Lalə Məmmədova

Azərbaycanlı müğənni, aktrisa, ingilis dili müəllimi və fəlsəfə doktoru

Lalə Məmmədova (23 fevral 1978, Bakı) — Azərbaycanlı müğənni, pedaqoq, Azərbaycan Respublikasının Əməkdar Artisti[1]. Filologiya üzrə fəlsəfə doktoru (15 fevral 2017)[2].

Lalə Məmmədova
Ümumi məlumatlar
Doğum tarixi 23 fevral 1978(1978-02-23) (46 yaş)
Doğum yeri
Vətəndaşlığı
Musiqiçi məlumatları
Fəaliyyəti musiqiçi, müəllimə, müğənni, aktrisa, aparıcı
Janrlar pop musiqisi, xalq musiqisi
Təhsili
Elmi dərəcəsi
  • filologiya elmləri namizədi[d]
Mükafatları Azərbaycan Respublikasının əməkdar artisti

Həyatı

redaktə

Lalə Məmmədova 23 fevral 1978-ci ildə Bakı şəhərində ziyalı ailəsində doğulub. Ailədə onu digər 4 uşaqdan fərqləndirən cəhət musiqiyə göstərdiyi meyl idi. İlk konserti də elə həyətdə məhəllə uşaqlarının qarşısında baş tutub. Bu, onu qarşıda gözləyən böyük yolun başlanğıcı idi. Müğənni 1985-ci ildə 272 saylı məktəbin birinci sinfinə qədəm qoyub. 8 yaşında taleyinə Bülbül adına musiqi məktəbi yazılır. Xalq artisti Şövkət Ələkbərova yumşaq səsli bu balaca qızcığazda həssas ürəyin olduğunu duyaraq onu öz sinfində görmək istəyir. Balaca Lalə muğam sinfinə daxil olur. Müəllimin xəstəliyi üzündən təhsilini Xalq artisti İslam Rzayevin sinfində davam etdirib. Lalə Məmmədova 1995-ci ildə Azərbaycan Dövlət Dillər Universitetinə daxil olub. Arzu və potensial isə onu həmişə başqa bir səmtə çəkir. 1997-ci ildə Rafiq Babayev adına peşəkarlar studiyasında bəstəkar Siyavuş Kərimi ilə birgə işləməyə başlayıb. 2001-ci ildə Azərbaycan Dövlət Dillər Universitetinin magistratura pilləsini bitirdikdən sonra 2002-ci ildə Milli Konservatoriyanın "solo oxuma" xanəndəlik sinfinə daxil olub. Burda Xalq artisti Ağaxan Abdullayevdən dərs alıb. 2011-ci il Sentyabrın 15-də Prezident İlham Əliyev mədəniyyət xadimlərinə fəxri adların verilməsi haqqında sərəncam imzalayıb. Sərəncama əsasən Lalə Məmmədova "Azərbaycan Respublikasının Əməkdar Artisti" fəxri adına layiq görülüb. 2012-ci il Əməkdar artist Lalə Məmmədova Rəşid Behbudov adına Mahnı Teatrının solisti olub. Bu gün məşhur estrada müğənnisi "Məktəb illəri, "Səs, "Bu şəhər ikimizə dar", "Dəli eşq", "Qızıl lalədir adım", "Səni sevirəm" və s. mahnıları ilə məşhurdur. Lalə Məmmədova pedaqoji fəaliyyəti ilə də tanınır.

Müğənni həm də disserrtasiyasını müdafiə etməklə AMEA-da Filologiya üzrə fəlsəfə doktoru adına layiq görülüb.

O, 13 yanvar 2012-ci ildə Yeni Azərbaycan Partiyasına üzv qəbul edilmişdir.[3]

Albomlar

redaktə
  • 2006 — Səni sevirəm
  • 2006 — Qara qaşın vəsməsi
  • 2008 — Qızıl Lalədir adım
  • 2008 — Ürək dostum
  • 2012 — Dəli eşq
  • 2012 — Şərab gətir, Saqi!
  • 2018 — Aztv konserti (Live)
  • 2020–90-lar
  • 2021 — Vol.1
  • 2021 — Vol.2
  • 2022 — Vol.3
  • 2022 — Vol.4
  • 2023 — Darıxmışam (EP)

Sinqllar

redaktə
  • 2012 — Bu şəhər ikimizə dar
  • 2017 — Bir sevgi
  • 2020 — Только там
  • 2021 — Dağlar duman olmadan
  • 2021 — Azərbaycan
  • 2021 — Həyat
  • 2021 — Bura yurdun cənubudur
  • 2021 — Səni sevmək üçün gəldim dünyaya
  • 2021 — Bir məktub yaz
  • 2022 — Azad et
  • 2022 — Sev, sevil
  • 2023 — Gözümdə Leylisən
  • 2023 — Gözəl Azərbaycan
  • 2023 — Gözlərin
  • 2023 — Həyatımda ol
  • 2023 — Şuşa
  • 2023 — Qayıdışın mübarək

Kliplər

redaktə
Say Klip Tarix
01 Məktəb İlləri 2000
02 Səs
03 Kölgən Olaram 2005
04 Səni Sevirəm
05 Yar Bizə Qonaq Gələcək 2007
06 Ürək Dostum 2008
07 Kim Bilir 2008
08 Ömür Yolları 2008
09 İdeal 2009
10 Şalaxo
11 Gözəl 2009
12 Ömrümüzün İlk Sevgisi
13 Yadına Düşəcəyəm
14 Səs 2012
15 Yağış 2013
16 Sevgilər (Azərbaycan Ulduzları)
17 Azərbaycan-Türkiyə 2013
18 Çıx Yollarıma 2016
19 Bura Yurdun Cənubudur 2017
20 Bir Sevgi 2018
21 Çiçək 2019
22 Xalq Bayatıları ft. Ehtiram Hüseynov 2019
23 Nice Yıllara ft. Zafer İşleyen 2020
24 Ağstafam Mənim ft. Samir Cəfərov, Ceyhun İsmayılov 2020
25 Məryəm 2020
26 Qələbənamə 2020
27 Dağlar Duman Olmadan 2021
28 Bir Məktub Yaz 2021
29 Gözümdə Leylisən 2023
30 Darıxmışam 2023

İstinadlar

redaktə
  1. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2017-11-09 tarixində arxivləşdirilib. İstifadə tarixi: 2021-02-24.
  2. Müğənni rəsmən fəlsəfə doktoru oldu Arxivləşdirilib 2017-03-19 at the Wayback Machine. qafqazinfo.az, 17. mart 2017  (az.)
  3. "YAP-a yeni üzvlər qəbul olundu". 2022-06-01 tarixində arxivləşdirilib. İstifadə tarixi: 2022-06-01.