Layf (Formula-1 komandası)

Layf ( ing. Life Racing Engines) 1990-cı ildə Formula 1 iştirak etmiş idman komandası, Modena, İtaliya. Qrup adını, onun qurucusu olan Ernesto Vita'nın (it. Vita, ingilis dilində Life) adına layiq görülmüşdür. Komandanın ilk Formula 1 çıxışı 1990-cı ildə oldu. Komanda uğursuz bir mövsüm keçirdi.

Layf komandasının loqosu

W12 macərası

Ferrari şirkətindən qovulan, keçmiş mühəndis Franco Rocchi, W –formalı 12 silindirli mühərrik düzəltmək qərarına gəlir və 1989-cu ildə hazır edir. Eyni ildə Formula 1 yarışlarında turbomotorlar ləğv olundu. Artıq yeni növ mühərriklər cəlb olunurdu. V10 daha perspektivli sayılırdı. Tam bir uğursuzluqdan sonra, Rocchi bu mühərriki satmaq qərarına gəlir.

Şassi

Vita, komandasını Life adlandırmışdır ki bu da onun familiyasının ingilis dilinə tərcüməsidir. Şirkət Modena şəhərində yerləşirdi. Əslində bura qaraj idi. Şirkətin maddi vəziyyəti avtomobil istehsal etməyə imkan vermirdi. Nəticədə, Vita şassi alır, hansı ki braziliyalı Richar Divila tərəfindən FIRST Racing komandası üçün dizayn edilmişdir. Bu avtomobil 1990-cı il Formula 1 yarışında iştirak üçün alınmışdı. Lakin komanda sınaq testini yaxşı keçmədiyi üçün yarışa buraxılmır.

1990-cı il mövsümü

Vəziyyət ürək açan deyildi. Belə ki bir şassi, bir mühərriklə, heç bir test aparılmadı və qalibiyyətə heç bir ümid yox idi. Avtomobil çox ağır həcmə malik idi. Nəticədə, avtomobil, hətta Formula 3000 üçün çox az sürətə malik idi. İdarəedici Gary Brabham idi. O iki Qran pri-də çıxış etdi, lakin heç birində uğur qazana bilmədi. Hətta ikinci çıxışda avtomobil pit lane keçdikdən sonra dərhal dayandı. Səbəb, maşını yağla təchiz etməyi unutmaq idi. Bu kimi bir çox problemlərdən sonra, Brabham komandanı tərk etmək qərarı aldı. Onu, 1983-cü ildən, sükan arxasında oturmayan, veteran Bruno Giacomelli əvəz etdi. Lakin bu vəziyyəti dəyişmədi. O, ən yaxşı halda yalnız 3-4 dairəni keçə bildi və avtomobil yol kənarında dayandı. Daha sonra Portuqaliya Qran –pri-də iştirak üçün Judd mühərrikindən istifadə etmək qərarı aldılar, lakin məlum oldu ki, yeni mühərrik mövcud modelə uyğun gəlmir. Nə qalibiyyəti və nə də davam etməyi arzulayan komanda sahibi, çempionatın qalan iki yarışından komandanı geri çəkdi və motor yarışlarını əbədi tərk etdi.

Xarici keçidlər

• Layf ensiklopediya Arxivləşdirilib 2016-07-22 at the Wayback Machine
• Life team summary