Vikipediya

Legends of Runeterra

2020-ci ilin video oyunu

Legends of Runeterra (azərb. Runterra əfsanələri‎) və ya qısaca LoR – 2020-ci ilin aprelində Riot Games tərəfindən istehsal olunmuş və buraxılmış rəqəmsal kolleksiya kart oyunu. Riot Games tərəfindən istehsal olunmuş "League of Legends" videooyununun dünyasına əsaslanır. Oyunu oynamaq pulsuzdur, sadəcə kosmetik vasitələr pulludur. Oyun Microsoft Windows, iOS və Android platformaları üçün əlçatandır.

Legends of Runeterra
Hazırlayanlar Riot Games
Yayımlayanlar Riot Games
Buraxılış tarixləri 29 aprel 2020
Janrlar rəqəmsal kolleksiya kart oyunu
Texniki məlumat
Platforma Android, İOS, Microsoft Windows
Oyun rejimi çoxnəfərli oyun, birnəfərli oyun
İnterfeysin dili ingilis dili, rus dili, ispan dili, fransız dili
Daşıyıcı rəqəmsal yükləmə[d], rəqəmsal distribusiya
İdarəetmə sensor ekran
Rəsmi saytı
Vikianbarın loqosu Vikianbarda əlaqəli mediafayllar

Oyunda məqsəd rəqibin canını sıfıra endirməkdir. Kartların müxtəlif növləri var və kartlar oyundakı 10 regiondan birinə və ya bir neçəsinə aiddir. Oyunun döyüş sistemi digər kart oyunlarından fərqlənir.

Oyunun bir çox personajı Riot Games tərəfindən istehsal olunmuş "League of Legends" videooyunundan götürülmüşdür. İstehsalçıların qısa hekayələr, komikslər və animasiyalar vasitəsilə genişləndirdiyi Runterra uydurma dünyası oyunun kartları üçün mövzu təşkil edir.

"Legends of Runeterra" tənqidçilər tərəfindən bəyənilmiş, oyunun yüksək keyfiyyətli vizualları və əlçatanlığı təriflənmişdir. Oyun bir neçə mükafata layiq görülmüşdür.

Geympley

redaktə

"Legends of Runeterra" oyunçular biri-birilərinə qarşı oynaya bildikləri rəqəmsal kolleksiya kart oyunudur. Oyunun başlanğıcında oyunçularının Neksusunun 20 canı olur: canı sıfır olan ilk oyunçu məğlub olmuş sayılır. Oyunçular oyunu qabaqcadan düzəltdikləri 40 kartdan ibarət dəstə ilə oynayırlar. Oyunun əvvəlində oyunçunun əlində 4 kart olur. Hər raundda oyunçular kartlar çəkirlər. Kart oynamaq üçün mana xərcləmək lazımdır və hər raunddan sonra oyunçuların maksimum manası artır.[1] Oyunçunun xərcləmədiyi maksimum 3 mana növbəti raund üçün sehr manası olaraq saxlanılır. Sehr manası ancaq sehr kartlarını oynamaq üçün istifadə oluna bilər.[2]

Oyunçular növbələşərək bir raundda hücum mövqeyində, o biri raundda isə müdafiə mövqeyində olurlar.[1][3] Bəzi kartlar müdafiə mövqeyində olan oyunçunun hücum etməsinə şərait yaradır.[2]

Kartlar

redaktə

Hər kart bir regiona aiddir və dəstə qurarkən maksimum 2 regionun kartlarından istifadə etmək olar. Hər regionun özünəməxsus oyun stili var. Regionlar Runterra dünyasının regionlarına əsaslanır: Bendl-Siti, Bilcvoter, Demasiya, Frelyord, İoniya, Kölgə adaları, Noksus, Piltover və Zaun, Şurima, Tarqon.[4] Bunlardan əlavə, regioni olmayan xüsusi kartlar da mövcuddur ki, bu kartlar Runterra kartları adlanır. Bendl-Siti regionuna aid olan bəzi kartlar başqa bir regiona da aid ola bilir.

