Vikipediya

Leyla Vəkilli

Leyla Vəkilli (tam adı; Leyla Həsanalısultan qızı Vəkilli; 1932, Paris – 26 noyabr 2017, Bodrum, Muğla ili) — Fransada yaşayan azərbaycan əsilli jurnalist, Fransada türk film festivallarının qurucusu.

Leyla Vəkilli
Leyla Həsanalısultan qızı Vəkilli
Leyla Vəkilli
Leyla Vəkilli
Doğum tarixi
Doğum yeri Paris, Fransa
Vəfat tarixi (85 yaşında)
Vəfat yeri Bodrum, Muğla, Türkiyə
Uşaqları Dəniz (qızı), Çingiz (oğlu)
Milliyyəti azərbaycanlı
Təhsili Sarbona Universiteti
Fəaliyyəti jurnalist

Həyatı redaktə

Leyla Vəkilli 21 fevral 1932-ci il tarixdə Parisdə doğulub. 26 noyabr 2017-ci il tarixdə Türkiyədə Bodrum, Muğla, Türkbükü bölgəsində dünyasını dəyişmişdir.[1] Atası Həsənalısultan bəy Vəkilov Şərur-Dərələyəz qəzasının Çivə kəndində anadan olub. İlk orta təhsilini İrəvanda gimnaziyada alıb, sonra Rusiyada Xarkov Dövlət Universitetinin hüquq fakultəsini bitirib. Bir müddət Tiflisdə yaşayıb. Tiflisdə Mariya adlı gürcü xanımla evli olub. 1920-ci ildə Qafqazda sovet rejimi qurulduqdan sonra Türkiyəyə mühacirət edib.

Türkiyəyə mühacirət edərkən Mariya xanım onunla getməkdən imtina edib. Türkiyədə Krım türklərindən olan Safiyə xanımla ailə qurub. Sonra Həsənalısultan bəy Vəkilov Fransanın paytaxtı Paris şəhərinə köçüb. 1932-ci ildə Leyla Həsanalısultan qızı Vəkilli Parisdə dünyaya gəlib. Sonra yenidən Türkiyəyə İstanbul şəhərinə köçüblər. Leyla Vəkkili 1952-ci ildə İstanbulda Fransız Liseyində təhsil alıb. Sarbona Universitetini sosialogiya fakültəsini bitirb. Sonradan Fransada jurnalist kimi fəaliyyətə başlayıb. Dünyada 184 ölkədə bürosu olan Sipa-Press Agentliyində çalışıb. Jurnalistlik fəaliyyəti ilə bağlı dünyanın bir çox ölkələrində olub. O, cümlədən Afrikaya, Latın Amerikasına, Fələstinə, Nikaraqua və Əlcəzairdə olub. Əlcəzairdə avtomobil qəzasında ağır yaralanıb. Əlcəzairdə Argentinalı marksist-inqilabçı və siyasətçi Ernesto Çe Gevara ilə 3 saatlıq görüşdə iştirak edib. 1962-ci ildə Fransada Nazim Hikmətlə görüşüb. Fransada Türk Film Festivalının qurucularından olub.

 
Leyla Vəkillinin baş redaktoru olduğu DEFİ jurnalı.

Fransada cap olunan DEFİ jurnalının baş redaktoru olub. 1996-cı ilədək Parisdə yaşayıb. Həmin il Türkiyəyə Bodurumun Muğla şəhərinin, Türkbükü bölgəsinə köçüb. 26 noyabr 2017-ci il tarixdə dünyasını dəyişib.[2][3]

Leyla Vəkilli məşhur Vəkilovlar nəsilindəndir. İqtisаdçı və dövlət хаdimi, iqtisаd еlmləri namizədi, dоsеnt İlyas Vəkilovun qardaşı qızıdır.[4]

Həmçinin bax redaktə

İstinadlar redaktə

  1. ↑ "Dünya şöhrətli azərbaycanlı jurnalistin doğum günüdü". 2022-02-28 tarixində arxivləşdirilib. İstifadə tarixi: 2022-02-23.
  2. ↑ "Bir Türkbükü tarihçesi". 2016-08-08 tarixində arxivləşdirilib. İstifadə tarixi: 2017-12-04.
  3. ↑ "Savaş Muhabiri Gazeteci Leyla Vekilli, Che ve Nazımlı günlerini anlattı". 2020-08-12 tarixində arxivləşdirilib. İstifadə tarixi: 2017-12-04.
  4. ↑ "Vəkilovların 3 fərqli sistemdə yaşayan məşhur üzvü". 2022-01-25 tarixində arxivləşdirilib. İstifadə tarixi: 2022-01-25.

Xarici keçidlər redaktə

Mənbə — "https://az.wikipedia.org/w/index.php?title=Leyla_Vəkilli&oldid=7272234"