəlkə də öz gözləntilərini də ötüb".

İctimai imici

Doklands şəhərində Kayli Minouqun tunc heykəli

Kayli Minouq həm musiqi üslubunu, həm də səhnə imicini tez-tez dəyişirdi. The Age qəzetindən Larisa Dubetski müğənnini "reinkarnasiyanın anası" adlandıraraq qeyd edir: "Məşhurlar köpək balıqları kimi bir yerdə qala bilmirlər: ya hər zaman hərəkət etməli və ya ölməlidirlər. Kayli çoxlu personajlar yaratmaqla öz rəqiblərini geridə qoydu". Şon Smit Minouqun populyarlığının sirrinin "imicini istədiyi vaxt dəyişdirə bilməsində" olduğunu deyib. Eyni şəkildə, The Huffington Post qəzetinin əməkdaşı Mett Beqvell müğənninin uğurlara davam etməsinin açarının "daim yenidən düşünmək" olduğunu irəli sürdü. Li Baron öz məqaləsində Minouqun daim dəyişən obrazı ilə pop musiqisində imic dəyişikliyinə bir nümunə olduğunu qeyd edib.

Karyerasının başlanğıcında Minouq "Qonşular" serialında çəkilişlər zamanı "süni şəkildə yaradılmış pop-ulduz obrazıının istismarçısı" kimi tanındığına görə bir müddət çətinlik çəkirdi. Minouq özü də belə qiymətləndirmə ilə razılaşaraq onu belə əsaslandırırdı: "Əgər sən səsyazma leyblinin bir hissəsi olursansa, düşünürəm ki, müəyyən dərəcədə haqlı olaraq demək olar ki, sən süni məhsul yaratmısan. Sən məhsulun özüsən və həmin məhsulu satırsan. Bu o demək deyil ki, sənin istedadın yoxdur və sən nə etməyinə və ya etməyəcəyinə dair qərarları özün verə bilməzsən".

Minouq özü üçün faydalı obraz həllini fotostudiyalarda topladı. 1993-cü ildə Baz Lurman onu Merilin Monro ilə işləməklə tanınmış Bert Şternom adlı fotoqrafla tanış etdi. Los-Ancelesdə müğənninin şəklini çəkən Ştern onu əfsanəvi kinoaktrisa ilə müqayisə etdi və qeyd etdi ki, Minouqda müdafiəsizlik və erotizm harmoniyası var. Sonralar Minouq yeni "obraz" yaratmaq üçün başqa fotoqraflara da müraciət etdi və alınan fotoşəkillər müasir jurnallarda çap olundu. Bununla Minouqun üzü və adı geniş auditoriyada insanlara tanış edildi. Kaylinin stilisti Uilyam Beyker deyir ki, bu müğənninin məşhurlaşmasının əsas səbəblərindən biri olub, çünki digər müğənnilər birinci növbədə öz albomlarının satışı ilə maraqlanırdılar.

İmicin dəyişməsi və bilavasitə "qonşu həyətdən olan qızlar"-dan daha incə ifaçıya keçid Minouqun şou-biznesdə mövqelərini saxlamağa və yeni pərəstişkarları cəlb etməyə kömək edirdi. Üçüncü albom buraxıldıqdan sonra, müğənni "babblgam-pop üslubundakı sevimli imicini daha yetkin və öz növbəsində daha seksual istiqamətə dəyişdirməyə başladı". Kris Tru hesab edir ki, Maykl Xatçenslə münasibətdə olduğu dövrdə "onun ilk iki albomunda üstünlük təşkil edən ismətli qadın obrazının itirilməsi yalnız mətbuatın və azarkeşlərin ona yanaşmasına deyil, həm də onun musiqisinin təkamülünə təsir göstərməyə başlayıb". 2000-ci ildə "Spinning Around" videoklipinin buraxılmasından sonra Minouq mətbuatda "SeksKayli" adlandırıldı və onun sonrakı kliplərində seksuallıq daha aydın element oldu. 2002-ci ilin sentyabrında müğənni VH 27 kanalının versiyasına görə "100 ən seksual ifaçı" siyahısında 1-ci yeri tutub. 2003-cü ildə isə həmin telekanalın sorğusuna əsasən, o, musiqi səhnəsində ən seksual məşhur şəxs kimi tanınıb. Amerika jurnalı Men’s Health müğənnini "bütün dövrlərin 100 ən cəzbedici qadınların"dan biri adlandırdı, lakin onun stilisti Uilyam Beyker seks simvolstatusunu "iki ucluqlu çubuq" hesab edirdi . O qeyd edirdi ki, onun özü Kayli Minouq ilə birlikdə musiqi və yazıların satışı üçün onun cinsi cəlbediciliyini istifadə etməyə çalışırdılar, lakin "indi Kaylinin seksuallığının onu bir pop müğənnisi kimi arxa plana atması təhlükəsi var, Kayli isə ancaq bir pop müğənnisidir.

