Məhərrəm Əsədov
Əsədov Məhərrəm Soltan oğlu (15 sentyabr 1950, Qubadlı rayonu) — "Azəravtoyol" ASC-nin Texniki İdarəsinin rəisi, "Şöhrət" ordeni (2012-ci il)[1]
| Məhərrəm Əsədov | |
|---|---|
| Məhərrəm Soltan oğlu Əsədov | |
| Doğum tarixi | |
| Doğum yeri |
Qubadlı rayonu Xələc kəndi |
| Vətəndaşlığı |
 SSRİ→.svg){kind=small} Azərbaycan SSR→ Azərbaycan |
| Milliyyəti | Azərbaycanlı |
| İxtisası | Yol mühəndisliyi |
| Təhsili | Azərbaycan Politexnik İnstitutu |
| Fəaliyyəti | inşaatçı-mühəndis |
| Fəaliyyət illəri | 1972-indi |
| Mükafatları |
 |
Həyatı
redaktəƏsədov Məhərrəm Soltan oğlu 15 sentyabr 1950-ci ildə Qubadlı rayonunun Xələc kəndində anadan olmuşdur.
1967-ci ildə rayon orta məktəbini bitirmiş və həmin il Azərbaycan Politexnik İnstitutuna qəbul olunmuşdur. 1972-ci ildə Azərbaycan Politexnik İnstitutunun Nəqliyyat fakültəsini bitirib və təyinatla Nazirlər Soveti yanında Baş Şosse Yolları İdarəsinə işə qəbul edilmiş və layihə instutunda müxtəlif vəzifələrdə çalışmışdır.
O, layihə işində "Azəryolayihə" Layihə İnstitutunun baş mühəndisi vəzifəsinə qədər yüksəlmiş, 1978-ci ildən 1979-cu ilin may ayına qədər olan dövr ərzində Moskva avtomobil yolları institutunda layihələndirmə işlərinin avtomatlaşdırma işləri üzrə 7.5 aylıq kurs keçərək xüsusi diploma layiq görülmüşdür.
M.S. Əsədov 2000-ci ildə Pan Arab konsalt məsləhətçi firmaya mühəndis vəzifəsinə işə qəbul edilmişdir.
Əmək fəaliyyəti dövründə 200-dən çox layihənin və səkkizdən çox səmərəli təklifin müəllifi olmuşdur. Bu layihələrdən ən vacibi Murov dağın zirvəsindən keçən Gəncə-Toğana-Kəlbəcər avtomobil yolu, ən möhtəşəmi isə Gəncə şəhərinə giriş avtomobil yolunda Nizami məqbərəsi önündə yol kompleksinin layihəsi olmuşdur.
M.S. Əsədov 2008-ci ildən Beynəlxalq Nəqliyyat Akademiyasının akademiki vəzifəsinə seçilib. 2005-ci ildən "Azəryolservis" ASC-nin Texniki İdarəsinin rəisidir.
Azərbaycan Respublikası Prezidentinin 9 mart 2016-cı il tarixli Fərmanı ilə "Azəryolservis" Açıq Səhmdar Cəmiyyətinin adı dəyişdirilərək "Azəravtoyol" Açıq Səhmdar Cəmiyyəti adlandırılmışdır. Məhərrəm Əsədov hazırkı vaxtda "Azəravtoyol" ASC-nin Texniki İdarəsinin rəisi vəzifəsində çalışır.
"Azəravtoyol" ASC-nin son illərdə qazandığı uğurlarda texniki idarənin rəisi kimi onun da böyük əməyi və rolu vardır.
Ailəsi
redaktəAiləlidir. Iki övladı, dörd nəvəsi var.
Mükafatları
redaktə- 21 fevral 2012-ci il tarixdə Əsədov Məhərrəm Soltan oğlu Azərbaycanda nəqliyyat-yol infrastrukturunun inkişafındakı xidmətlərinə görə "Şöhrət" ordeni ilə təltif olunmuşdur. 21.02.2012[2]
İstinadlar
redaktə- ↑ Azərbaycan Tikinti Kompleksinin Ensiklopediyası (ATKE) kitabı, II cild, səhifə: 84- 85.
- ↑ "Azərbaycan Respublikası Nəqliyyat Nazirliyi "Azəryolservis" Açıq Səhmdar Cəmiyyətinin işçilərinin təltif edilməsi haqqında Azərbaycan Respublikasının Prezidenti cənab İlham Əliyevin 21 fevral 2012-ci il tarixli 2058 nömrəli Sərəncamı" (az.). president.az. 21 fevral 2012. 2023-08-04 tarixində arxivləşdirilib. İstifadə tarixi: 2016-08-1.