Mahmud Əbilov

Mahmud Əbilov
Mahmud Əbilov
	Mahmud Əbdülrza oğlu Əbilov
Doğum tarixi	15 sentyabr 1898
Doğum yeri	Ukur, Qusar rayonu
Vəfat tarixi	3 yanvar 1972 (73 yaşında)
Vəfat yeri	Bakı, Azərbaycan SSR, SSRİ;
Dəfn yeri	Fəxri Xiyaban;
Milliyyəti	ləzgi
Təhsili	M. V. Frunze adına Hərbi Akademiya;
Fəaliyyəti	siyasətçi
Fəaliyyət illəri	1920-ci ildən

Əbilov Mahmud Əbdülrza oğlu (15 sentyabr 1898, Ukur, Quba qəzası – 30 yanvar 1972, Bakı) — hərbi xadim^[1], general-mayor.^[2]

Həyatı

Mahmud Əbdülrza oğlu Əbilov 1898-ci il sentyabr ayının 15-də Qusar rayonunun Ukur kəndində anadan olmuşdur. Yeniyetməlik dövründə valideynlərini itirmiş və kənd rus məktəbində cəmi iki sinif oxumuşdur. 1920-ci ildə XI Qızıl ordunun tərkibində döyüş yoluna başlayan Əbilov Azərbaycanda və Gürcüstanda əksinqilabçı qüvvələrin darmadağın olunmasında iştirak etmişdir. Bakı və Tiflis hərbi məktəblərini bitirmişdir (1921, 1930).

Görkəmli hərbi xadim M.Əbilov ömrünün 36 ilini Vətənə xidmətə sərf edərək sıravi əsgərdən general-mayor rütbəsinədək yüksəlmiş, bir çox hərbi birləşmələrdə müxtəlif vəzifələrdə çalışmışdır. Böyük Vətən müharibəsi başlayanda 146-cı əlahiddə atıcı briqadanın komadiri, 1943-cü ildə Kaluqa şəhərində 146-cı atıcı briqadasının əsasında təşkil edilmiş 70-ci atıcı diviziyasının komandiri vəzifələrinə təyin edilmiş, Pribaltika, Çexoslavakiya və Macarıstanda gedən döyüşlərdə rəşadət göstərmişdir.

M.Əbilov Faşizm üzərində qələbədən sonrakı illərdə bir sıra atıcı diviziyalara komandanlıq etmiş və 1955-ci ildə Sovet Ordusu sıralarından tərxis olunmuşdur. Lakin tərxis olunduqdan sonra da o, Müharibə Veteranları Komitəsində böyük iş aparmışdır. SSRİ Ali Sovetinin və Azərbaycan SSR Ali Sovetinin deputatı seçilmiş, Azərbaycan Kommunist Partiyasının Mərkəzi Komitəsinin üzvü olmuşdur.

M.Əbilov 2 dəfə “Qızıl Ulduz bayrağı”, 2-ci dərəcəli “Kutuzov” ordenləri ilə təltif edilmişdir. Mahmud Əbilov 1972-ci il yanvar ayının 2-də vəfat etmiş, Fəxri Xiyabanda dəfn olunmuşdur.

1998-ci ildə Azərbaycan Respublikasının Prezidenti Heydər Əliyevin imzaladığı sərəncama əsasən general-mayor Mahmud Əbilovun 100 illik yubileyi təntənəli şəkildə qeyd olunmuşdur. Sərəncama əsasən Qusar şəhərinin mərkəzi parklarından birinə Mahmud Əbilovun adı verilmiş, burada onun büstü qoyulmuşdur. Generalın doğma kəndi Ukurda onun möhtəşəm abidəsi ucaldılmış, kənddəki məktəbə adı verilmişdir. 2015-ci ildə faşizm üzərində qələbənin 70 illik yubileyi münasibətilə çəkilmiş “Kiçik kəndin böyük generalı” adlı sənədli film Mahmud Əbilova həsr edilmişdir.^[3]^[4]^[2]

Təltifləri

14.02.1943 "Qızıl ulduz bayrağı" ordeni
28.09.1943 "II dərəcəli Kutuzov" ordeni
19.10.1944 "Qızıl ulduz bayrağı" ordeni

İstinadlar

↑ "Абилов Махмуд Абдулрза оглу". 2021-11-07 tarixində arxivləşdirilib. İstifadə tarixi: 2013-08-22.
↑ ¹ ² "Böyük Vətən müharibəsində diviziya komandiri vəzifəsinə və general-mayor rütbəsinədək yüksələn azərbaycanlı". 2019-07-08 tarixində arxivləşdirilib. İstifadə tarixi: 2022-09-09.
↑ Şıxverdiyev,İ. İstedadlı general : Nəsillərə nümunə / İzzəddin Şıxverdiyev// Respublika.-2010.- 8 may.-S. 13.
↑ Abasov, M. General Əbilov: General Mahmud Əbdüləziz oğlu Əbilovun həyat və döyüş yolu haqqında elmi-populyar oçerk / Məzahir Abasov; Red. H. Orucov.- Bakı: Şərq-Qərb, 1998.

Xarici keçidlər

[1]

Həmçinin bax

[1] "Абилов Махмуд Абдулрза оглу". 2021-11-07 tarixində arxivləşdirilib. İstifadə tarixi: 2013-08-22.

[:0-2] ¹ ² "Böyük Vətən müharibəsində diviziya komandiri vəzifəsinə və general-mayor rütbəsinədək yüksələn azərbaycanlı". 2019-07-08 tarixində arxivləşdirilib. İstifadə tarixi: 2022-09-09.

[3] Şıxverdiyev,İ. İstedadlı general : Nəsillərə nümunə / İzzəddin Şıxverdiyev// Respublika.-2010.- 8 may.-S. 13.

[4] Abasov, M. General Əbilov: General Mahmud Əbdüləziz oğlu Əbilovun həyat və döyüş yolu haqqında elmi-populyar oçerk / Məzahir Abasov; Red. H. Orucov.- Bakı: Şərq-Qərb, 1998.

[1]

[2]

[3]

[4]