People jurnalında qeyd edilir ki, Minouq "zərif qadının obrazını və dünya pop-ulduzu statusunu özündə birləşdirməyi çox gözəl bacarır". Jurnalın şərhçisinin fikrincə, müğənni həmişə "gözəl paltarlardan" geyinib və onun geyimində "təkrarolunmaz incəlik", "ayaqqabıların və ya kəmərin qəribə seçimi" olub. BBC News-dan Fiona Prior qeyd edib ki, "dizaynerlər onun üçün paltar yaratmaqla dəridən-qabıqdan çıxırdılar". Dizayner Piter Morrisi belə bir fikirlə bölüşdü ki, dizayner geyimlərini geyinən bir çox insanlardan fərqli olaraq, Minouq ətrafdakılarda təəssürat yaratmaq üçün həmişə özünüifadə məqsədi ilə geyim seçirdi. Stilist Nikol Boniton-Haynsa görə "onun geyim üslubundakı təkamül əsasən insanın təkamülü ilə yanaşı baş vermişdir. Şirin bir gənc qızdan, o seksual, özünə güvənən bir qadına çevrildi. Bütün bunlar həqiqət idi, o gözümüzün önündə böyüdü".

Karyerası boyunca Kayli Minouq tez -tez Madonna ilə müqayisə olunur. 1991-ci ildə müğənninin "Minogue Rhythm of Love" turu Blond Ambition World Tour Amerika ulduzları turu ilə güclü oxşarlıqlara malik olması səbəbiylə tənqidçilər Kaylini özünü Madonnaya oxşatmağa çalışdığı üçün tənqid etdilər. Eyni zamanda, The Telegraph qəzetində Minogue və Madonnanın musiqidə və geyimdə oxşar üslublara sahib olduğunu qeyd edən Keti Makkeyb "etapaj baxımından onlar pop mədəniyyətinin şkalasının fərqli uclarında olduqlarını" yazırdı. Onun fikrincə Minouqun klipləri kimisə şoka sala bilər, amma dünyanın heç bir sənətçisi Madonna qədər din və siyasət mövzusunda polemikaları qızışdırmır. Sadəcə Madonna qaranlıq, Kayli isə işıqlı bir qüvvədir. Rolling Stone jurnalı irəli sürdü ki, Amerika Birləşmiş Ştatları istisna olmaqla, Minouq bütün dünyada "Madonna ilə rəqabət edən bir parlaq sima" hesab edilir. Madonna kimi, Minouq də virtuoz ifaçı deyildi, amma trendləri ustalıqla təxmin edirdi. Minouq özü Madonna barədə bu sözləri deyirdi: "Onun bütün dünyadakı, pop musiqisi və modadakı böyük təsiri, onun yaratdığı tendensiyalardan kənarda qala bilməyəcəyimi göstərirdi. Madonnaya həqiqətən heyranam, amma o hər şeydən əvvəl mənim kimi ifaçıları çətin vəziyyətə saldı: Madonna artıq edilə biləcək hər şeyi etmişdi ". O həmçinin bunları dedi: "Madonna bir pop kraliçasıdır, mən isə bir şahzadəyəm və bundan çox məmnunam" .

Londonda Madam Tüsso muzeyində Minoqun mum heykəli

Müğənninin dünya şöhrəti onun mum və bürüncdən olan bir neçə obrazı ilə sübut olunur. 2007-ci ilin yanvar ayında Minouqun dördüncü mum heykəli Madam Tüsso Muzeyinə təqdim edildi: yalnız II Yelizavetanın bundan daha çox sayda heykəli var idi. Elə həmin ay Uembli Arenanın "Şöhrət Meydanı"nda müğənninin əlinin bürünc tökmə izi peyda oldu. 23 noyabr 2007-ci ildə Melburnda daimi sərgidə Minouqun bürünc bir fiquru təqdim edildi.

