Komrat Dövlət Universiteti

Komrat Dövlət Universiteti
Komrat Dövlət Universiteti
Əsası qoyulub	1991
Tip	Dövlət
Rektor	Zineyda Arikova
Tələbə sayı	500
Şəhər	Komrat şəhəri
Ölkə	Moldova;
Sayt	kdu.md
	Vikianbarda əlaqəli mediafayllar

Komrat Dövlət Universiteti (qaq. Komrat Devlet Universiteti) — Moldovanın Qaqauziya muxtar ərazinin paytaxtı olan Komrat şəhərində yerləşən ali təhsil müəssisəsi.

Tarixi

Komrat Dövlət Universiteti 1991-ci ildə yaradılmışdır.

Tədris

Burada bütün tələbələr Qaqauziyanın rəsmi dili olan qaqauz dilini öyrənməli olsa da, dərslərin əksəriyyəti rus dilində keçirilir.^[1] Amma "Qaqauz dili və ədəbiyyatı" fənni qaqauz dilində keçilir və əlavə olaraq, kurs sənədləri və dissertasiyalar bu dildə yazılır.^[1]

Rektorları

Keçmiş rektoru Mihail Daradur

Azərbaycan Tədris Mərkəzi

Azərbaycan Tədris Mərkəzi 2008-ci ildə Azərbaycanın Moldova səfirliyinin təşəbbüsü ilə açılmışdır.^[2] Bu vaxta qədər isə bu Universitetdə 2007-ci ildə Azərbaycan tədris otağının yaradılmışdır.^[3] Səfirlik otağa kompüter dəsti, Azərbaycanın dövlət rəmzlərini, ümummilli lider Heydər Əliyevin və Prezident İlham Əliyevin portretlərini, müxtəlif ədəbiyyat hədiyyə etmişdir.^[3]

Mərkəz müxtəlif texnika ilə, kitablarla, şəkillərlə təchiz edilmişdir.^[2] Burada Azərbaycanın tarixini, folklorunu, dilini və ədəbiyyatını öyrənmək üçün kifayət qədər kitab və bukletlər var.^[2] Azərbaycan mədəniyyətini, memarlığını tanıtmaq üçün Mərkəzdə müxtəlif vidio-audio materiallar və şəkillər mövcuddur.^[2] Azərbaycan milli bayramlarını tanıtmaq üçün Mərkəzdə Novruz bayramını təşkil edilmişdir.^[2]

Dəfələrlə Azərbaycan Tədris Mərkəzinin təşəbbüsü ilə Azərbaycanın Moldovadakı səfiri İsfəndiyar Vahabzadənin Komrat Dövlət Universitetində dərs verməsi təşkil edilmiş və bu da Azərbaycan xalqını buranın tələbələrinə daha dərindən tanıtmağa yardımçı olmuşdur.^[2]

Universitetdə Azərbaycanlı tələbələr də təhsil alırlar.^[2] Gələcəkdə belə tələbələrin sayının artdırılması planlaşdırılır.^[2] Həmçinin gələcəkdə Azərbaycan dilini öyrənmək istəyən tələbələr üçün burada Azərbaycan dilinin tədrisi də planlaşdırılmışdır.^[2]