Qurdlar Vadisi
Qurdlar Vadisi — Osman Sınav tərəfindən yaradılmış və Raci Şaşmazın qələmə aldığı Türkiyənin siyasi məsələlərindən bəhs edən türk film və teleserial seriyasıdır. Seriyanın serial və filmlərində bir çox məşhur aktyorlar oynayıb. Serialın ilk 55 bölümündə prodüser və rejissor Osman Sınav, 56–97-ci bölümlər arasında prodüser Raci Şaşmaz və rejissor kürsüsündə Sərdar Axar əyləşmişdir. 97-ci bölümdəki finaldan sonra Qurdlar Vadisi: Terror adı ilə 2 bölüm izləyici qarşısına çıxıb. Bu serialın yayımnan çıxarılmasından sonra Qurdlar Vadisi: Pusqu 300 seriya ilə izləyici qarşısına çıxıb. 2013-cü ildə Şaşmaz qardaşlarının fikir ayrılığı üzərinə, Raci Şaşmaz və Bahadır Özdənər seriyanın ssenari müəllifi və prodüser vəzifələrindən istefa veriblər. Onların yerinə Cahid Qayaoğlu kimi daha təcrübəsiz adlar gəldi və nəticədə reytinqlər düşməyə başladı. Qurdlar Vadisi: Pusqunun son bölümü olan 300-cü bölümdə reytinqlər 4-ə qədər düşüb. Serialın bitməsindən 1 il sonra TRT 1-də yayımlanan Qurdlar Vadisi: Vətən 5,43 reytinq alıb. Ən çox reytinq alan teleserial bölümləri 23 reytinq xalı ilə Qurdlar Vadisinin finalı olan 97-ci bölüm, və 25,43 reytinq ilə Qurdlar Vadisi: Pusqunun 45-ci bölümüdür. Qurdlar Vadisinin ilk sezonunda çərşənbə günləri, qalan bütün sezon və seriallarda isə cümə axşamı yayımlanırdı. Serialın cəmi 399 seriyası olan seriala əlavə olaraq serialın 4 filmi, 1 həvəskar filmi çəkilmişdir. Həmçinin 1 kitab yazılmışdır. Necati Şaşmaz 13 noyabr 2022-ci ildə TRT musiqi kanalındakı Mazhar Alansonun televerilişində "Biraz ara verməli olduğumuzu düşündük, amma o arada yenidən istənməyə başladı. Qismət olsa olacaq, işimiz davam edir. Düşünürəm ki, yanvar ayını görərik başlamaq üçün." açıqlamasını vermişdir.
| Qurdlar Vadisi | |
|---|---|
| Yaradıcı | Osman Sınav |
| Orijinal | Qurdlar Vadisi (2003–2005) |
| Sahib | Sineqraf – Osman Sınav (2003–2004) Pana Film – Raci Şaşmaz (2004–2013) Pana Film – Necati Şaşmaz (2013–2017) |
| Yazılı nəşrlər | |
| Kitablar | Qurtlar Vadisi Unudulmaz Sözlər - Dialoqlar |
| Film və televiziya | |
| Filmlər | Qurdlar Vadisi: İraq (2006) Qurdlar Vadisi: Qladio (2009) Qurdlar Vadisi: Fələstin (2011) Qurdlar Vadisi: Vətən (2017) |
| Televiziya | Qurdlar Vadisi (2003–2005) Qurdlar Vadisi: Terror 2007 Qurdlar Vadisi: Pusqu (2007–2016) |
| Həvəskar çəkilişlər | Qurtlar Vadisi: Bəyaz (2009) |
| Teatr təqdimatları | |
| Musiqililər | Qurdlar Vadisi Vol. 1 (2004) Qurdlar Vadisi Vol. 2 (2004) |
| Audio | |
| Saundtreklər | Qurdlar Vadisi 2003 – Jenerik (2003) Pusqu 2003 (2003–2017) Acəm qızı (2003–2005) Asiyə (2003–2005) Cənədərə 2003 (2004–2005, 2016) Qurdlar Vadisi 2004 – Jenerik (2004) Qurdlar Vadisi 2005 – Jenerik (2005) Qurdlar Vadisi 2006 – Jenerik (2006) Cəndərə 2006 (Cəndərə orkestr) (2006–2017) Qurdlar Vadisi 2007 – Jenerik (2007–2014) Öldüm də oyandım – Gürkan Uyğun (2008) Qladiator (Qladio) (2008–2016) Cənədərə 2008 (2008–2016) Pusqu 2011 (2011–2014) Qurdlar Vadisi Orient (Jenerik orient miks) (2012–2016) Dəniz üstü köpürər – Gürkan Uyğun (2012) Qurdlar Vadisi 2014 – Jenerik (2014–2016) Cənədərə maraş (2017) Cənədərə işğal (2017) Pusqu 2017 (2017) Cəndərə orkestr 2017 (2017) |
| Müxtəlif | |
| Əlaqəli filmlər və teleseriallar | Muro: Lənət olsun içimdəki insan sevgisinə |
| Əsas obraz | Polad Aləmdar (Necati Şaşmaz) |
| Status | Dəqiq bilinmir |
| panafilm.com | |
Teleserialları redaktə
Kurtlar Vadisi 15 yanvar 2003-cü ildə Show TV-də "Bu bir mafiya serialıdır" şüarı ilə başlayan türk teleserialıdır. Son mövsümündə Kanal D ekranlarına çıxdı və 29 dekabr 2005-ci ildə 97-ci bölümdə finala çıxmaqla sona çatdı. 4 mövsümdən ibarətdir.