Minouq uzun illər yaşadığı və işlədiyi Britaniyada 2001-ci ildə Uels Universitetinin akademiki Terri Breverton tərəfindən tərtib edilən Uelsin bütün zamanların ən böyük qadınlarının siyahısına başçılıq etdi. 2010-cu ilin mart ayında, məşhurların tanınması ilə bağlı Millward Brown firmasının araşdırmasında müğənni "Britaniyadakı ən nüfuzlu məşhur" oldu. Bu şirkətin baş direktoru Mark Hasek belə şərh etdi: "Kayli çox vaxt Britaniyada demək olar ki, özününkü sayılır. İnsanlar onu tanıyır, sevir və ətrafı xeyirxah maraqla əhatə olunur".

Populyar mədəniyyətə təsiri

Kayli Minouq pop musiqisində bir neçə epitetə layiq görülmüşdür. 2000-ci ildə Birmingham Post qəzetində yazırdılar: "Uzun vaxtlar öncə, Britni Spirs, Kristina, Cessika yaxud Mendi peyda olmazdan əvvəl, çartların liderliyində Avstraliyalı müğənni, pop şahzadə Kayli Minouq idi. Hələ 1988-ci ildə onun "I Should Be So Lucky" adlı sinqlı beş həftə ardıcıl olaraq birinci yerdə olmaqla Britaniya hit-paradlarında onu ən uğurlu ifaçı edib". Yaradıcı direktor Uilyam Beyker "Better the Devil You Know" haqqında danışaraq onu belə şərh etdi: "Mahnı rəqs meydançalarına yaxşı keçid etdi və Kaylinin diskonun yeni kraliçası kimi uzunmüddətli liderliyinin carçısı oldu". The Guardiandan Everett Tru deyir ki, "Can' t Get You Out Of My Head" mahnısının uğuru pop musiqisinə "ciddi" tənqidçilərin münasibətini dəyişdirdi: indi prodüserlər tərəfindən uydurulmuş sənətkarlıq postmodern hörmət qazanmışdı, süni (qadın) pop musiqisini isə "əsl" (kişi) rokuna bərabər tuturdular; hər iki janrda güclü və zəif cəhətlər tapırlar. AllMusic' in saytından Con O 'Brayen Kylie: The Albums 2000–2010 albomlar toplusu haqqında bildirib ki, "diskdə onu bütün dövrlərin ən yaxşı pop şahzadələrindən biri elan etmək üçün kifayət qədər məqam var". Tim Sendra The Best of Kylie Minogue toplusunu nəzərdən keçirərkən Minouqu "dövrünün ən yaxşı pop müğənnisi" adlandırdı. Mətbuatda da müğənni bəzən "Pop musiqisinin ilahəsi/Pop ilahəsi"adlandırılır.

Kayli Minouq həm musiqi ifaçılarına, həm də digər incəsənət xadimlərinə təsir göstərmişdir. Amerika fotomodeli və aktrisası Peris Hilton müsahibələrində tez-tez deyib ki, Minouqun böyük pərəstişkarıdır və onunla birgə albom yazmaq istəyir. Dua Lipa, Elis Çeyter, Rina Savayama, Kim Petras, Melani Si, September, Diana Vikers, Slayyyter, Pablo Vittar və The Veronicas kimi ifaçılar onların musiqi üslubuna Minouqun təsirini qeyd ediblər. Amerika şairi Kevin Killan Minouqun yaradıcılığından ilham alaraq iki kitab yazdı: Action Kylie və Qeyri-Mümkün Şahzadə. 2001-ci ildə Avstraliyalı rəssam Keti Temin öz əsərini müğənniyə həsr edib və onu, həmçinin bir neçə digər işlərini Avstraliya Müasir İncəsənət Muzeyinə təqdim etdi. 2007-ci ildə fransız avanqard-gitaraçı Noel Akşote Minouqun mahnılarının gitarada solo ifa etdiyi versiyaları daxil olan So Lucky adlı albom buraxdı.