Kartların dörd növü var: çempion, təqibçi, sehr və yer.[5] Çempion kartları "League of Legends" oyunundakı çempionlara əsaslanır. Digər kartlardan fərqli olaraq bu kartlar səviyyə atlaya bilir. Çempion kartı səviyyə atlasa da, daha güclü çempion kartına çevrilir.[2] Təqibçi kartları hücum və can statistikasına malik kartlardır. Hücum kartın Neksusa və ya blokladığı karta vurduğu xəsarəti, can isə kartın maksimum götürə biləcəyi maksimum xəsarəti göstərir. Çempion və təqibçi kartları birlikdə birlik kartları adlanır.[1]

Sehr kartlarının hücum və can statistikası olmur, eləcə də, əldə yer tutmurlar. Onları oynayaraq oyuna müxtəlif təsirlər göstərmək mümkündür. Sehr kartlarının üç növü var: ani, sürətli və yavaş. Ani sehr kartlarının təsiri dərhal işə düşür və rəqib reaksiya göstərə bilmir. Sürətli sehr kartlarının təsiri işə dərhal işə düşmür və qabaq rəqib reaksiya göstərə bilər.[1] Yavaş sehrli kartlarının təsiri də sürətli sehr kartları kimi dərhal işə düşmür, lakin ondan fərqli olaraq ancaq qeyri-döyüş vəziyyətində istifadə oluna bilər.[6]

Yer kartları həm birlik kartlarına, həm də sehr kartlarına oxşayır.[7] Birlik kartlarından fərqli olaraq yer kartlarının hücum və can statistikası olmur, onlarla müdafiə olunmaq və ya hücum etmək mümkün deyil.[8] Lakin sehr kartları kimi müxtəlif təsirlərə malikdir və əldə yer tuturlar.[9]

İstehsal

redaktə

Riot Games işçiləri şirkətin yarandığı ilk günlərdən etibarən kart oyunu istehsal etməyi düşünürdülər. Şirkətdə kolleksiya kart oyunlarının fanatı olan bir çox işçi işləyir.[10] Oyunun icraçı produseru Ceff Cu və direktoru Endrü Yip "Magic: The Gathering" kart oyununun böyük fanatlarıdır.[11][12] Oyun üçün bir neçə konsepsiya olsa da, "Legends of Runeterra" oyunu üzərində işlər 2017-ci ildə başlamışdır.[10][12] Riot peşəkar "Magic" oyunçularını oyunu sınaqdan keçirməyə dəvət etmiş, bəzilərini dizayn komandasına daxil etmişdir.

"Legends of Runeterra" 15 oktyabr 2019-cu ildə "League of Legends" oyununun 10 illiyi münasibətilə baş tutan tədbirdə anons edilmişdir. Anonsdan sonra oyunun qapalı beta dövrü başlamışdır.[13][14] Birinci qapalı beta dövrü 2019-cu ilin oktyabrında başa çatmışdır.[15] İkinci beta dövrü 14 – 19 noyabr tarixlərini əhatə etmişdir.[16] Oyunun açıq betası 24 yanvar 2020-ci ildə açılışdır.[17]

Oyun rəsmi olaraq 29 aprel 2020-ci ildə buraxılmışdır.[18] Beta dövründə oyunun 6 regionu, 24 çempionu və 294 kartı var idi.[19] Rəsmi buraxılışdan sonra oyuna yeni kartlar, çempionlar və mexanikalar gəlməyə davam edir.

Qəbul

redaktə

Oyun 2020-ci ildə Ən yaxşı mobil oyun kateqoriyasında Oyun mükafatına layiq görülmüşdür.[20] Apple oyunu 2020-ci ilin ən yaxşı iPad oyunu adlandırmışdır.[21] 2021-ci ildə İlin mobil oyunu kateqoriyasında DICE mükafatının qalibi olmuşdur.[22]