Kurtlar Vadisi adlı ilk serial və 2007-ci ildə başlayan Kurtlar Vadisi Terror serialının davamında Türkiyədəki mafiya fəaliyyətləri və dövlət-mafiya münasibətləri Türkiyədə terror aktları mövzusu olub. Serial tənqidlərə görə ikinci bölümündən sonra RTÜK tərəfindən ləğv edilmiş və yayımlanmadan əvvəl reaksiya mesajları aldığı üçün yayımdan qaldırılmışdır.
Pana Film tərəfindən yaradılan Qurdlar Vadisi Pusqu, əvvəllər 15 yanvar 2003-cü ildə yayımlanan 97 bölümlük Qurdlar Vadisi və 18 fevral 2007-ci ildə yayımlanan; lakin 2 bölüm yayımlandıqdan sonra RTÜK tərəfindən qadağan edilən Kurtlar Vadisi Terror serialının davamıdır.
Filmləri redaktə
Rejissor Serdar Akarın 2006-cı ildə çəkdiyi türk filmi.
Qurdlar Vadisi Qladio, Qurdlar Vadisi serialı çərçivəsində Qurdlar Vadisi Pusqu filminin davamı olaraq Pana Film tərəfindən istehsal olunan türk döyüş macəra filmidir.
Kurtlar Vadisi Fələstin, İsrail–Fələstin münaqişəsinin mərkəzində olan bir filmdir. Ssenarisini Raci Şaşmaz, Bahadır Özdener və Cüneyt Aysan üçlüyü yazıb. Prodüseri Raci Şaşmaz, rejissoru Zübeyr Şaşmazdır. Film 28 yanvar 2011-ci ildə Türkiyədə və bütün dünyada nümayiş olunmuşdur.
Kurtlar Vadisi Vətən 15 iyul dövlət çevrilişinə cəhddən bəhs edən filmdir. Filmin ssenari müəllifləri Alper Erze, Necati Şaşmaz, Cahid Qayaoğlu və Murad Qocadır. Filmin rejissoru Serdar Akardır. Filmin prodüseri Necati Şaşmaza məxsusdur. Çəkilişləri təxminən 5 həftə davam edən film sentyabrın 29-da ekranlara çıxdı.
Digər istehsallar redaktə
| Qurdlar Vadisi: Bəyaz | |
|---|---|
| türk. Kurtlar Vadisi Beyaz | |
| Janr | döyüş filmi, triller[d], cinayət |
| Ssenari müəllifi | Bəyaz Şou komandası |
| Baş rollarda |
Necati Şaşmaz Beyazıt Öztürk Gürkan Uyğun Kənan Çoban |
| Bəstəkar | Gökhan Kırdar |
| Studiya | Bəyaz Şou |
| Müddət | 5 dəqiqə |
| Ölkələr |
 Türkiyə |
| Dil | türkcə |
| İl | 2009 |
Qurdlar Vadisi Bəyaz, Necati Şaşmaz, Gürkan Uyğun və Musa Uzunlar "Bəyaz Şou"da olarkən nümayiş etdirilən həvəskar filmdir, iş məqsədi ilə deyil, yalnız əyləncə məqsədi daşıyır.