Kayli Minouqun xatirə əşyaları sərgidə

Minouqun təsiri pop musiqisindən kənara çıxdı . Müğənnini "stil ikonu", trend yönləndiricisi adlandırırdılar. The Sydney Morning Herald- dan Paula Coyun fikrincə, "onun obrazı və musiqisinin birləşməsi dövrümüzün ruhunun üslubuna böyük töhfə verdi". 2001-ci ildə Elle Style Awards mükafatlandırma mərasimində Minouqa ilin ən dəbli müğənnisi titulu verildi. Love Kylie alt paltarı məhsulları həm adi alıcılar, həm də tanınmışlar arasında məşhur idi . 2000-ci ildə videosu uğur qazanan "Spinning Around" klipindəki qızılı şort sayəsində "kult" kimi tanındı və müğənninin "ticarət nişanı" oldu. 2014-cü ildə Britaniya mağazalar şəbəkəsi Debenhams tərtib etdiyi günümüzün dəbinə və üslubuna təsir edən on məşhur geyimlər siyahısında bu şortlar birinci yeri tutmuşdur Entertainment Weekly-dən Ernest Macias qeyd etdi ki, "Minogue özünü fərqli üslub hissi və təkrarolunmaz diskoteka-pop səsi ilə əbədi bir ikona kimi göstərdi". Madison jurnalından Fiona Makdonald Minouqu "dünyanın öz adı ilə tanıdığı azsaylı qadın müğənnilərdən biri" adlandırdı. Bununla belə, dünya musiqisinin super ulduzuna, stil ikonasına və fəxri britaniyalıya çevrilməsinə baxmayaraq, Kayli hələ də evkalipt və ya isti gündə manqal qoxusu qədər avstraliyalı kimi səslənir". The Sydney Morning Herald- dan Dino Skatena, dörddə bir əsr əvvəl bir-biri ilə əlaqəli hadisələrin Avstraliya pop mədəniyyətini yenidən formalaşdırdığını və bu hadisələrin 19 yaşlı Melburn serial aktrisasını qlobal pop simvoluna çevirdiyini təklif etdi. Skatena yazır: "Kimin ağlına gələrdi ki, bu kiçik, sadə düşüncəli, 80-ci illərə xas kimyası və şübhəli vokal bacarığı olan Qonşular serialı ulduzu ən uğurlu avstraliyalı ifaçı və dünyaca məşhur stil ikonasına çevriləcək?".

2012-ci ildə Kayli Minouq musiqi sənayesinə verdiyi töhfələrə görə Silver Clef Award mükafatını aldı

Minouq Qremmi mükafatı, üç dəfə Brit mükafatı, on yeddi dəfə ARIA Musiqi Mükafatı, iki dəfə MTV Video Musiqi Mükafatı və iki dəfə MTV Avropa Musiqi Mükafatı daxil olmaqla bir sıra mükafatlar qazanmışdır. Müğənni altı dəfə Mo Awards mükafatının laureatı olub; 2001 və 2003-cü illərdə Avstraliyada İlin İfaçısı mükafatını aldı. 2007-ci ildə Kayli Minouq ilk dəfə Music Industry Awards mükafatını alan qadın oldu və "pop musiqisi və üslubunun simvolu" kimi qəbul edildi. 2017-ci ilin aprel ayında Britaniya-Avstraliya Cəmiyyəti iki ölkə arasında münasibətlərin və qarşılıqlı anlaşmanın yaxşılaşdırılmasına verdiyi töhfəyə görə 2016-cı ildə Minouqu mükafatlandırmaqla onu belə tərif etdi: "Britaniya-Avstraliya əlaqələrinə mühüm töhfə vermiş məşhur müğənni, bəstəkar, aktrisa, iş qadını və hər iki ölkədə tanınan ulduz.

2012-ci ilin iyun ayında Official Charts Company bütün zamanların ən uğurlu single ifaçılarının reytinqini dərc etdi; Kayli Minouq bu siyahıda 12-ci yeri tutdu. Həmin ilin oktyabrında Minouq Böyük Britaniyada kommersiya baxımından ən uğurlu qadın ifaçıların reytinqində üçüncü yeri tutdu; onun sinqlları 10,2 milyon nüsxədə satıldı. Britaniya Fonoqram Assosiasiyasının məlumatına görə, Minouq cəmi 27 sertifikatlaşdırılmış mahnıya malikdir. Billboard jurnalının məlumatına görə, 2013-cü ilə qədər bütün dünyada müğənninin 70 milyondan çox mahnısı satılıb. Digər mənbələrə görə, satılan mahnıların sayı 60 milyon nüsxədən artıqdır. 1988-ci ildə Kayli Minouq debüt albomu Britaniya hit-paradlarına başçılıq edən ən gənc qadın ifaçı oldu. 2004-cü ildə Minouq Avstraliya Səsyazma Sənayesi Assosiasiyasının (ARIA) hit-paradlarında lider olan ən çox sinql sayı rekorduna sahib idi. Ümumilikdə onların sayı doqquza bərabər idi.

