Luis Vinisiyo
Luis Vinicius de Menezes (port. Luís Vinícius de Menezes; 28 fevral 1932[1], Belu-Orizonti), Luis Vinisio (port. Luís Vinício olaraq da bilinir port. Luís Vinício) və ya Luis Vinício (it. Luís Vinicio) — Braziliya və İtaliya vətəndaşlığı olmuş keçmiş futbolçu. Mövqeyi hücumçu olub. Karyerasını bitirəndən sonra məşqçi kimi işləyib. "Viçentsa" klubunun A Seriyasında ən çox qol vuran oyunçusu.
| Luis Vinisiyo | |
|---|---|
.jpg) | |
| Ümumi məlumatlar | |
| Doğum tarixi | 28 fevral 1932[1] (92 yaş) |
| Doğum yeri | |
| Vətəndaşlığı | |
| Boyu | 180 sm |
| Çəkisi | 78 kq |
| Mövqeyi | hücumçu |
 Vikianbarda əlaqəli mediafayllar | |
Karyerası redaktə
Luis Vinisiyo karyerasına 1950-ci ildə "Botafoqo" klubunda başlamışdır.[2] "Botafoqo" klubunda Vinisiyo üçün orda ən uğurlu il 1953 idi, bu ildə futbolçu 14 qol vurmağı bacarır.
1955-ci ildə Vinisiyo İtaliyaya yollanır və "Napoli" klubu ilə müqavilə bağlayır. Yeni komandasının heyətində, 18 sentyabr 1955-ci ildə, "Torino" ilə matçda debüt edir.[3] Vinisiyo tez bir zamanda Neapol klubuna uyğunlaşır və azarkeşlərin sevimlisinə çevrilir. Neapolda azarkeşlər ona "Rio Lion" ləqəbini verir. "Napoli"nin heyətində 5 mövsum keçirərək 152 oyunda 69 qol vurur.
1960-cı ildə Luis "Bolonya" klubuna keçir. "Bolonya"da ilk mövsumdə əla çıxış edir, ancaq ikinci mövsumdə əsas heyətdəki yerini gənc danimarkalı Harald Nielsenə uduzur. Bundan sonra Luis "Viçentsa" klubuna keçir. "Vicenza"da Vinisiyo təkcə hücumun deyil həm də klubun liderinə çevrilir. Futbolçu burada qollarını sıralamağa başlayır. O, 1964-cü ildə 18, 1965-də 12 və 1966-cı ildə 25 qol vurur (həmin il çempionatda bombardir olur) .
Luis qol kralı adını qazandıqdan sonra Helenio Herrera tərəfindən "İnterə" dəvət olunur. Ancaq "İnter"də Vinisiyo cəmi 8 oyunda meydanda olur və bir qol vurur. Sonradan məlum olur ki, Herreranın Vinisiyonu transfer etməyinin səbəbi başqa imiş. O, Braziliyalı qol maşınını, onun ilə maraqlanan "Yuventus" ya da "Milan" klublarına keçməsin deyə transfer edib. Herrera bu transferi etməklə əsas rəqiblərinin güclənməsinin qarşısını almaq istəyirmiş. Bir mövsüm ehtiyat oyunçular skamyasında oturduqdan sonra, Luis "Viçentsa"ya qayıdır. Ancaq Luis əvvəlki oyun səviyyəsini göstərə bilməyərək karyerasını bitirir.
Karyera Statistikası redaktə
Uğurları redaktə
- Mitropa Kubokunun qalibi: 1961
- İtaliya çempionatının bombardiri: 1966 (25 qol)
- İtaliya Kubokunun qalibi: 1976
İstinadlar redaktə
- ↑ 1 2 Luís Vinício // Transfermarkt (çd.). 2000.
- ↑ "Botafogo: o clube da Estrela Solitária". 2016-03-05 tarixində arxivləşdirilib. İstifadə tarixi: 2021-02-19.
- ↑ "Профиль на enciclopediadelcalcio.com". Archived from the original on 2008-05-19. İstifadə tarixi: 2021-02-19.