Məlik Məhəmməd xan
II Məlik Məhəmməd xan (1736, Bakı – 1784, Nəcəf) — Bakı xanı. 1768-1784-cü illərdə hakimiyyətdə olmuşdur.[1]
| II Məlik Məhəmməd xan | |
|---|---|
| 1772 – 1784 | |
| Əvvəlki | Abdulla bəy |
| Sonrakı | II Mirzə Məhəmməd xan |
| Şəxsi məlumatlar | |
| Doğum tarixi | 1736 |
| Doğum yeri | Bakı, Bakı xanlığı |
| Vəfat tarixi | |
| Vəfat yeri | Bakı, Bakı xanlığı |
| Atası | I Mirzə Məhəmməd xan |
| Həyat yoldaşı | Xədicə Bikə |
| Uşaqları | Mirzə Məhəmməd və Əbdürrəhim |
| Dini | İslam, şiə |
Həyatı
redaktəİlk Bakı xanı Mirzə Məhəmmədin üç övladı olmuşdu: Məlik Məhəmməd, Əliqulu və Məhəmmədqulu.[2] Mirzə Məhəmməd xanın 1768-ci ildə ölümündən sonra hakimiyyətə Məlik Məhəmməd xan gəlmişdir.
Məlik Məhəmməd xan Fətəli xanın bacısı Xədicə Bikəylə evlənərək Quba xanlığı ilə münasibətləri yaxşılaşdırmışdı. Bakı xanlığı əslinə baxılsa, Fətəli xanın vassalı idi. Məlik Məhəmməd xan iradəcə zəif olduğundan, xanlığı, demək olar ki, Fətəli xan və bacısı idarə edirdilər.[2]
Məlik Məhəmməd Xədicə Bikəyə evlənəndən sonra Bakı xanlığı Quba xanına xərac verməkdən azad olunmuşdu. Ancaq Fətəli xan tələb etdikdə ona qoşun ayırmağa borclu idi. Məlik Məhəmməd Fətəli xana arxalansa da, Bakı qalasının möhkəmləndirilməsinə xüsusi fikir verirdi.[2] Şəhərin şimal-qərb tərəfində bütün divar boyu xəndəkləri dərinləşdirmiş, bürclərə qırxa yaxın qısa lüləli və başqa toplar düzdürmüşdü. Qoşunun sayı isə 500 nəfərdən artıq deyildi. Məlik Məhəmmədin Xədicə Bikədən iki oğlu olmuşdu: Mirzə Məhəmməd və Əbdürrəhim. Məlik Məhəmməddən sonra yerinə böyük oğlu II Mirzə Məhəmməd taxta oturdu.[2]
İstinadlar
redaktə- ↑ "Arxivlənmiş surət". 2022-01-05 tarixində arxivləşdirilib. İstifadə tarixi: 2018-08-01.
- ↑ 1 2 3 4 "Arxivlənmiş surət". 2020-09-22 tarixində arxivləşdirilib. İstifadə tarixi: 2018-08-01.
Həmçinin bax
redaktəXarici keçidlər
redaktə- Bakı xanlarının sarayı Arxivləşdirilib 2018-08-15 at the Wayback Machine