Keçəçioğlu Məhəmməd

Azərbaycan xanəndəsi

Keçəçioğlu Məhəmməd (əsl adı: Məhəmməd Məşədi Xəlil oğlu; 18 iyun 1864(1864-06-18), Şuşa, Bakı quberniyası20 noyabr 1940(1940-11-20), Quba) — Azərbaycan xanəndəsi.[1]

Keçəçioğlu Məhəmməd
Kechahci oglu Muhammad.jpg
Keçəçioğlu Məhəmməd. Varşava, 1912-ci il
Ümumi məlumatlar
Doğum tarixi 18 iyun 1864(1864-06-18)
Doğum yeri
Vəfat tarixi 20 noyabr 1940(1940-11-20) (76 yaşında)
Vəfat yeri
Vətəndaşlığı
Musiqiçi məlumatları
Fəaliyyəti xanəndə
Janr muğam
Musiqi aləti qaval
Commons-logo.svg Vikianbarda əlaqəli mediafayllar

HəyatıRedaktə

Keçəçioğlu Məhəmməd 1864-cü ildə Şuşa şəhərində anadan olmuşdur. Azərbaycan musiqi mədəniyyətinin inkişafında xüsusi rol oynamışdı. Xanəndəlik sənətini Şuşada Xarrat Qulunun məktəbində və məşhur xanəndə Məşədi İsidən öyrənmişdir.

Qastrol səfərləri də onun yaradıcılığında geniş yer tutur. Xanəndəliklə yanaşı, pedoqoji fəaliyyətlə də məşğul olmuşdur. 1926-cı ildə Ü.Hacıbəyov tərəfindən Azərbaycan Dövlət Filarmoniyasına dəvət olunmuş və gənc xanəndələr yetişdirmişdir.

Keçəçioğlu Məhəmməd 20 noyabr 1940-cı ildə Qubada vəfat etmişdir.[2]

YaradıcılığıRedaktə

Onun repertuarında klassik muğamlar, təsnif və xalq mahnıları əsas yer tuturdu, həmçinin, "Nəva", "Mahur", "Bayatı-Qacar" muğamını orijinal bir şəkildə ifa edirdi. Xüsusilə onun Cabbar Qaryağdıoğlu ilə birgə Füzulinin "Leyli və Məcnun" poemasından səhnələri duet şəklində oxumaları çox məşhur idi. Onun ifasında bir sıra muğam, təsnif və xalq mahnıları "Sport-rekord" (Varşava, 1912) və "Ekstrafon" (Kiyev, 1914) şirkətləri tərəfindən qramofon valına yazılmışdır.[3]

İstinadlarRedaktə

  1. Энциклопедия Азербайджанского Мугама (rus). Баку: "Шарг-Гарб". 2012. səh. 133.
  2. Firidun Şuşinski (1985). Azərbaycan xalq musiqiçiləri (azərb.). Bakı. səh. 141.
  3. "Keçəçioğlu Məhəmməd". mugam.musigi-dunya.az (azərb.). İstifadə tarixi: 2020-02-07.