2011-ci ilin yanvarında Minouq ən çox onilliklər ərzində albomları ardıcıl olaraq Britaniya hit-paradlarının ilk beşliyinə daxil olan müğənni kimi Ginnesin Rekordlar Kitabına daxil edildi. Həmin ilin noyabrında 25-ci ARIA Musiqi Mükafatlandırma müsabiqəsində müğənni ARIA Hall of Fame daxil edildi. 2012-ci ilin fevralında VH1 kanalı Minouqa Musiqidə 100 Ən Məşhur Qadın siyahısında 47-ci və Video Dövrünün 50 Ən Böyük Qadını siyahısında 49-cu yerini verdi . 2016-cı ilin dekabrında Billboard jurnalı Minouqa bütün zamanların 18-ci ən uğurlu rəqs musiqisi sənətçisi yerini verdi. The Sydney Morning Herald-dan Paula Coy Minouqu "bütün zamanların ən uğurlu avstraliyalı qadın ifaçısı" adlandırdı. Kanal 4 müğənnini dünyanın ən böyük pop ulduzlarından biri adlandırdı.

Minouqun mahnıları tez-tez ən böyük musiqi siyahılarında və tanınmış nəşrlərin reytinqlərində ilk yerləri tuturdu. 2011-ci ildə müğənni ABŞ musiqi aləminin tarixinə daxil oldu: onun iki mahnısı, "Better than Today" və "Higher" eyni vaxtda Amerika rəqs çartının ilk üçlüyündə idi, hit-paradlarda isə müvafiq olaraq birinci və üçüncü sıraları tuturlar. Elə həmin il "I Should Be So Lucky" kompozisiyası Avstraliya Milli Foto və Audio Sənədlər Arxivinə daxil edildi. 2012-ci ilin yanvarında NME jurnalı "Can't Get Out Of My Head" sinqlını tarixdə dördüncü ən məşhur pop mahnısı olaraq sıraladı. PRS for Music sorğusuna görə, "Can't Get Out Of My Head" 2000-ci illərdə ən çox dinlənilən mahnı olub. 2016-cı ildə bu mahnı London Universiteti, Tübingen Universiteti və digər elmi mərkəzlərin alimlərinin araşdırmalarının nəticələrinə əsasən tərtib edilmiş ən çox asılılıq yaradan mahnılar siyahısında ikinci yeri tutmuşdur. Böyük Britaniyada 2001-ci ildə bu ölkədə üçüncü ən çox satılan sinql və ən çox dinlənilən mahnı seçildi. Musiqi xidməti Yahoo! Musiqi 2000-ci illərin ən çox satılan sinqlları siyahısında mahnını 20-ci yerdə yerləşdirdi. 2012-ci il etibarilə "Can't Get You Out Of My Head" mahnısı Böyük Britaniyada bütün zamanların ən çox satılan 100 sinqlı cədvəlində 72-ci yerdə idi. 2020-ci ilin may ayında The Guardian bu mahnını Böyük Britaniyanın Çartlarında Birinci Olmuş Ən Yaxşı 100 Sinqlı arasında 17-ci yerdə yerləşdirdi. Sunday Times Rich List, reytinqinə əsasən 2016-cı ildə Minoqun ümumi sərvəti 55 milyon funt-sterlinq idi.

Dövlət mükafatları

• Yüzillik medalı (Avstraliya, 1 yanvar 2001) — "musiqi sahəsində xidmətinə görə" .
• Britaniya İmperiyası ordeni, Mülki Bölmə Zabiti dərəcəsi (Böyük Britaniya, 29 dekabr 2007) — "musiqi sahəsində xidmətlərinə görə" .
• İncəsənət və Ədəbiyyat Ordeni Kavaler dərəcəsi (Frans), 5 may 2008).
• Avstraliya ordeni zabit dərəcəsi (Avstraliy), 26 yanvar 2019-cu il) — "Milli və xarici səsyazma saytlarında sənətkar və ifaçı kimi İfaçılıq Sənətində Fərqli Xidmətlərinə" görə.

