Kentaro Oi
Kentaro Oi (大井憲太郎, Oi Kentaro?, 3 sentyabr 1843, Usa rayonu[d], Oita – 15 oktyabr 1922) – Yaponiya siyasətçisi və vəkili. 1870 və 1880-ci illərdə Yaponiyada azadlıq və insan hüquqları hərəkatının fəal iştirakçısı olmuş, Meyci hökumətini tənqid etmişdir.[1]
| Kentaro Oi | |
|---|---|
| yap. 大井憲太郎 | |
 | |
| Doğum tarixi | 3 sentyabr 1843 |
| Doğum yeri | |
| Vəfat tarixi | 15 oktyabr 1922 (79 yaşında) |
| Təhsili |
|
| Fəaliyyəti | vəkil, siyasətçi |
 Vikianbarda əlaqəli mediafayllar | |
Həyatı
redaktə1843-cü ildə Yaponiyanın Buzen əyalətində (indiki Oita prefekturası) samuray ailəsində doğulmuşdur. 1860-cı illərdə Naqasaki və Edo şəhərlərində oxumuş,[1] Kayseycoya daxil olaraq Rinşo Mistukuridən siyasi nəzəriyyələr, hüquq və iqtisadiyyat üzrə təhsil almışdır.[2] Daha sonra Tokio Universitetinin sələfi olan Dayqaku Nankoda oxumuşdur.[3]
Siyasi fəaliyyəti
redaktə1868-ci ildə baş verən Meyci islahatından sonra Taysuke İtaqaki və Şinpey Eto ilə qruplaşaraq milli assambleyanın yaradılması üçün hökumətə petisiya yollamışdır. Belə bir assembleyanın yaradılmasının tez olduğunu müdafiə edən bürokrat Hiroyuki Kato ilə debatından sonra məşhurlaşmışdır.[2] 1876-cı ildə hökumətdəki işindən ayrılmışdır.[1]
Oi 1882-ci ildə İtaqaki tərəfindən yaradılmış Liberal Partiyaya qoşulmuşdur. Partiyanın ekstremist qolunun iştirakçısı olan Oi hökumətə qarşı birbaşa hərəkətə keçməyi müdafiə etmişdir. O, 1884-cü idə Saytama prefekturasında baş verən kəndli üsyanı olan Çiçibu insidentində vacib rol oynamışdır. 1885-ci ildə Koreya islahat hərəkatında iştirak etdiyi üçün həbs olunmuş və 9 illik həbs cəzası almışdır. 1889-cu ildə konstitusiyanın qəbul edilməsindən sonra azadlığa çıxmışdır.[2]
Oi Yaponiyada seçki hüquq üçün hərəkat başlatmışdır.[2] Yaponiya parlamentinin Nümayəndələr palatasına seçilmişdir.[3] Yenidən təşkil olunmuş Liberal Partiyanın kompromisçi siyasətini bəyənməmiş və 1892-ci ildə Asiya Liberal Partiyasını qurmağa qərar vermişdir. Seçki hüququnu, güclü xarici siyasəti və fermerlərin hüquqlarının qorunmasını müdafiə edən bu partiya 2 ay sonra fəaliyyətini dayandırmışdır.[2] 1898-ci ildən sonra siyasi fəaliyyətini dayandırsa da,[1] xeyriyyəçiliklə məşğul olmağa davam etmişdir. Fransız liberalizminin ideallarını və reaktsionist millətçiliyini müdafiə etdiyi üçün digər siyasətçilərdən uzaqlaşmışdır.[2] Yazıçı kimi siyasət və iqtisadiyyat haqqında kitablar yazmışdır.[1]
İstinadlar
redaktəƏdəbiyyat
redaktə- Huffman, James. Modern Japan: An Encyclopedia of History, Culture, and Nationalism (ingilis). Nyu-York: Routledge. 2013. 1191–1192. ISBN 978-0-815-32525-3. İstifadə tarixi: 18 iyul 2024.
- Kodansha Encyclopedia of Japan (ingiliscə). VI cild (Niju–Saka). Tokio: Kodansha. 1983. səh. 75. ISBN 0-87011-626-6. İstifadə tarixi: 18 iyul 2024.
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 1137. İstifadə tarixi: 18 iyul 2024.