Qurdlar Vadisinin davam edib-etməyəcəyi ilə bağlı açıqlamalar redaktə
Jurnalist Ömür Varol 6 oktyabr 2016-cı ildə Bəyaz TV-də yayımlanan "Söyləməzsəm" adlı proqramın canlı yayımında Necati Şaşmazdan mesaj aldığını iddia edərək, "Qurdlar Vadisi Pusqu" serialının bitdiyini açıqlayıb.[1] 29 oktyabr 2016-cı ildə Pana Film jurnalist Ömür Varolun iddiasını inkar etdi.[2]
27 dekabr 2017-ci ildə Necati Şaşmaz serialın 2018-ci ilin fevralında "Qurdlar Vadisi Xaos" adı ilə geri dönəcəyini açıqlamışdı. O bildirib ki, serialda Xaos nəzəriyyəsi müzakirə olunacaq və Myanma, Əfqanıstan, Makedoniya və Amerika kimi dünyanın müxtəlif yerlərindən hekayələr danışılacaq.[3] Ancaq 3 oktyabr 2018-ci ildə jurnalistlərə açıqlama verən Necati Şaşmaz “Qurdlar Vadisi” adlı serialın olmayacağını bildirib. Şaşmaz "Yeni bir layihəmiz var, amma adı Qurdlar Vadisi deyil, Nöbət olacaq" dedi.[4]
10 sentyabr 2020-ci ildə Necati Şaşmazı ziyarət edən Bəyaz TV müxbiri Tahir Sarıqaya sosial media hesabında "Dostum Necati Şaşmazla 2022-ci ildə başlayacaq Qurdlar Vadisi haqqında danışdıq" adlı paylaşım etmişdi. Daha sonra "Amma mən il haqqında zarafat etdim, uşaqlar" deyərək postunu yenilədi. Belə ki, o, tarix bildirmədən serialın gələcəkdə başlaya biləcəyini izləyicilərinə və Qurdlar Vadisi tamaşaçılarına açıqlayıb.[5]
12 noyabr 2022-ci ildə Necati Şaşmaz, Qurdlar Vadisi Pusqunun uzun fasilədən sonra yenidən başlaya biləcəyi barədə məlumat verdi. O, yeni illə birlikdə Qurdlar Vadisi üçün işə başlayacağını açıqlayıb və "Hazırda hazırlaşıram. Düşünürəm ki, yanvarda başlamasını görəcəyik" dedi.[6]
“Yeni Akit” qəzetinin 19 yanvar 2023-cü il tarixində paylaşdığı xəbərdə “Kurtlar Vadisi Xaos” adlı serialın Disney+-da yayımlanacağı və serial dəstinin fotolarının tezliklə ictimaiyyətə təqdim ediləcəyi iddia edilmişdi.[7] TV100-ün 23 yanvar 2023-cü il tarixli xəbərinə görə, bu iddianın əsassız olduğu üzə çıxıb.[8]
Mənbə redaktə
- "Qədirilikdən gələn ssenari". //"Cinema News" jurnalı.- 2008.- iyun.- səh. 54-55.
Xarici keçidlər redaktə
- Rəsmi saytı
- Rəsmi Azərbaycan saytı Arxivləşdirilib 2016-02-03 at the Wayback Machine
- IMDb'də 0421384[ölü keçid]
İstinadlar redaktə
- ↑ ""Kurtlar Vadisi bitti mi?"". yenicaggazetesi.com.tr (türk). 9 mart 2020 tarixində arxivləşdirilib. İstifadə tarixi: 23 oktyabr 2016.
- ↑ ""Pana Film'den açıklama"". yazete.com (türk). 7 iyul 2020 tarixində arxivləşdirilib. İstifadə tarixi: 7 iyul 2020.
- ↑ ""Kurtlar Vadisi Kaos'ta Myanmar'dan da hikayeler olacak"". aa.com.tr (türk). 5 iyul 2020 tarixində arxivləşdirilib. İstifadə tarixi: 7 iyul 2020.
- ↑ ""Necati Şaşmaz'dan Kurtlar Vadisi Açıklaması: Yeni Bir Projemiz Var, Ama Kurtlar Vadisi Değil"". haberler.com (türk). 9 iyul 2020 tarixində arxivləşdirilib. İstifadə tarixi: 7 iyul 2020.
- ↑ @tahir_sarikaya. ""Tahir Sarıkaya ve Necati Şaşmaz"". instagram.com.
- ↑ ""Necati Şaşmaz, 'Kurtlar Vadisi'nin yeniden başlayacağını duyurdu!"". milliyet.com.tr (türk). 15 noyabr 2022 tarixində arxivləşdirilib. İstifadə tarixi: 15 noyabr 2022.
- ↑ "Kurtlar Vadisi Kaos için heyecan tavan yaptı! Yeni kanalı olay... Sadece 12 gün kaldı". yeniakit.com.tr (türk). 24 yanvar 2023 tarixində arxivləşdirilib. İstifadə tarixi: 24 yanvar 2023.
- ↑ ""Kurtlar Vadisi Disney Plus'a mı satıldı?"". tv100.com (türk). 2023-01-23 tarixində arxivləşdirilib. İstifadə tarixi: 23 yanvar 2023.