Şəxsi Həyatı

Sevgi və ailə

Kayli Minouqun Avstraliyada operator işləyən Brenden adlı kiçik qardaşı və avstraliyalı müğənni və teleaparıcı Denni adlı kiçik bacısı var .

1986–1989-cu illərdə Kayli Minouq Qonşular serialında birlikdə rol aldığı aktyor Ceyson Donovan ilə münasibətdə idi. 1987-ci ilin iyulunda müğənni INXS qrupunun vokalisti Maykl Hatçens ilə tanış oldu, 1989-cu ilin sentyabrında Honq-Konqda onlar romantik münasibətlər yarandıvə 1991-ci ildə cütlük ayrıldı. Buna baxmayaraq, onlar 1997-ci ildə Hatçensin ölümünə qədər dost olaraq qaldılar. 1995-ci ildə Minouq fransız fotoqrafı Stefan Sednaui ilə görüşməyə başladı, bu da onu yaradıcılıq qabiliyyətlərini inkişaf etdirməyə ruhlandırdı . 1997-ci ilin oktyabrında onların münasibətləri sona çatdı . 2000-ci ilin martında o, model Ceyms Qudinq ilə birlikdə idi və 2002-ci ilin mayında onlar ayrıldıqlarını elan etdilər . 2003-cü ildə Qremmi mərasimində müğənni fransız aktyoru Olivye Martines ilə tanış oldu. Minouq 2007-ci ilin fevralında ondan ayrıldı və "mətbuatın onun xəyanəti ilə bağlı yalan ittihamlarından üzüldüyünü" bildirərək, xərçənglə mübarizə zamanı göstərdiyi dəstəyə görə Martinesə minnətdarlığını bildirdi . 2008-ci ildən 2013-cü ilə qədər Minouq model və aktyor Andres Velenkoso ilə görüşdü. 2015-ci ilin noyabrında Minoqun britaniyalı aktyor Coşua Sass ilə münasibətdə olması xəbərləri yayıldı. 20 fevral 2016-cı ildə The Daily Telegraph qəzeti "Gələcək Toylar" bölməsində onların nişanlandıqlarını elan etdi, lakin bir il sonra müğənni keçmiş nişanlısının xəyanətinə görə bu nişanı ləğv etdi. 2018-ci ilin fevral ayından Minouqun sevgilisi GQ jurnalının Britaniya nəşrinin kreativ direktoru Pol Solomonsdur . 2021-ci ilin fevral ayının əvvəlində cütlüyün nişanlandığı məlum oldu.

Müğənni heç vaxt ailə həyatı qurmayıb və övladı yoxdur.

Sağlamlığı

2005-ci ilin may ayında 36 yaşlı Kayli Minouqa döş xərçəngi diaqnozu qoyuldu. Bununla əlaqədar olaraq, müğənni Showgirl: The Greatest Hits Tour turnesini dayandırmağa və Qlastonberi festivalındakı çıxışını ləğv etməyə məcbur oldu. Minoqun Melburnda xəstəxanaya yerləşdirilməsi və müalicəsi qısa müddət ərzində medianın ona daha çox diqqətini cəlb etdi. Xüsusilə, Avstraliyada o zamankı Baş nazir Con Hovard dəstək bəyanatı verdi Müğənninin fanatları və media nümayəndələri onun iqamətgahının həyətinə toplaşmağa başlayandan sonra Viktoriya ştatının baş naziri Stiv Braks beynəlxalq medianı xəbərdar etdi ki, Avstraliya məxfilik qanunlarına uyğun olaraq Minouq ailəsinin hüquqlarının pozulmasına yol verilməyəcək.

