Kokona Hiraki

Kokona Hiraki (yap. 開 心那; 26 avqust 2008[1]) — Yaponiya skeytbordinqçisi, 2019-cu ildə Boysedə keçirilən X Oyunlarının gümüş medalçısıdır. 2020 Yay Olimpiya Oyunlarında Yaponiyanı təmsil edərək 12 yaşında gümüş medal qazanmışdır.

Skateboarding pictogram.svg Kokona Hiraki Skateboarding pictogram.svg
yap. 開 心那
Şəxsi məlumatlar
Vətəndaşlığı Yaponiya Yaponiya
Doğum tarixi (13 yaş)
Doğum yeri Hokkaydo, Yaponiya
İdman növü Skateboarding pictogram.svg Skeytbordinq

HəyatıRedaktə

Kokona Hiraki 26 avqust 2008-ci ildə Yaponiyanın Hokkaydo şəhərində anadan olmuşdur.[2] Tomakomayda yaşamışdır.[3] 5 yaşında skeytbordinqçiliyə başladı və Sapporoya köçərək burada məşqlərə davam etdi. 2018-ci ildə qatıldığı Yapon Skeytbordinq Çempionatında 4-cü yeri tutdu. İlk qələbəsini 10 yanvar 2019-cu ildə eyni turnirdə əldə etdi.[4] 2019-cu ildə Aydahonun Boyse şəhərində keçirilən X Oyunlarında iştirak etmişdir. Bu oyunlarda ilk dəfə ölkə hüdudlarından kənara çıxan Kokona gümüş medal almışdır.

2020 Yay Olimpiya Oyunlarının seçim turunda iştirak edən Kokona Hiraki dünya sıralamasına əlavə edildi və üçüncü yer tutaraq 12 yaşında Olimpiya oyunlarında iştirak hüququnu qazandı. 12 yaş 11 aylıq olan Kokona Yaponiya komandasının ən gənc idmançısı kimi bildirilir.

4 avqust 2021-ci ildə 2020 Yay Olimpiya Oyunlarında qadınlar üzrə park skeytbordinqində iştirak edən Kokona 59.04 xal toplayaraq gümüş medal qazandı.[5][6] Skeytbordinqdə 13 yaşında qızıl medal qazanan Nişiya Kabukinin rekordunu təzələyən Kokona Hiraki 12 yaşında medalçı olaraq Yaponiya komandasının ən gənc medalçılarından biri oldu.[7]

İstinadlarRedaktə