İstinadlar

redaktə
  1. ↑ 1 2 3 4 Messner, Steven. "How to play Legends of Runeterra". PC Gamer (ingilis). 2020-01-29. 2020-11-29 tarixində arxivləşdirilib. İstifadə tarixi: 2021-05-28.
  2. ↑ 1 2 3 Shea, Cam. "Runeterra: 40 Things You Need to Know About Riot's New Game". IGN. October 17, 2019. November 12, 2020 tarixində arxivləşdirilib. İstifadə tarixi: May 28, 2021.
  3. ↑ Juras, Marta. "Everything we know about Legends of Runeterra". Dot Esports (ingilis). 2019-10-17. 2020-10-29 tarixində arxivləşdirilib. İstifadə tarixi: 2021-05-28.
  4. ↑ Goslin, Austen. "League of Legends' card game is the key to expanding its universe". Polygon (ingilis). 2021-04-28. 2021-05-05 tarixində arxivləşdirilib. İstifadə tarixi: 2021-05-28.
  5. ↑ Irwin, Dave. "Runeterra card guide: every region's cards explained". Rock Paper Shotgun. May 5, 2020. March 3, 2021 tarixində arxivləşdirilib. İstifadə tarixi: May 28, 2021.
  6. ↑ Ladd, Dylan. "8 new Renekton-related cards from Shurima revealed for Legends of Runeterra's Empires of the Ascended expansion". Dot Esports (ingilis). 2021-02-19. 2021-03-03 tarixində arxivləşdirilib. İstifadə tarixi: 2021-05-28.
  7. ↑ Messner, Steven. "Legends of Runeterra has quietly become the best multiplayer card game". PC Gamer (ingilis). 2021-04-21. 2021-04-25 tarixində arxivləşdirilib. İstifadə tarixi: 2021-05-28.
  8. ↑ Ladd, Dylan. "Every Landmark in Legends of Runeterra's Monuments of Power expansion". Dot Esports (ingilis). 2020-10-08. 2021-05-31 tarixində arxivləşdirilib. İstifadə tarixi: 2021-05-28.
  9. ↑ Ladd, Dylan. "4 Shuriman cards revealed for Legends of Runeterra's Guardians of the Ancient expansion". Dot Esports (ingilis). 2021-04-27. 2021-04-27 tarixində arxivləşdirilib. İstifadə tarixi: 2021-05-28.
  10. ↑ 1 2 Matthieson, Tom. "Legends of Runeterra developer Dillon Buckner talks about the game's early development, designing its unique economy, and Riot's approach to card balance". InvenGlobal. February 11, 2020. February 26, 2021 tarixində arxivləşdirilib. İstifadə tarixi: May 28, 2021.
  11. ↑ Crecente, Brian. "League of Legends is now 10 years old. This is the story of its birth". The Washington Post. October 27, 2019. November 16, 2020 tarixində arxivləşdirilib. İstifadə tarixi: May 28, 2021.
  12. ↑ 1 2 Tapsell, Chris. "Riot says ditching loot boxes will help Legends of Runeterra stand out from the CCG crowd". Eurogamer (ingilis). 2019-10-18. 2020-11-07 tarixində arxivləşdirilib. İstifadə tarixi: 2021-05-28.
  13. ↑ Marshall, Cass. "Riot Games announces League of Legends card game Legends of Runeterra". Polygon. October 14, 2019. October 21, 2020 tarixində arxivləşdirilib. İstifadə tarixi: October 15, 2019.
  14. ↑ Shea, Cam. "Legends of Runeterra: 40 Things You Need to Know About Riot's New Game". IGN. October 15, 2019. October 16, 2019 tarixində arxivləşdirilib. İstifadə tarixi: October 15, 2019.
  15. ↑ Michael, Cale. "When does the current Legends of Runeterra preview patch end?". Dot Esports (ingilis). 2019-10-19. 2020-01-13 tarixində arxivləşdirilib. İstifadə tarixi: 2021-05-28.
  16. ↑ Brown, Fraser. "Legends of Runeterra Expeditions preview begins tomorrow". PC Gamer (ingilis). 2019-11-13. 2020-01-13 tarixində arxivləşdirilib. İstifadə tarixi: 2021-05-28.
  17. ↑ Chalk, Andy. "Legends of Runeterra, the League of Legends card game, begins open beta testing next week". PC Gamer (ingilis). 2020-01-12. 2020-01-13 tarixində arxivləşdirilib. İstifadə tarixi: 2021-05-28.
  18. ↑ Harris, Olivia. "Legends of Runeterra has officially launched on PC and mobile". GameSpot. April 28, 2020. March 16, 2021 tarixində arxivləşdirilib. İstifadə tarixi: May 29, 2021.
  19. ↑ Forster, Danny. "Over 120 cards and a new region are coming to Legends of Runeterra". Dot Esports (ingilis). 2020-04-04. 2021-01-11 tarixində arxivləşdirilib. İstifadə tarixi: 2020-12-19.
  20. ↑ Tassi, Paul. "Here's The Game Awards 2020 Winners List With A Near-Total 'Last Of Us' Sweep". Forbes. December 11, 2020. December 11, 2020 tarixində arxivləşdirilib. İstifadə tarixi: September 1, 2022.
  21. ↑ "Apple presents App Store Best of 2020 winners". Apple. 2021-02-17 tarixində arxivləşdirilib. İstifadə tarixi: 2022-09-01.
  22. ↑ "2021 Awards Category Details". Academy of Interactive Arts & Sciences. 2022-07-23 tarixində arxivləşdirilib. İstifadə tarixi: 2022-09-01.

Xarici keçidlər

redaktə
Mənbə — "https://az.wikipedia.org/w/index.php?title=Legends_of_Runeterra&oldid=7268375"