21 may 2005-ci ildə Malverne xəstəxanasında Minouq cərrahiyyə əməliyyatı keçirdi və qısa müddət sonra kimyaterapiya ilə müalicəyə başladı. 8 iyul 2005-ci ildə müğənni Royal Melbourne Uşaq Xəstəxanasının onkologiya şöbəsinə gələrək əməliyyatdan sonra ilk dəfə ictimaiyyət qarşısına çıxdı. Tezliklə o, Fransaya qayıdır və orada Parisin yaxınlığındakı Villejuifdə Güstav-Russi İnstitutunda kimyaterapiya kursu keçir. 2006-cı ilin yanvarında onun mətbuat agenti Minouqun kimyaterapiya kursunun başa çatdığını elan etdi, lakin müğənni növbəti bir neçə ay ərzində müalicəsini davam etdirirdi . Müğənni Avstraliyaya qayıtdıqdan sonra xəstəliyindən danışaraq, kimyaterapiya müalicəsində sanki "nüvə bombasının partlayışını" yaşadığını dedi.

Xəstəliyi və müalicəsi haqqında ətraflı danışan Minouq bütün dünyada böyük rəğbət qazandı. 2008-ci ilin may ayında Fransanın Mədəniyyət Naziri Kristin Albanel bunu belə şərh etmişdir: "Həkimlər indi hətta deyirlər ki, gənc qadınları daim yoxlanılmağa təşviq edən "Kayli effekti" var" . Oxşar diaqnoz qoyulan televiziya aparıcısı Culiana Rançiç Minouqun yaşadıqlarını "ruhlandırıcı hekayə" adlandırıb .

2011-ci ildə Kayli Minouq döş xərçənginin qarşısının alınmasının populyarlaşdırdığı üçün Anqliya Raskin Universitetinin fəxri doktoru dərəcəsini alıb .

Xeyriyyəçiliyi

Kayli Minouq 2015-ci ildə San-Paulu Amfar qala konsertində

Minouq xeyriyyə işlərində fəal iştirak edir. 1989-cu ildə müğənni Xeyriyyə kampaniyası "Band Aid II"-yə pul toplamağa kömək üçün "Do They Know It’s Christmas? " bəstəsinin yazılmasında iştirak edir. 26 dekabr 2004-cü ildə baş vermiş fəlakətli sunamidən sonra müğənni Taylandda bir həftə keçirir. 2008-ci ildə Minouq zorakılığa məruz qalmış uşaqlar üçün pul toplama kampaniyasına dəstəyini açıqladı, toplanan məbləğ Böyük Britaniyanın ChildLine xeyriyyə təşkilatlarına və Uşaqlara Zorakılığın Qarşısının Alınması üzrə Milli Cəmiyyətə bağışlandı. Mənbənin məlumatına görə, 93 milyon dollara yaxın vəsait toplanıb. Müğənni layihədə iştirakının səbəbi barədə danışarkən deyib: "Kiməsə zorakılığa məruz qaldığını söyləmək üçün özündə cəsarət tapmaq, uşağın verəcəyi ən çətin qərarlardan biridir".

2010-cu ilin əvvəlində Minouq və "Helping Haiti" qrupunun digər sənətçiləri Haitidəki zəlzələ qurbanlarına kömək üçün "Everybody Hurts" mahnısına kaver versiyasını hazırladı. 2011-ci ildə Yaponiyada Minoqun Afrodita Dünya Turu zamanı Honsyu adasının şərq sahillərində zəlzələ baş verdi. Bununla belə, müğənni orada çıxışını davam etdirəcəyini bildirib: "Bura konsertlə çıxış etməyə gəlmişdim və onu ləğv etməmək qərarına gəldim. Niyə buna qərar verdim? Bu barədə çox düşündüm və bu, asan qərar deyildi". Orada olarkən Minouq Avstraliyanın Baş Naziri Culiya Qillard ilə birlikdə Avstraliya səfirliyində keçirilən xeyriyyə tədbirinə qonaq kimi qatıldı.

2010 və 2012-ci illərdə Kayli Amerika QİÇS Araşdırmaları Fondu (Amfar) tərəfindən təşkil edilən QİÇS xəstələrinə dəstək konsertində çıxış etdi.

2005-ci ildən bəri Minouq xərçəng xəstələrinə dəstək layihələrində sponsor olur. 2010-cu ilin may ayında müğənni süd vəzisi xərçəngi ilə mübarizə üçün xeyriyyə kampaniyası keçirdi və bunu belə şərh etdi: "Döş xərçəngi ilə mübarizədə iştirak etmək mənim üçün çox şey deməkdir! Mən Breakthrough Breast Cancer şirkətinin həyati əhəmiyyətli pul toplama səylərini ürəkdən dəstəkləyirəm. Bu kampaniya çərçivəsində müğənni Mario Testino ilə birlikdə fotosessiyada iştirak edir. 2014-cü ilin aprelində Minouq xərçəng üzərində elmi araşdırmaları dəstəkləyən One Note Against Cancer-a dəstək üçün yeni xeyriyyə kampaniyasına başladı. Aksiya çərçivəsində müğənni "Crystallize" mahnısını çıxarıb və ona klip çəkdirib.

