Məhəmməd bəy Süleymanbəyov

Məhəmməd bəy İbrahim bəy oğlu Süleymanbəyov (1890, İrəvan quberniyası – 1920) — Cavad qəzası rəisi (1919–1920).

Məhəmməd bəy Süleymanbəyov
Cavad qəzası rəisi
14 oktyabr 1919 – 1920
Sonrakı	Lütvəli bəy Zülqədərov
Şəxsi məlumatlar
Doğum tarixi	1890
Doğum yeri	İrəvan quberniyası, Rusiya imperiyası
Vəfat tarixi	1920
Təhsili	İrəvan kişi gimnaziyası

Həyatı

Məmməd bəy Süleymanbəyov İrəvan quberniyasında əsilli ailədə anadan olmuşdur. İrəvan kişi gimnaziyasının məzunu, ali təhsilli hüquqşünas idi. 1918-ci ildə Bakıya köçmüşdür. Azərbaycan Cümhuriyyəti Ədliyyə Nazirliyi sistemində müstəntiq vəzifəsində işə düzəlmişdi. Onu 1919-cu ilin payızında təcrübəli müstəntiq kimi DİN sahəsində işləməyə dəvət etmişdilər. Bununla əlaqədar Azərbaycan Cümhuriyyəti daxili işlər nazirinin müavini, general-mayor Əliyar bəy Haşımbəyovun imzasıyla DİN-in adından Ədliyyə Nazirliyinə 8 noyabr tarixli 10980 nömrəli xahiş məktubu yazılmışdı. Məktubda Ədliyyə Nazirliyinin Bakı Məhkəmə Dairəsinin Balaxanı-Sabunçu sahəsinin müstəntiqi Məmməd bəy Süleymanbəyovun tutduğu vəzifəsindən azad oluna DİN-in sərəncamına göndərilməsi xahiş olunurdu. Məktuba müsbət cavab verilmiş və Məmməd bəy Süleymanbəyov tutduğu vəzifədən azad edilərək Azərbaycan DİN-in sərəncamına göndərilmişdi. Azərbaycan Cümhuriyyətinin daxili işlər naziri N. Yusifbəylinin 15 noyabr 1919-cu il tarixli əmri ilə Məmməd bəy Süleymanbəyov 14 oktyabr 1919-cu ildən sayılmaqla Cavad qəzasının rəisi vəzifəsinə (1-ci dərəcə üzrə 3.000 manat məvaciblə) təyin edilmiş və bu vəzifədə 1920-ci ilin yazınadək xidmət göstərmişdir.