Mərmərə Universiteti
Mərmərə Universiteti (türk. Marmara Üniversitesi) — İstanbulda yerləşən köklü və qədim dövlət universiteti. Türkiyənin aparıcı ali təhsil müəssisələrindən biridir. Universitetin tərkibində 16 fakültə, 11 institut, 5 kollec və 4 peşə məktəbi var. Akademik proqramlarında türk, ingilis, fransız, alman və ərəb dilləri daxil olmaqla beş dildə təhsil verilir.
| Mərmərə Universiteti MÜ | |
|---|---|
| türk. Marmara Üniversitesi | |
 | |
 | |
 | |
| 40°59′10″ şm. e. 29°03′13″ ş. u.HGYO | |
| Şüar |
Köklü keçmiş, güclü gələcək (türk. Köklü geçmiş, güçlü gelecek)[1] |
| Əsası qoyulub |
16 yanvar 1883 (tarixi) 20 iyul 1982 (müasir) |
| Tip | Dövlət universiteti |
| Rektor | Prof. Dr. Erol Özvar |
| Tələbə sayı |
7 753 (subbakalavr) 47 255 (bakalavr) 16 157 (magistr) 3699 (doktorant)[2] |
| Xarici tələbə sayı | 2139 |
| Müəllim sayı | 3 121 (631 professor, 352 dosent)[3] |
| Ölkə | |
| Ünvan |
 Kadıköy, İstanbul |
| Tabeliyində |
16 fakültə 11 institut 5 kollec 4 peşə məktəbi |
| Rənglər |
Göy, metalik gümüş, ağ |
| Metro | Göztəpə metrostansiyası |
| Sayt | marmara.edu.tr |
 Vikianbarda əlaqəli mediafayllar | |
16 yanvar 1883-cü ildə Həmidiyyə Ticarət Məktəbi-Alisi adı altında fəaliyyətə başlamış, ilk məzunlarını 1887-ci ildə vermişdir. 21 sentyabr 1889-cu ildən Osmanlı Təhsil Nazirliyinə tabe olan məktəb təmir və bərpa işləri üçün 1893-cü ildə fəaliyyətini dayandırmışdır. 15 oktyabr 1897-ci ildə Təhsil Nazirliyinin tabeliyində yenidən açılmış və o vaxtdan bəri təhsil fəaliyyətini fasiləsiz davam etdirir. 1959-cu ildə İstanbul İqtisadi və Ticarət Elmləri Akademiyası adını almış, 1982-ci ildə isə yeni çıxan qanunlarla birlikdə müasir adı olan Mərmərə Universiteti adlandırılmışdır.
Marmara Universiteti İstanbulun Asiya və Avropa hissələrində yerləşən 7 şəhərcikdə fəaliyyət göstərir. Bunlardan Acıbadem, Anadoluhisarı, Bağlarbaşı, Başıböyük, Göztəpə, Kartal şəhərcikləri Asiya, Sultanahmet şəhərciyi isə Avropa hissəsində yerləşir. Ümumilikdə sahəsi 617.782 m² olan şəhərciklərdən ən böyükləri 181.754 m² ilə Başıböyük, 153.394 m² Göztəpə, 121.992 m² ilə Anadoluhisarı şəhərcikləridir.
2020-ci il universitet məzunlarının iş tapma araşdırmasına görə, Marmara Universiteti 7-ci sırada qərarlaşmışdır. Hazırlanan siyahıda universitetin 76 akademik proqramı 1-ci yerdə, 60 akademik proqramı isə ilk üçlükdə yer almışdır. İqtisadiyyat və dövlət idarəetməsi, ilahiyyat, pedaqoji, hüquq, mediya və mətbuat fakültələri üzrə Marmara Universitetinin məzunları siyahıda 1-ci yeri tutmuşdur.[4]
İstanbulun ən fəal səmtlərindən biri olan Kadıköydə yerləşən universitetə ictimai nəqliyyat və xüsusi nəqliyyat vasitələri ilə yanaşı universitetin xidmətlərinə də asanlıqla getmək mümkündür. İstanbul metrosunun M4 xətti üzərində yerləşən Göztəpə metrostansiyası, universitetin əsas şəhərciyinə nəqli olduqca asanlaşdırır.
İstinadlar
redaktə- ↑ Yurt, Veda. "Başkanın Mesajı - Bilgi İşlem Daire Başkanlığı - Marmara Üniversitesi". bidb.marmara.edu.tr. 29 avqust 2019. 1 oktyabr 2020 tarixində arxivləşdirilib. İstifadə tarixi: 1 oktyabr 2020.
- ↑ Kaplan, Pervin. "Marmara Üniversitesi Öğrenci Sayısı". pervinkaplan.com (türk). 2014. 30 sentyabr 2020 tarixində arxivləşdirilib. İstifadə tarixi: 30 sentyabr 2020.
- ↑ Kaplan, Pervin. "Marmara Üniversitesi Akademisyen Sayısı". pervinkaplan.com (türk). 2014. 30 sentyabr 2020 tarixində arxivləşdirilib. İstifadə tarixi: 30 sentyabr 2020.
- ↑ "Hangi üniversite mezunları daha kolay iş buluyor? | Kariyer.net" (PDF). marmara.edu.tr (türk). 30 avqust 2020. 2021-11-29 tarixində arxivləşdirilib (PDF). İstifadə tarixi: 1 oktyabr 2020.
Xarici keçidlər
redaktə- universitetin rəsmi saytı
- universitetin tələbəplatforması Arxivləşdirilib 2012-03-07 at the Wayback Machine
- universitetin virtual kampusu Arxivləşdirilib 2009-09-12 at the Wayback Machine