2019-cu ilin iyul ayında Kayli Minouq və Qlastonberi Festivalındakı digər ifaçılar "birdəfəlik moda" ilə mübarizə çərçivəsində öz səhnə geyimlərini və konsert avadanlıqlarını Oksfam təşkilatına bağışladılar. 2020-ci ilin yanvar ayında Minouq və ailəsi Avstraliyada meşə yanğınlarının qarşısını almaq üçün 500.000 dollar ianə etdilər. Elə həmin ilin noyabrında Kayli Minouq digər ifaçılarla birlikdə "BBC Children in Need" xeyriyyə təşkilatı üçün "Stop Crying Your Heart Out" adlı sinqlın çəkilişində iştirak etdi.

Diskoqrafiya

Studiya albomları

• 1988: Kylie
• 1989: Enjoy Yourself
• 1990: Rhythm of Love
• 1991: Let’s Get to It
• 1994: Kylie Minogue
• 1997: Impossible Princess
• 2000: Light Years
• 2001: Fever

• 2003: Body Language
• 2007: X
• 2010: Aphrodite
• 2014: Kiss Me Once
• 2015: Kylie Christmas
• 2018: Golden
• 2020: Disco

Filmoqrafiya

• 1989: Disco in Dream
• 1990: Enjoy Yourself Tour
• 1991: Rhythm of Love Tour
• 1991: Let's Get to It Tour
• 1998: Intimate and Live Tour
• 2001: On a Night Like This
• 2002: KylieFever2002
• 2005: Showgirl: The Greatest Hits TourShowgirl: The Homecoming Tour
• 2008–2009: KylieX2008
• 2009: For You, For Me
• 2011: Aphrodite: Les Folies Tour
• 2012: Anti Tour
• 2014–2015: Kiss Me Once Tour
• 2015: Kylie Summer 2015
• 2015–2016: A Kylie Christmas
• 2018: Kylie Presents: Golden
• 2018–2019: Golden Tour
• 2019: Summer 2019

Biblioqrafiya

• Minogue, Kylie. Kylie. — Darenote Ltd., 1999. — ISBN 978-1861541376.
• Baker, William (ing.); Minogue, Kylie. Kylie: La La La (ing.). — Hodder & Stoughton (ing.), 2002. — ISBN 978-0-340-73440-7.
• Minogue, Kylie. The Showgirl Princess (ing.). — Puffin Books (ing.), 2006. — ISBN 978-0141383194.
• Minogue, Kylie; Gaultier, Jean-Paul; Baker, Minogue. Kylie / Fashion (ing.). — Thames & Hudson (ing.), 2012. — ISBN 978-0762449118.

Ədəbiyyat

• Baker, William; Minogue, Kylie. Kylie: La La La. Hodder & Stoughton. 2002. ISBN 978-0-340-73440-7.
• Brown, Tony; Kutner, Jon; Warwick, Neil. The Complete Book of the British Charts Singles and Albums. Omnibus Press. 2002. ISBN 978-0-7119-9075-3.
• Copley, Paul. Marketing Communications Management: Concepts and Theories, Cases and Practices. Butterworth-Heinemann. 2004. ISBN 978-0-7506-5294-0.
• Goodall, Nigel; Stanley-Clarke, Jenny. Kylie – Naked: A Biography. Andrews UK Limited / Ebury Press. 2012. ISBN 1-849-892-997.
• Shuker, Roy. Understanding Popular Music. Routledge, Second Edition. 2001. ISBN 978-0-415-23509-9.
• Sean, Smith. Kylie. Simon and Schuster. 2014. ISBN 978-1471135804.
• Sean, Smith. Kylie Confidential. Michael O'Mara Books Limited. 2002. ISBN 978-1-85479-415-4.
• Sutherland, Byrony; Ellis, Lucy. Kylie: Showgirl. Omnibus Press. 2002. ISBN 978-0-7119-9294-8.